النتائج 1 إلى 15 من 15

|||||| تضيع العناوين يوم تضيع المراجل |||||||

  1. #1
    سواليف إنسان منكم
    ( كاتب مبدع )
    نقاط التقييم  :  38
    تم شكره        16 مره

    تاريخ التسجيل
    Apr 2007  
    المشاركات
    19,607  
    إنسان منكم غير متواجد حالياً

    |||||| تضيع العناوين يوم تضيع المراجل |||||||

    اذا المراجل لبست شماغ وعقال *** قل للعذارى يلبسنّ العمايم

    ما عاد يفرق زول حرمة ورجال *** دام الفعايل تشبه البعض دايم

    المرجلة ما هيب كلمة وتنقال *** وتروح ما راحت هبوب النسايم

    وإلا خشونة صوت أو رفع الأثقال *** أو رزة صدور وفعل الزلايم
    ولا هي بعد مفتاح موتر وجوال *** وإلا ردى لسانن حديثه شتايم
    المرجلة شيمة عن القيل والقال *** رفيع نفس (ن) حر بالجو حايم
    المرجلة عقلٍ وزن وزنة جبال *** ودون العقل وش فرقنا والبهايم
    يامسندي لو مايل الوقت بي مال *** يا ولد أبويه يا عظيم العزايم
    يا معرب الجدين من العم والخال *** يا نخوة المفزوع وقت الهزايم
    المرجلة يا خوي هي طولة البال *** هي العزم هي الصبر فالظلايم
    فيها الكرم عزة دلة وفنجال *** فيها الكرامة عن ردى الطبع شايم
    والدين لامنه خذا القلب منزال *** مشى طريق الحق وابليس نايم
    ومن لا عرف ربه في طيب الحال *** لابد وقت الضيق بالهم هايم
    حتى صلاتك مع جماعات ورجال *** في خيرها يا خوي نعم الغنايم
    ولامن نصف ليلك قم صفي البال *** يا عظم أجرك بين ساجد وقايم
    ولا من رفع ربي له كل الأعمال *** حسن الذكر لا قالوا فلانصايم
    وخلك شريف القصد يا طيب الفال *** سوء المقاصد فالبيوت الهدايم
    واحذر تبيع النفس في درب الأنذال *** وتتبع خوي إبليس راع النمايم
    النفس خيل لك إذا كنت خيّال *** ومن لا قوى نفسه قوته الهزايم
    ولا صرت ما تدري لو يش أنت رجال *** والله خسارة فيك ذبح التمايم




    منقول




    قصيدة المرجلة

    للشاعر / فواز الشهيب

    يقهرني اللـي فـي شبابـه مايفيـد ولا يثيـب
    اللي علـوم المرجلـه مايربطـه معهـا صلـه
    اللي لاجيته تنصحه يضرب على نصحك صليب
    ويقول ياشيـخ استـرح مالـي ومـال البهذلـه
    ويعجبني اللي في شبابه يلتعـب وتقـول ذيـب
    اللي ليا منّه تعب يتعـب مـن اجـل المرجلـه
    والمرجله ماهي بسهلـه دربهـا دربٍ صعيـب
    واللاّش يجهل دربها وامّـا الكفـو مـا يجهلـه
    ومن لا جمعها في شبابه ماجمعها فـى المشيـب
    ورجّـلٍ بليّـا مرجلـه مالـه مكـان ومنزلـه
    ماهو غريب الرجْل يعمل لكن الشـي الغريـب
    شخصٍ تعدّى عمـره العشريـن ويخسّـر هلـه
    هذاك في قلبه مـرض لكـن جعلـه مايطيـب
    لا صار ماينفـع هلـه ولايجيـب النفـع لـه
    يخسى ترى ماهو رجل أقولهـا وانـا مصيـب
    ويقلـون قـولٍ تستحـي يالآدمـي منـه قلـه
    أقولهـا ولا استحـي لا مـن بعيـد ولا قريـب
    واللّي زعل من كلمتي ما همّنـي هـو وزْعلـه
    اللي ماينفع فى الزمن ودّك عن عيونـك يغيـب
    ياليت يوجـد لـه قطـع غيـار لجـل انبدّلـه
    والمشكله هو كيف عايش يا عجايب يا عجيـب
    ما حقّـه ألاّ مـن يفجّـرفـوق راسـه قنبلـه
    يقهرْك يوم تعاتبه ويقول انا مـن ويـن اجيـب
    عاطل وما حصّلْي عمل علـى شـان أعملـه
    ياخي ماهو لازم تصير استاذ أو تصبح طبيـب
    الشغْـل واجـد ومتوفّـر ميـر عقلـك شغْلـه
    شف أي شغله واشتغل ترى الشغل ماهو بعيـب
    العيـب يـوم انّـك كـذا لاشغـل ولا مشغلـه
    إليا متى وابوك شايل حملك اصحـى يالحبيـب
    ربّاك واليومه رجل والحمْل عن ضهـره شلـه
    إليا متى همّـك بقلبـه يشتعـل مثـل اللهيـب
    ربّاك لجل تساعـده واصبحـت عنـده مشكلـه
    أقل حاجه سد نفسـك لا متـى وانتـه عطيـب
    رجّال طول وعرض فوق الارض عايش مهزله
    أنا معك إن الحيـاه أرزاق وحظـوظ ونصيـب
    لكن سـوّ اللـي عليـك وكـل مجهـود ابذلـه
    خلّك على الله متّكل أمـر الحيـاه أمـرٍ تعيـب
    واجبك لا تقعد عنـه واللـي علـى الله ازهلـه
    إليا تقفّل باب غيـره بـاب واصبـر ماتخيـب
    واعلم بـأن أبـواب ربّـك دوم ماهـي مقفلـه
    اغنم شيابك قبل شيبك بكـره اتشيـب وتعيـب
    وما انته بفايد تال عمْـرك كـان مافـدت أوّلـه


    منقول



    قالـوا علامـك صامـت وقلـت يانـاس

    كثـر الكـلام يـقـل لاجـلـه مقـامـي

    الصمت حكمه والحكـي مصـدر إفـلاس

    ولقيـت فـي صمتـي يزيـد احتـرامـي
    الصمت له معنى وله ذوق وإحساس
    مركـب نجاتـك فـي بحـور الظـلامـي
    ترى الرجل صوره مـن الـراس للسـاس
    ثــم يتبـيـن جـوهـره بالـكـلامـي
    إمـا نطـق فـي كلمـة ترفـع الــرأس
    تضفـي علـى شكلـه جديـد الاسـامـي
    وإلا يعـود معـدنـه مـعـدن نـحـاس
    يرميـه سهمـه بعـد مـاكـان رامــي
    لا صار عنـدك مـن ثمينـات الألمـاس
    خلـه بصـدرك ليـن وقــت التمـامـي
    أخـاف يطلعلـك مـن الـنـاس بــلاس
    وإلا سفـيـه مــا يــرد الـسـلامـي
    الله خلـق خلقـه علـى عــدة أجـنـاس
    وكـلـن يسـوقـه مذهـبـه للأمـامـي
    والله خلـق بالطيـر قـمـري وقـرنـاس
    ووقـت الهـدد مـا ينغـزي بالحمـامـي
    لا جال في صـدرك مـن الهـم هوجـاس
    وعيـنـك يحاربـهـا لـذيـذ المنـامـي
    ونفسـك عليلـه والفكـر صـار محتـاس
    اتـرك طمـان الـقـاع وارق السنـامـي
    عليـك بالعالـي لـيـا هــب نسـنـاس
    يبـري الجـروح الخافـيـه والعظـامـي
    وخلـك لربعـك دايـم الــدوم نـبـراس
    وخـص القريـب وخـص ولـد العمامـي
    خلـك لهـم فـي داجـي الليـل مقـبـاس
    ولصاحب أصـدق مـن حقـوق الغمامـي
    ربعـك ذراك ليـا لحـق راسـك البـاس
    قـدم لهـم شربـك ولـو كنـت ضامـي
    وخلـك لثـوب الطيـب والعـز لـبـاس
    واتــرك دروبٍ تنتـهـي بالـحـرامـي
    وفعل الجميل وواجـب الضيـف نومـاس
    ومـن لا نفـع بالضيـق نفعـه عـدامـي
    بيـت الكريـم أبوابـه بــدون حــراس
    وبيـت البخيـل يعـد مـثـل الهـدامـي
    كـلٍ بهـا الدنـيـا نصيـبـه بمقـيـاس
    يـاخـذ نصيـبـه لوجـفـوه الأنـامـي
    التعديل الأخير تم بواسطة إنسان منكم ; 10-31-2009 الساعة 10:44 PM

  2. #2
    عضو متميز
    نقاط التقييم  :  5
    تم شكره        0 مره

    تاريخ التسجيل
    Sep 2009  
    المشاركات
    2,723  
    تـــركي غير متواجد حالياً
    صح لسانك سلمت يداك

  3. #3
    عضو متميز
    نقاط التقييم  :  65
    تم شكره        29 مره

    تاريخ التسجيل
    Dec 2004  
    المشاركات
    4,041  
    albasheg غير متواجد حالياً
    مشكور أخي أنسان منكم

    كما عهدناك صقر المنتدى والأخ العطوف على أخوتك
    ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
    كـلٍ بهـا الدنـيـا نصيـبـه بمقـيـاس **** يـاخـذ نصيـبـه لوجـفـوه الأنـامـي

    قلبها وتمعن فيها ولها مغزى بيني وبينك . وما أو ردتها الا لسبب

  4. #4
    عضو متميز
    نقاط التقييم  :  6
    تم شكره 3 مرة

    تاريخ التسجيل
    Feb 2007  
    المشاركات
    7,517  
    هاوي ملايين غير متواجد حالياً
    صح لسانك اخوي ابو عبد الله

    المرجله ماهي كلام ينقال او حروف تتكتب ،، المرجله افعال ومواقف تغيب عن الكثير في هذا الزمن.

  5. #5
    عضو متميز
    نقاط التقييم  :  5
    تم شكره        0 مره

    تاريخ التسجيل
    Apr 2007  
    المشاركات
    8,679  
    DaReEeN غير متواجد حالياً

  6. #6
    عضو متميز
    نقاط التقييم  :  143
    تم شكره        37 مره

    تاريخ التسجيل
    Jan 2006  
    المشاركات
    2,605  
    ابوعبدالعزيز7 غير متواجد حالياً

    ياكثرهم لا قلت لك عرفت وجيه
    ويا قلهم لا قلت قدر ومعزة
    رجل تعزه بعد ما تلتقي فيه
    ورجلٍ قبل لا تلتقي به تعزه
    ورجلٍ ترزه بالمجالس مباديه
    ورجل فلوسه بالمجالس ترزه
    ورجلٍ يموت ولا يجيبون طاريه
    ورجل يجي طاريه في كل حزه
    ورجل ضعيف ويستفزه معاديه
    ورجل كلام إعداه ما يستفزه
    ورجلٍ يهزه بعض موقف ويشقيه
    ورجل ماهوب ايات موقف يهزه
    ورجلٍ تلزه يعترف لك بخافيه
    ورجل على خافيه محدن يلزه
    ورجلٍ يوزونه ويزعل من أخيه
    ورجلٍ يّزعل من يحاول يوزه
    ورجلٍ تكزه لازم إنك توصيه
    ورجلٍ بليا ما توصيه كزه
    ومن لا فرش للمرجله ماتغطيه
    ومن لا يخز الناس محدن يخزه ..



    الشاعر\ خلف بن مشعان العنزي

  7. #7
    XموقوفX
    نقاط التقييم  :  653
    تم شكره        198 مره

    تاريخ التسجيل
    Apr 2009  
    المشاركات
    10,320  
    Bejad M غير متواجد حالياً
    يامال السلامه و العافيه....عافيه عليك...ايوه هيج كلام

  8. #8
    عضو متميز
    نقاط التقييم  :  5
    تم شكره        0 مره

    تاريخ التسجيل
    Mar 2009  
    المشاركات
    2,354  
    @ لمار @ غير متواجد حالياً
    اقتباس المشاركة الأصلية كتبت بواسطة إنسان منكم مشاهدة المشاركة
    المرجلة عقلٍ وزن وزنة جبال *** ودون العقل وش فرقنا والبهايم
    المرجلة يا خوي هي طولة البال *** هي العزم هي الصبر فالظلايم
    فيها الكرم عزة دلة وفنجال *** فيها الكرامة عن ردى الطبع شايم

    الله أوجد البشر 00و أوجد بينهم الاختلافات حتى بالمراجل

    أبيات رائعة 00
    صح لسانك ولسان شاعرها



    0

  9. #9
    XموقوفX
    نقاط التقييم  :  5
    تم شكره        0 مره

    تاريخ التسجيل
    Feb 2007  
    المشاركات
    5,490  
    الضرغااام غير متواجد حالياً
    ’’’ في هذا الزمن الاغبر’’’
    ان تقيدت بحميد الاخلاق _ قالوا عنك كذاب ومجامل
    وان تقيدت بالصمت _ قالوا مايعرف يتكلم ولايشارك
    وان تقيدت بالصفح والعفو _ قالوا جبان وخواف ولايحب المواجهه
    وان تقيدت باداب الحديث _ قالوا متفلسف
    وان تقيدت بافعال الرجال _ قالوا متخلف ورجعي
    ياصاحبي نحن بزمن انقلبت فيه كل الموازين _ شئنا ام ابينننننننننننننننننننناآآآآآآآآآآآآآآآآآآآآآآ ’’’’

  10. #10
    XموقوفX
    نقاط التقييم  :  5
    تم شكره        0 مره

    تاريخ التسجيل
    Mar 2007  
    المشاركات
    16,762  
    جابركسر غير متواجد حالياً
    أبيات في غاية الروعة يسلم راسك أخوي أبوعبدالله والله أنك قندت راسي بماخطته أناملك

  11. #11
    عضو متميز
    نقاط التقييم  :  41
    تم شكره        15 مره

    تاريخ التسجيل
    May 2009  
    المشاركات
    2,729  
    muqpel غير متواجد حالياً
    صح لسان الشاعر
    وصح لسان اخوي ابوعبدالله

    بارك الله فيك
    ورحم الله والديك
    يالغالي

  12. #12
    عضو متميز
    نقاط التقييم  :  5
    تم شكره        0 مره

    تاريخ التسجيل
    May 2007  
    المشاركات
    2,807  
    hameed55 غير متواجد حالياً
    هلا بالغالي ابوعبدالله
    لا يزال عنوانك الابداع


    تحياتي,,,

  13. #13
    عضو متميز
    نقاط التقييم  :  5
    تم شكره 6 مرة

    تاريخ التسجيل
    Aug 2008  
    المشاركات
    1,681  
    mhn55 غير متواجد حالياً
    لــســت بــمدّاح ولا أنا شــاعرٌ @ ولـكـن ابحث ما يناسب مقامه



    من حروف لاإنسان منكم ساهر @ كي لــــساني بالمودّة ينطق لشانه


    إنسيان منكم


    هو البحر من أي النواحي أتيته @ فلجته المعروف والجــــود ساحله

    تــعــوّد بسط الكفحتى لو انه @ اراد انـقباضـــا لـــم تطعه انامله
    ولو لم يكن في كفه غير نفســــــــه @ لــجــاد بــهــا فـلــيتق الله سائله






    إذا جاريت في خلــــق ٍ دنيئا @ فأنت ومن تجـــــــاريه ســواء


    رأيت الحُرّ يجتنب المخازي @ ويحميــــه عن الغــــــــدر الوفــاء


    وما من شـــــدة ٍ الا ســـــــيأتي @ لهــــا بعـــــد شــــــدتها رخاء


    لقد جربت هذا الدهر حتى @ افادتني التجــــارب والعــــــناء


    إذا ما رأس أهل البيت وَلّى @ بدا لهـــــم من النـــاس الجـفاء

    يعيش المرء ما استحيا بخير @ ويبقى العـــود ما بَقِيَ اللحــــاء
    فلا والله ما في العيـــش خير @ ولا الدنيا إذا ذهب الحــــياء

    إذا لم تخــــــــش عاقبة الليالي @ ولم تستــحي فافعــل ماتشاء
    لئيم الفعـــــــــل من قوم ٍ كرام @ له من بينــــــــــهم أبداً عــواء


    (( ابو تمام ))



    فــاحــذر صــغير الأمر ولــتـــحفل به @ وإذا غـــفـلـت فإنـــه يستـفحـــــل


    فالــنــــار أول مــــا تـــكـــــون شــــرارة @ والــغــيــث بـــعـد رذاذه يسترسل


    شـــاور إذا الشــــورى دعتك أولى النهى @ فخطاب غــير اولى النهى لا يجـــــمل


    وأجــــز الـــمــسيء إذا أــساء بفعـله @ والمــحـــسن الحسنى جـــــزاء ً يعدل


    ))لسان الدين ابن الخطيب((


    ننتظر مقال آخر من مقالاتك المتميزة


    @@@@

    ..

  14. #14
    عضو متميز
    نقاط التقييم  :  5
    تم شكره        0 مره

    تاريخ التسجيل
    Mar 2009  
    المشاركات
    1,324  
    harbis غير متواجد حالياً
    صح لسانك ويعطيك العافية

  15. #15
    §§][][ عضو مميز جدا][][§§
    نقاط التقييم  :  1029
    تم شكره        306 مره

    تاريخ التسجيل
    Jul 2004  
    المشاركات
    13,442  
    abdulaziz1 غير متواجد حالياً
    قصائد قمه في الموضوعيه والفائده والتحفيز للرجوله والعطاء

    بارك الله فيك على حسن الاختيار

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.