النتائج 1 إلى 5 من 5

(*)مواقـــــــــــــف نــــــــــواعــــــــــم(*) << ادخل واضحك

  1. #1
    عضو فعال
    نقاط التقييم  :  5
    تم شكره        0 مره

    تاريخ التسجيل
    Feb 2010  
    المشاركات
    320  
    عزيز نفس انا غير متواجد حالياً

    (*)مواقـــــــــــــف نــــــــــواعــــــــــم(*) << ادخل واضحك

    خلونا نشوف بعض مواقف النواعم بس ياليت تشاركونا في بعض مواقفكم بعد انتم
    سلممممممممملم

    (1)


    انا خالي رجال كبير بالعمروعنده عزيمه كبيره وكلهاا مشاايخ ونااس كبار وراح العصر الصيدليه لقى هالاكياسمكتوب عليها فوط ......!
    قام شراها قال هاذي اوجه واحسن من المناديل وحطها علىالمغاسل يوم طلعو النااس من الرجال من العشاا الا ياقلبي هو يقول مسحو وراكممافتحتوها وكلهم مستحين محد قال شي ويجي واحد ينادي ولد خالي قال الحق شف اهلك وشحاطين على الغسالات ولد خالي شالها ولا عاد دخل على الرجال وخالي جاا معصب من اليشال الفوط خخخخخخ


    2


    مرة منالمراري


    كنت قاعده في الملحق اناوخالتي ام زوجي وخوات زوجي وكنت توني معرسه مابعد كملت سنه اضن
    وفيني رجه مهيبطبيبعيه
    المهم كلمت ابو الشباب مدري هو كلمني قلت له وينك تاخرت؟؟
    قال فيالحاره مير يغزني بليس قلت ورى ماتروحين تخبين ورى الجدار تروعين رجلك
    مير اسمعباب الكراج ينفتح واطييييييييييير اركض اتخبى ورى الجدار
    واسمع باب الكراجيتسكر
    وانا عاد اقوم استعد احمي يديني للخبطه
    واسمع باب السيارهينفتح
    واخذ نفس
    واسمع خطواته جاايه
    المهم مادريت الا الرجال يمشي
    عادطريقه الجدار الي عند الكراج اذا دخل يصير معطيني ظهره وانا وراه
    ياليت يوم بليسغزني قال اصرخي في وجه اسحبي شماغه
    بس بليس قال اهبديه
    وظلااام جهتالكراج


    واجي طاايره وباقوى قوهاقدر اسويها اخبطه مع ظهره من ورى بين كتووفه


    <<<<الله منالجفااسه حتى في المزح خخخخخخخخخ
    مسيكين هو من قوهالخبطه


    ومادريت الا الكراج ينفتحمره ثانيه


    صار الي جاااي اول اخوورجلي


    وهو الي تلقى الضربه ارضجو


    والله اني بغيت انحاش معباب الكراج يوم انفتح من الفشيله


    واطلبالطلااق


    التفت عليقااااااااااااااااااال عمىىىىى
    عاد انا بغيت ازعل يوم قالعمىىىىى


    <<لها وجهتزعل


    مير تشوفوني اااسفه اااسفهومغطيه وجهي بيدي احسبك فلااان


    <<<<يقالكستيره متغطيه خخخخخخخخخخ


    قال تكفين خفي على اخوويخخخخخخخخخخخخ


    عاد مير انا الي انصى رجليوانا ازبد من الحمق<<<بعير مو انسانه


    واقولهالسالفه


    قال اشوى فيه ولا فينيخخخخخخخخخ


    قلت رح تعذر له واشتر لهفكس على حسابنا خخخخخخخخ


    عاد رجلي قال ترى فلانهتحسبك انا لاني مكلمه قايل انا قريب حول البيت


    قال الله يصبرك يااخويانتبه لاتزعلها تذبحك خخخخخخخخخ


    اذا هذا مزح اجل شلون اذازعلت


    ============================== =============
    (3)


    البنت هاذي زينه مره وحبيبهبس يعيبها رجولها كباار خخخخخخ تلبس 41 ومرات 40
    تزوجت وانهبلو عليها اهل رجلهامن سناعتها وزينها وحبابتها بسم الله عليه
    تقول مره مجتمعين هي وحملوتها حريمعيالهم وبناتهم وبنات بناتهم متزوجات كثاار مره
    تقول مير تجي سلفتها تقول لهافلااااانه
    قالت سمي<<<<يقالك ذوقخخخخ


    قالت ولدي يقول رجووول خالهفلااانه كبااااااار وسوود وانا وابوه متنا عليه من الضحك خخخخخخخخخ حسبي الله علىعدوانها
    تقول ميررررر الدنيا تدووور بي ابرد ماعرف من الروعه والمفاجاءه تقولقلت ياحبيله بسم الله عليه ذكي <<<<شوفو الخبال خخخخخ
    تقول حسبيالله عليها جابت لي العقده صرت لين جيت اروح لحمولتي اقعد قبل يويمن افرك رجوووليخخخخخ ومرات اذا صندل يسمر لطيت المكيااج في الرجووول

    (4)


    هذا الله يسلمكم يوم زواجيمن بكره رحنا نتعشى عند اهله عشان رحلتنا بالليل بنسافر المهم دخلت عليهم وطااروفيني وانا عاد راسي انتفخ الظاهر اني حاسه بعقده نقص
    قال زوجي تعالي اوريكجناحنا على اساس اني ابسكن عندهم المهم طلعت فوق ونزل زوجي وانا قعدت اتضبط شويوجيت انزل ومستحيه بيتهم مليان ومادري وين ارووح معه وقاعده ساعه عند باب المجلس كلماجيت ادخل استحيت لين طلعت امه في وجهي شافتني ارتاعت قالت بسم الله الله يفشلالعدوو المهم دخلت وجلست كل بزارينهم متجمعين تحتي كاني تمثال ابو الهول يتفرجونعلى العرووس وانا مغير ابرد شاهي واشرب بزارينهم مادري من الروعه وكل واحد يقول اناماشربتيني
    تعشينا وجا زوجي قال يله بنمشي وجا معه اخوانه بيودعونه وبيسلمون عليواتغطى بالشرشف مادريت الا علبه المناديل الخشب الي صاقعه وجهي والله اني حاسهبدوخه من قوه الضربه واصرخ ذيك الصرخه الا ولد اخت زوجي شيطاااااااااني امه مستاذيهمنه صقعني فيها تطامرو خواله الي يخبطه مع راسه وانا من الروعه اقول لاعااااااديماعورني اصلا ماطقتني العلبه
    كل هالصرخه واقول ماطقتني وعيوني تصب دمووع واقولفي نفسي الشرهه على الي يتزوج ولدهم
    قال له زوجي قلها اسف يله بسرعه ودخل راسهتحت الشرشف وانا الي احمر عيووووووووووني عليه واكشر في وجهه قام الله يفشله قاليمه عيونها تخوف كبار وحمر بصووت عالي بغى يغمى علي منالروعه



    (5)
    انا مره رايحين البر انا وحمولتيواخوان زوجي وحريمهم


    المهم ان زوجي حااط علببيبسي فوق بعض وقااعد يصوب عليها بالبندق<<<ياقدمهاخخخخخ


    قصديبالساكتون


    وصارو بالدور هالشبابالصغار وخواته يصوبون ولا واحد جاابها


    جيت انا طاايره قلت اناابجرب


    قال وخري بس لاتفشلينا اخافتذبحين احد ونتوهق ندفع اديه يبي يحطمنيويقهرني


    ومير انشب بحلقه ويضحكونيقولون عطها خل نشووف


    يوم خذته تعالي شوفيالتعليقات الي تقول ابركب عيالي السياره لاتصوبين عليهم والي يقولابنحااش


    واحس بقهر في قلبي واقول فينفسي ياودود ياودود انك تنصرني عليهم


    واشيل السلاح واحطه علىكتفي حسيت كاني لوااء من فرحتي


    يوم اطلقت الرصاصهواجيبهاااا وانا بنت ابوووي


    وتعاالي شوفي التعليق الييقول فلانه جابتها والي يقووول اكيد متعلمه من قبل والا شلون تجيبينها
    ورجليانهبل شفتو ام فلاان<<ألحين صرت ام فلان اول يتهزافيناا


    عاااد انا رااسي صارر كنهمنطااد من الفرحه<<<الي يركبون فيه في افلام كرتونخخخخخ


    قلت يله ابسوي مرهثانيه


    وكلهم متشوقين ومتجمعين يلهيله وانا عااد يارض انهدي ماعليكي قدي


    واجهز الساكتون واحط طرفهعلى كتفي واغمض عين وافتح عين يقالك مركزه


    عاد قمت اتميلح عندهم كانيخبره صدقت عمري


    توني حاطه يدي على الزنادوطاالقه الرصاصه الا شي قال بببومب وقزاز انتثر اثاريني من زود التحمس جت الرصاصهفي لمبه سياره رجلي خخخخخخخخخخ


    والله عقب ماكان مفتخر فينيوفرحان فيني حسيت انه وده يكفخني ومجاامل عند اهلهخخخخخ


    وتعالي شوفي الضحك عليوالكل عرف ان المره الاولى صدفه

    (6)


    قبل كم يوم كلمت وحدهاعزيها في امها وكانت امها لها مده في المستشفى حول شهرين وكنت كل فتره اكلم اسالعنها
    المهم الحرمه ماتت الله يغفر لها وكلمتها اعزيها ودار هالحواربينا


    هلاا فلانه عظم اللهاجرك


    هلا والله اجرناواجرك


    الله يجمعك بها في الفردوسياارب


    هي تقولاامييييييييييين


    عاد السلك زي ماقلت لكممافيه


    قلت انا الا بشريني عنالوالده عسااها الحين احسن خخخخخ


    قالت هي هوووووووووو انتيتعزيني في مين اجل
    عاد انا دوريني ماتلقيني


    ومره رحنا لاخت زوجي واطلعوانسى ولدي عندهم خخخخخخخخ ياخزياه مانسيته الا عند الحموله ليتني ناسيته في بيتخالتي والا اهلي والا خالي خخخ


    مادريت الا تدق علي قالتمانسيتي شي قلت اييي قصدك الصينييه بعدين جيبيهامعك


    الله يخلف على قلبي ذكرتصينيه المكرونه وماذكرت ولدي موديه معي لها صينيه مكرونه واحسبها تقصد الصينيهخخخخخ


    قالت لا ولدك تراه انهبليقوول امي نستني خخخخخخخ


    ومره دخلت محل ابشتريشي وانشب بحلق الرجال على خمسه ريال ابيها يخصمها مادري وش جااني على هالخمسه وانشبفي حلقه نشبه الحساب كان اعتقد 25 وابي احاسب بعشرين اخر شي يبي يفتك مني قال خلاصطيب واعطيه خمس ميه واترك الباقي كله واطلعخخخخخخخ


    ومره رحنا انا وخواتي نعزيسلفه اختي المهم دخلنا وقامت تقص علينا قصه وفاه امها انها ارتفع السكر عليها ودخلتبغيبوبه وانها صحت قبل ماتموت بااسبوع
    واجي عاد انا المفهيه اشوااا الحمد للهصحت الحمد لله على سلامتها
    خواتي طلعو من غير مايقولون مع السلامه منالضحك


    ومره اختي كلمت امي قالت ام سلفتي ماتت ابمرك نروح نصلي عليها ومرتامي وراحو المسجد تقول اختي يوم كبر الامام واذكر ان ماعلي صلاه خخخخخخخخ تقولواتغطى واقعد اضحك يوم سلمت من الصلاه قالت لها الي جنبهاا حرام ياختي كل هالصيااحامسكي نفسك تحسب اختي تصيح


    (7)


    هذا موقف لاختي في شهرالعسل


    كانو مسافرين براا
    ودخلومطعم يتغدون تقول جاب لنا المنيو واختار زوجها وش يبي ةجا دورها وتقول قال لهازوجها تبين اساعدك في اختيارك
    تقول وخيتي مير اعصب عليه قلت لااا انا اعرفاختارر
    وهي تقول في نفسها حاقرني يحسبني ماعرف انجليزي
    وتلقى هذاك الطبقوتجوز لها مكوناته ولقته غالي قالت اكيد زين
    المهم جابو طبق زوجهاا تقول مادريتالا ذيك العربيه يدفها ثنين عليها رجل عجل خخخ مغلفه بقصدير
    تقول كل تالي فيالطاولات يناظرون هالعربيه وين بتروح وتقول وانا التفت على رجلي قلت وش بياكلهاللحم هاذي يبي لها عشر اشخاص وهي تضحك مادرت انها لها خخخخخخخخخ
    تقول مادريتالا جابوها لي وخلو واحد واقف فوق راسي يقطع لي وانا اكل خخخخخ تقول متنا من الضحكانا وزوجي قال تستاهلين


    (8)
    انا اذكر كنت مسافره عند خالتي وبعد فتره لحقتنا امي


    قالت مره خاالي قرهعينك


    وش رديت عليهاانا


    ياليتني انثبرتابرك


    قلت الله يقرقر عينكخخخخخ


    قالت حسبي الله على عدوكبسم الله علي الله يخلي لي عيوني


    عاد عرفت بعدين اني المفروض اقول بنبيك(محمد عليه السلام)

    نشوف مواقفكم الحين

  2. #2
    عضو متميز
    نقاط التقييم  :  5
    تم شكره        0 مره

    تاريخ التسجيل
    Aug 2007  
    المشاركات
    3,979  
    ابو ياسف غير متواجد حالياً
    السلام عليكم ورحمه الله وبركاته

    اخوي الغالي اخوي الحبيب

    عزيز نفس انا


    انا اقولك موقف صار معي هههههههههههههههههههههههههههه


    كنا في زياره لمدينه ابها واول مره في عمري اروح لابها لان خوالي من عسير

    المهم

    رحت انا وخالي ماني متذكر وش يبي المهم وقف سيارته وكنت جالس بدالخها وواحد من زملاء خالي شاف السياره وعرفها

    وجاء الي عندي وقالي بسرعه (ولعون) صرت التفت يمين ويسار وردد الكلمه مره ثانيه

    قلت له انت الان الكلمه هذي لي

    قال وهو مبتسم ايه انا اكلمك

    نزلت من السياره وانا زعلان ومنفجر من الزعل وعلى طول قلت له انت الي (ملعون) لارحمت ولابعثت ومسكته الرجل فرط بين ايديني من الضحك وانا منحرق منه واعصابي طايره وتحمعت الناس وتفزع وشوي جاء خالي ومسكني قالي وش الي صار علمته السالفه وكمان هو فرط من الضحك

    وبعدين فهموني هذي الكلمه تقال ( ولعون ) وردها (عافك الله وانت ولعون)


    ههههههههههههههههههههههههههههههههههههههههه

    اختلاف اللهجات تسبب للواحد احراجات


    والثاني

    واحد منهم يسالني ايش حالك وحال العوال وايش حال الحوش

    قلت وش عنده يسال عن الحوش وانا ماني فاهم قلت له الحوش كبير وياخذ سياراتنا والحمد لله سعه

    طالع فيني وصد عني قلت وش المهبول هذا وربي مو صاحي


    وبعدها مسكني خالي قال اسمع لاترد على اي احد من الجماعه سو نفسك ماسمعته وبلا الفضايح

    والمسلسلات الي انت تعملها


    تقبل تحياتي
    اخوك بندر

  3. #3
    عضو متميز
    نقاط التقييم  :  5
    تم شكره        0 مره

    تاريخ التسجيل
    Oct 2009  
    المشاركات
    551  
    الجلاد ابوعدي غير متواجد حالياً
    اخواني:
    انا توي متعين بمدرسة بحفر الباطن ويوم اربعاء وابسافر للقصيم.ط
    المهم قلت ابزوغ نص الحصة الاخيرة واطع اشوف المدير ماهو بالمكتب كويس..
    وانا طالع من باب المبنى داخل على الحوش واتلفت وبجنب الجدار اول ماطلعت من الباب ابمشي بجنب الجدار واول مالفيت يسار واطالع وراء ولا خابط بش ولاهو المدير جاي مدخن ويقول بسم الله وش فيك.

    ومره كنا طالعين من الجامعه وقفنا نصلي الظهر وانا قاعد اتوضاء من المغاسل وزميلي واقف وراي المهم كنا نسوي مقالب ببعض.
    فاول ماخلصت عبيت ايديني موياء والتفت عليه بسرعه لايوخر وانا موجه ايدي بالماء له واطالع ولا ماهو خويي ولا يديني تمشي 6000 مايمدني اردها ماقدرت الا احرفها شوي وينزل الماء على لحيته وصدره.
    تصدقون ماقدرت حتى اعتذر ضحكت ومشيت.

  4. #4
    كاتب متميز
    نقاط التقييم  :  49
    تم شكره        32 مره

    تاريخ التسجيل
    Dec 2007  
    المشاركات
    9,835  
    نوافكو غير متواجد حالياً
    مواقف فعلاً مضحكة وخاصة مواقف أخوي بندر واخوي ابو عدي
    ربما لأنها تقال من أصحابها فلها رونقها
    الله يسعد أيامك أخي / عزيز نفس انا
    ولو سألتني عن المواقف فستكون إجابتي معرفوة تهرباً من السؤال :
    الواقف كثيرة ولكني لا يحضرني الآن شيء

  5. #5
    XموقوفX
    نقاط التقييم  :  87
    تم شكره        47 مره

    تاريخ التسجيل
    Jan 2010  
    المشاركات
    6,316  
    الــجــنــوبــي غير متواجد حالياً
    شكراً لك على المواقف المضحكة

    ويسلمووووووو ياغالي وياشاعرنا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.