صفحة 1 من 6 123456 الأخيرةالأخيرة
النتائج 1 إلى 15 من 88

}||o||{ قـــم ،، فــز ،، قـــم ،، فـــز ،، أقـول ،، قـــم ،، فـــز }||o||{

  1. #1
    سواليف إنسان منكم
    ( كاتب مبدع )
    نقاط التقييم  :  38
    تم شكره        16 مره

    تاريخ التسجيل
    Apr 2007  
    المشاركات
    19,607  
    إنسان منكم غير متواجد حالياً

    }||o||{ قـــم ،، فــز ،، قـــم ،، فـــز ،، أقـول ،، قـــم ،، فـــز }||o||{

    بداخل الغرفة ،، أم تجلس على الأرض متكئة بظهرها على جدار الغرفة ،، يدخل أبنائها الأربعة ليقبلوا رأسها ويديها ،،، يتسابقون للجلوس بقربها .
    الأم تنهر الأخ الأصغر حمد لمزاحمته أخاه الأكبر للجلوس بقربها وتقول له : رح هناك ،، وأقعد جنب أخو عبدالعزيز .

    يظهر الحزن على محيا حمد ،، تنظر له الأم متسائلة : كل هذا علشان بتقعد جنبي ،، ( وتبتسم ) .
    يرد حمد ليقول : يمه يعلم الله بمحبتي لك ،، ولكني كنت أبي أشم ريحة الجنة تحت رجولك ( تدمع عين الأم وتقرب أبنها الأصغر وتحتضنه ،، ثم تجلسه بقربها لتقول له : طول عمرك حنون ياحمد ،، الله لا يحرمك الأجر ،، ويجمعنا وأبوك بجنات النعيم .

    أحمد وهو الأبن الأكبر مداعبا لأمه ومبتسما : يمه بعدك تحبين أبوي الله يرحمه ؟؟

    الأم : أبوك ياولدي لو تدري وش الي سواه علشانا ،، أبوكم ياعيالي كان يطلع الفجر وما يرجع إلا قريب المغرب ،، ما واحد منكم طلب إلا وجابه له ولو مامعه ،، أبوكم ،،،كذا وكذا وكذا ،،،،،، وجلست الأم تحكي محاسن زوجها ،، وذكرت لهم بأن أباهم من حرصه بأخواتهم ،، لم يكن يوما يأخذ من مهرهن هللة واحده بل كان يزيده لكي يدخلن بيوت أزواجهن وهن في أحلى حلة .

    دمعت عينا أحمد ،، فنهرته الأم قائلة له : قم ،،، فز ،،، بدل ما تدمع عيونك هنا ،، رح أشتر خروف ضحيه وأنوي أجرها لأبوك ،، بر ابوك وهو ميت ،، ولا رح قدم صدقه لليتامى والمساكين اللي مالهم أباء مثلكم وأحمد الله على نعمته ،، قم دور الأرامل وطق البيبان وأسأل المساكين عن أحوالهم ،، وشي اللي ناقصهم ،، هم مقبلين على عيد يا وليدي ،، وأحتسب اللي تسويه لأبوك .

    أبوك ياوليدي أحمد ماهوب بحاجه لدموعك بالعيد ،، محتاج فرحتك وأنت بار به باللي يقدرك ربك عليه وأن تدعي له بالرحمة والمغفره ،، أبوك رباك علشان تطلع ولد صالح يدعوا له ويبره ،، قم يا ولدي رح أعمل اللي يقدرك ربك عليه .

    قام أحمد ،، وفز من مكانه وراح وفرحته أكبر من الدنيا لأنه ماشي وفي عمقه أبوه ،، شايل معاه أحساس أن أبوه ينظر له ومفتخر بأنه ربى ولد فيه خير .

    قرب عبدالله يم أمه وأخذ مكان أحمد وسألها : يمه ودي أسالك بأمر محيرني ،،، أسأل ولا بتسولفين لنا سالفه ؟؟

    الأم : أسأل ياوليدي ،، بكره العيد إن شاء الله ،، واليوم تخبر صايمين وباقي على الأذان شوي ،، جمعتكم عندي ياوليد ،، هي عيد قبل العيد ،، ياريت تزوروني كلما قدرتوا ،، أقولكم روحوا لبيوتكم لكن قلبي مع كل واحد منكم ،، وأسأل الله أن ماتلهيكم الدنيا عني .

    عبدالله : يمه ،، بصراحة عندي صديق وكان بحسبة أخو ،، ولكني ماأكلمه من شهور ،، وقبل لا تصرخين علي وتقولين مثل العاده أنت الغلطان أسمعيني ،، هو الغلطان يمه ،، كذب علي وتسبب لي بمشاكل في المجلس اللي كنا نقعد فيه ،، والكثير من أخويانا أخذوا عني فكرة ماهي طيبه بسبب كلامه ،، ووالله ماهو صادق يمه ،، حزت بنفسي ،، ولكن البارحة حلمت فيه واشتقت له ولكني تذكرت غلطه علي ،، وش رأيك يمه ؟؟

    الأم : قم ،،، فز ،، بدل ما تولول عندي مثل اللي ميت رجلها ،، رح لخويك وطق بابه وسلم عليه وقله تراني مسامحك وخلنا نرجع مثل الأول وندحر الشيطان .

    عبدالله : بس يمه هو الغلطان .

    الأم : أفااا ياوليدي ،،، هو أنت نسيت أن من عفى وأصلح فأجره على الله ،، نسيت حديث الرسول صلى الله عليه وسلم يوم يقول كأنك تسفهم المل .

    ياوليدي ،، هذا يرفع قدرك وأترك عنك المكابر وهو سوا وأنا سويت ،، لو كل واحد يسوي اللي تسويه أنت وخويك مالقينا خوي بالدنيا ،، سامحه وسامح جارك وسامح الدنيا كلها ،، ولا يوسوس براسك الشيطان ويقول لك : هذا ماراح يستقبلك وذاك يمكن مايعطيك وجه ،، أنت سو اللي عليك وأترك الباقي لربك مدبر الأمور ،، هو العالم ،، وهو الأدرى بعباده .

    قم ،، فز ،، أهااا ،، رح لخويك وتسامحوا وأذا سويتها بتكبر بعين امك وإخوانك وخويك والناس كلها ، والله بيجازيك خير الجزاء وبيفتحها بوجه إن شاء الله ،، أهااا رح .

    عبدالعزيز يقتنص الفرصة لأنه كان بعيد عن أمه والأن أصبح قريبا منها ،،، فبادر أمه بالكلام قائلا : يمه قومتيهم ونصحتيهم وأنا بعد ابي النصيحه .

    الأم : قل يمه بس قرب بيالة الشاهي ،، ظهري رجع علي ،،، اللهم ياكافي تقل سكاكين بظهري .

    عبدالعزيز : سلامتك يمه ،،، أوديك للطبيبه يمه ؟؟ تعالي أوديك ،، الساعه المباركه اللي اقدر أسوي شي لأميمتي ولابأس عليك يمه .

    الأم : الله يخليك ياأبو سعود ،، تعال أحبك ،، عطني خديدك هالحرش ،، يوم أنك صغير كان مثل الخرام .

    عبد العزيز : خرام وشو يمه الخرام ( مبتسما ) ،، ماسمعت بالخرام يمه قبل كذا ؟

    الأم : هذا اللي حاطته أختك فاطمه في بصالة بيتها ،، ولونه بيج ،، يلمع ماشاء الله تبارك الله ،،، تقول أختك أن رجلها شاريه بقروش واجد .

    عبدالعزيز : الرخام يمه ،، ماهو الخرام ،، أجل كان وجهي مثل الخرام ،، طيب ماعليه يايمه ،، خرام ،، ولكن مثل العسل منك يمه .

    الأم : ( تضحك ) وش يدريني أنا يمه ،، شفتهم يقول خرام قلت مثلهم ،، تعال بس تعال خلني أحب خدودك هالخرام . ( وتضحك الأم ) .

    عبدالعزيز : ينظر إلى أخيه الأصغر حمد بنظره فيها توعد ووعيد ويقول له : خلني أشوفك قايلها لأحمد ولا عبدالله ولا أخواتك ،، أخرم راسك بالشاكوش .

    يضحك حمد ويقول لأخوه عبدالعزيز ،، أقول يا أبوسعود خلك مني وشف الوالده وش تبي منها علشان أنا أبيها بسالفه ،، وماراح أقول لأحد أن عندك خرام .

    عبدالعزيز : يمه بصراحة أنا وأختي وضحى متهاوشين ،، بسبب رجلها ،، اتصلت بي وقالت أن رجلها مد يده عليها ورحت مثل المهبول وتهاوشت معه ،، ومن يومها وهو مايدانيني ولا يكلمني ومحرم على أختي وضحى تزورنا في البيت ،، وش رآيك أسوي ؟؟

    الأم : أنت خبل ،، ولا أهبل ،، أقول المره مالها ألا رجلها ،، وش دخلك تفزع لأختك ،، أنا أدري أنهم متهاوشين ،، يتهاوشون يومين ويرجعون ،، لو كل واحد بيسوي سواتك ماقعدت مره ببيتها ،، رجلها أكيد غلطان بمدت يده عليها ،، وخالف أوامر كلام الرسول اللهم صلى وسلم عليه ،، بس أنت وراك تفزع لأختك بالباطل ،، أنت دريت وشهي السالفه ؟؟
    أختك دقت علي ،، وعلمتني السالفه ،، بس أنت ودك تعرف وش اللي قلته لها ؟؟

    قلت لها : أعقلي وشوفي رجلك وبيتك ،، واتركي عنك هالسوالف اللي مالها سنع ،، وأياني وإياك تنقلين سوالفك عندي ،، بيتك وأسرارك لك وحدك ،، ولا بغيت تشوريني بشي أنا موجوده ،، تعالي ولا أتصلي بي وأنا أقولك اللي ربي يسألني عنه ،، ماراح أوقف معك بالباطل وأخرب بيتك .

    دريت وش قلت لأختك ؟؟ وأنت يوم أنك تبي تفزع لأختك ،، وراك مارحت للرجال وقعدت معه وسولفت معه وخذت اللي في خاطره بالعقل وذكرته بأن الضرب والسباب ماهو وسيلة العقال ،، وماهو اللي أمر به ربنا عز وجل ،، ومخالف لكلام أشرف الخلق ،، وأن اللي ترضاه على غيرك أرضاه لنفسك ،، وراك ما أصلحت مابينهم وذكرته بكلمة الرسول صلى الله عليه وسلم ( قوارير ) يعني تنكسر ،، ونبهته أنه ماله ألا هي ،، ومالها ألا هو ،، هذا أذا تبي الإصلاح وتبي الخير لأختك ماهو تتهاوش مع رجلها ؟

    عبدالعزيز : تبيني يمه أروح وأشرب معه فنجان قهوة وبعد أسولف معه ،، وهو طاق أختي ؟

    الأم : ماهوب أحسن من أنك تأخذها معك وتتطلق وتترك بيتها وتشرد عيالها ؟؟،، أذا الرجال تحدى الرجال صارت علوم شينه وأنا أمك ،، الرجال يفقد صوابه وينسى الحكمه أحيان ،، تلقاه يطلق على أدنى الدون ،، وش اللي أخير لك ،، شرب فنجان مع زوج أختك وتصلح مابينهم وتكسب الأجر ،، ولا تشبها حريقه وتتطلق أختك وتشردها ،، وأنا وأنت ماراح ندوم لها ؟

    عبدالعزيز : والله أنك صادقه يمه ،، طيب وش أسوي ؟؟

    الأم : قم ،، فز ،، ورح لزوج أختك وسلم عليه وخذ بخاطره ،، وتسامح منه وفهمه اللي في خاطرك ،، وقله أن الشيطان غزاكم أنتم الاثنين ،، وقله اللي له واللي عليه من باب الأخوة وبالكلمة الطيبه ،، ذكره بأن هذا الأمر مايليق به كرجل ومسلم وأن عليه المحافظة على بيته وحريمته ،، وأنه يبشر بالخير ،، وأقعد مع أختك وفهمها غلطها ،، وأن كانت على حق عليها الصبر والتحلي بالحكمة ،،وإن هذا درس للجميع ،، ورجع المياه لمجاريها ،، وأتكل على الله ،، أهااا قم ،، فز .

    ينظر حمد الأبن الأصغر لأمه وبنفسه أمر يود أن يقوله .

    الأم : يومنك تناظر في رجولي كذا وراك ماتكبس رجولي أحسن .

    حمد : يمه اللي تبينه أسويه ،، كم أم عندي ؟؟

    الأم تنظر إلى حمد بأبتسامه وتقول له : ماتبطل سوالفك ياحمد عبلوماسي ،، أهااا وش عندك أنت بعد ؟

    حمد : أخوي خرام وأنا عبلوماسي ،، أقول يمه أبي أيسكريم مثل اللي شريتيه لي يومني في الابتدائي .

    تضحك الأم وتقول لحمد : أيسكريم وأنت كبر البغل ؟؟

    حمد : بغل عاد يمه .

    الأم : لا تزعل خلاص جحيش ،، مناسبه لك . ( وتضحك الأم ) .

    حمد : بصراحة يمه أنا وزوجتي ساره متهاوشين ،، وصار لي يومين ما أكلمها ،، وبكره العيد ،، وحتى العيال ما أبغى أكلمهم ،، البيت قمت أتضايق من دخلته ،، وما أدري وش الدبره ؟؟

    الأم : أفاا ،، أقولك ما أبي أعرف السالفه ،، بس تبي نصيحة أم ؟؟
    حمد : أكيد يمه .
    الأم : بكره عيد ،، ومناسبات الأحزان وش كثرها ولكن الفرح له أيام معدوده ،، نصيحتي ياوليدي ،، أن تصنع فرحتك بيدك ولا تخلي الظروف ولا الناس تسلبها منك ،، العاقل خصيم نفسه ،،، ليه تضيع أيامك بالأحزان ؟؟ وليه ماتبني فرحتك ببيتك ومع عيالك ،، ترى أهل البيت أذا مالقوا الحنان عندك راحوا يدورونه برا البيت لأنك أبتعدت عنهم ،، أحذر ياوليدي ،، لا تطيح بالغلط وتطيح غيرك وبعدين تحاسبه .

    قم ،،، فز ،،، أهااا قم ،،، فز

    ورح أشتر لك كم ورده ،، ترى الحريم يحبون هالسوالف ،، ورح لأقرب مجمع ولا محل وأشتر لك عطر ولا قميص ولا خاتم لحريمتك ،، ورح لها بالبيت ،، وأنتبه تتكلم في الموضوع ،، مد يدك بالهديه ،، وعطها ولو هي الغلطانه ،، وقفل على الموضوع ،، وإذا جات تفتحه قلها يوم ثاني نتكلم فيه ،،، أبتسموا أول وأضحكوا والمشكله خلها في وقت ثاني ،، في وقت أثنينكم رايقيين فيه .

    أهااا قم ،،،فز ،، ورح أقعد مع زوجتك وعيالك وخطط للعيد وين بتروحون ومن اللي بتزورونه ،، وخل هالعيد من أسعد الأعياد عليكم ترى العمر محدود وأنا أمك ،، وعيالك لهم حق عليك ،، أستغل وقت العيد بعلاج كل جروح بيتك وأبتدي من جديد بحياة كلها أفراح .

    أهااا قم ،،، فز ،،، وكن كريم مع حرمتك وعيالك ترى هم الأساس وهم سعادتك وهم تعاستك ،، يعني أنت اللي تصنع بيدك سعادتك وتعاستك بإذن الله ،، وإذا فشلت فأعرف أن الخلل منك لأنك ماعالجت جروحك صح فكبرت ،،، ولكن تذكر مابه شي إلا وله حل بس وين الحل

    دور عليه وتلقاه .

    حمد ينحني ليقبل قدم أمه ،،، فتدفعه بحنان لأنها ككل أم بالدنيا تريد العزه لولدها .

    يصر حمد لتقبيل قدم أمه ويقول : عزتي ياأمي في السكنى تحت أقدامك ،،، في الجنة ،، عزتي ورفعة شآني ليس بتكبري على تقبيل قدمي أطهر قدم تمشي وتحتها الجنة
    أعملتي ياأمي لماذا أريد أن أشم رائحة قدميك

    أنني ياأمي أبغي الجنة

    والجنة تحت أقدام الأمهات


    تقبل الله من ومنكم صالح الأعمال ووفقنا وإياكم لما يحب ويرضى

    وبهذه المناسبة أبارك لأخوتي في هذا المجلس الطيب وزواره الكرام
    هذه الأيام المباركة

    سائلا المولى عز وجل أن يعيدها علينا وعليكم وعلى أمة محمد صلى الله عليه وسلم والجميع متمتعا
    بثياب الصحة والعافية واليمن والبركه
    وأن يتقبل الله من الجميع طاعاتهم ودعائهم

    أنه موسم التسامح وأصلاح ذات البين فإستثمره ولن تندم بإذن الله تعالى

    وكل عام وأنتم بخير


    ( سواليف إنسان منكم )
    التعديل الأخير تم بواسطة إنسان منكم ; 12-18-2007 الساعة 12:49 PM

  2. #2
    قلم متميز
    أبو عبدالله
    نقاط التقييم  :  7896
    تم شكره        2,207 مره

    تاريخ التسجيل
    Feb 2007  
    المشاركات
    20,634  
    امانةالقلم غير متواجد حالياً
    تقبل الله منا ومنك صالح الاعمال وكل عام وانت بخير.
    العيد افراح وتهانى ونبذ الخلافات وتواصل بين الاهل والاحباب وصلة رحم للاقارب.
    جعل ايامك وايامى وجميع المسلمين افراح وتهانى تقبل مرورى وتحياتى الصادقة وعيد سعيد يابو عبد الله

  3. #3
    عضو فعال
    نقاط التقييم  :  5
    تم شكره        0 مره

    تاريخ التسجيل
    Jul 2006  
    المشاركات
    132  
    saud06 غير متواجد حالياً
    ررررررررررررررررررررررررررررررررررررررررررائع

  4. #4
    عضو متميز
    نقاط التقييم  :  5
    تم شكره        0 مره

    تاريخ التسجيل
    May 2006  
    المشاركات
    1,103  
    جريح السهم غير متواجد حالياً
    رح أشتر خروف ضحيه وأنوي أجرها لأبوك ،، بر ابوك وهو ميت ،،

    اخوي انسان منكم لي ملا حضه على هذا الشطر المكتوب ان الضحيه ليست للميت وهيى للحياء
    اما بنسبه للميت الصدقه ودعاء له تقبل مني انا تلميذك وتعلمت منك الكثير ولاتنساني من صالح
    دعائك الله يتقبل مني ومنك ومن جميع المسلمين

  5. #5
    عضو متميز
    نقاط التقييم  :  5
    تم شكره        مره واحدة

    تاريخ التسجيل
    Jan 2006  
    المشاركات
    1,711  
    kaled1980 غير متواجد حالياً
    وفقك أستاذنا الحبيب إنسان منكم على هذه القصه المعبره
    التي فيها الكثير والكثير من النصائح والعبر
    كل عام وأنتم بخير تقبل الله منا ومنكم صالح الأعمال

  6. #6
    عضو نشط
    نقاط التقييم  :  5
    تم شكره        0 مره

    تاريخ التسجيل
    Apr 2007  
    المشاركات
    44  
    وحيد القرن غير متواجد حالياً
    تقبل الله منا ومنك صالح الاعمال وكل عام وانت بخير

    دائما مبدع في طرحك واسلوبك , وفقك الله العظيم لما تحب ويرضاه

  7. #7
    عضو
    نقاط التقييم  :  5
    تم شكره        0 مره

    تاريخ التسجيل
    Aug 2006  
    المشاركات
    20  
    alghamdi m غير متواجد حالياً
    جزاك الله كل خير

  8. #8
    سواليف إنسان منكم
    ( كاتب مبدع )
    نقاط التقييم  :  38
    تم شكره        16 مره

    تاريخ التسجيل
    Apr 2007  
    المشاركات
    19,607  
    إنسان منكم غير متواجد حالياً
    اقتباس المشاركة الأصلية كتبت بواسطة امانةالقلم مشاهدة المشاركة
    تقبل الله منا ومنك صالح الاعمال وكل عام وانت بخير.
    العيد افراح وتهانى ونبذ الخلافات وتواصل بين الاهل والاحباب وصلة رحم للاقارب.

    جعل ايامك وايامى وجميع المسلمين افراح وتهانى تقبل مرورى وتحياتى الصادقة وعيد سعيد يابو عبد الله
    تقبل الله منا ومنكم صالح الأعمال أخوي الحبيب

    وأيامك أخوي الحبيب
    وكل عام وأنت بخير وصحة وسلامة
    تقديري وفائق أحترامي لك ياالحبيب

  9. #9
    سواليف إنسان منكم
    ( كاتب مبدع )
    نقاط التقييم  :  38
    تم شكره        16 مره

    تاريخ التسجيل
    Apr 2007  
    المشاركات
    19,607  
    إنسان منكم غير متواجد حالياً
    اقتباس المشاركة الأصلية كتبت بواسطة kaled1980 مشاهدة المشاركة
    وفقك أستاذنا الحبيب إنسان منكم على هذه القصه المعبره
    التي فيها الكثير والكثير من النصائح والعبر
    كل عام وأنتم بخير تقبل الله منا ومنكم صالح الأعمال
    أخوي الحبيب خالد
    ووفقك لما يحب ويرضى أخوي
    نسأل الله أن ينفعنا وينفعكم


    الله اكبر الله اكبر لا اله إلا الله والله اكبر ولله الحمد


    كل عام وأنت والأمة الإسلامية بخير أخوي


    وأسأل الله أن يعيده علينا وعليكم باليمن والايمان والسلم والاسلام والبركات


    جزاك الله من خيري الدنيا والأخرة أخوي


    ورحم الله والديك واقر عينك بأحبابك

  10. #10
    عضو متميز
    نقاط التقييم  :  23
    تم شكره        0 مره

    تاريخ التسجيل
    Jul 2006  
    المشاركات
    1,116  
    أبو حزام5 غير متواجد حالياً
    يعطيك العافية

    وكل عام وأنتم بخير وتقبل الله منا ومنكم صالح الأعمال

  11. #11
    عضو متميز
    نقاط التقييم  :  6
    تم شكره 3 مرة

    تاريخ التسجيل
    Feb 2007  
    المشاركات
    7,517  
    هاوي ملايين غير متواجد حالياً
    جزاك الله خير ابو عبدالله

    ورزقنا الله واياك رضاه وبر الوالدين

    وكل عام وانت بخير

  12. #12
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2007  
    المشاركات
    3,029  
    مخاوي الاسهم2 غير متواجد حالياً
    اخوي الغالي الحبيب ابو عبدالله رفع الله شأنك وأعز قدرك تصدق كلما قريت سطر ودي اقري اللي بعده بصراحه اسلوبك في الكتابة مشوق وفي غاية الروعة ودائماً تبدع في ما تطرحه من مواضيع والأجمل من ذلك كونها جميعاً تناقش قضايانا الإجتماعية والإنسانية وتلامس همومنا .
    لك مني كل حب وإحترام وأسأل الله أن يجمعني وإياك في جنة الخلد وكل عام وانت بخير ,,,,,

    اخوك / ابو وليد

  13. #13
    عضو متميز
    نقاط التقييم  :  5
    تم شكره 2 مرة

    تاريخ التسجيل
    Apr 2005  
    المشاركات
    3,931  
    omer2006 غير متواجد حالياً
    بارك الله فيك
    وجزاك الله الف خير على هذه القصة المعبرة
    وجعل كل ما كتبته في ميزان حسناتك يوم القيامة
    ولا حرمك الله من رضى والديك
    وكل عام وانت بالف خير
    اخوك ابو عمر

  14. #14
    عضو فعال
    نقاط التقييم  :  5
    تم شكره        0 مره

    تاريخ التسجيل
    Jan 2006  
    المشاركات
    320  
    LoVeRaiN9 غير متواجد حالياً
    الف شكر اخوي الكريم

    قصه روعه فعلا

  15. #15
    عضو متميز
    نقاط التقييم  :  235
    تم شكره        35 مره

    تاريخ التسجيل
    Nov 2005  
    المشاركات
    13,579  
    قلم رصاص غير متواجد حالياً
    إن لم تكن كاتباً تفيد غيرك؛ فكن قارئاً تفيد نفسك
    بارك الله فيك أخي انسان منكم
    وجزاك الله الف خير على هذه القصة المعبرة
    وجعل كل ما كتبته في ميزان حسناتك يوم القيامة
    ولا حرمك الله من رضى والديك
    وكل عام وانت بالف خير

صفحة 1 من 6 123456 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.