صفحة 1 من 2 12 الأخيرةالأخيرة
النتائج 1 إلى 15 من 22

أبشرك يابو متعب اذا انت بخير.........حنا جرفنا السيل!!

  1. #1
    عضو
    نقاط التقييم  :  -10
    تم شكره        77 مره

    تاريخ التسجيل
    Dec 2009  
    المشاركات
    2,592  
    ذيـبـان غير متواجد حالياً

    أبشرك يابو متعب اذا انت بخير.........حنا جرفنا السيل!!

    .




    ابشرك يابومتعب حنا بخير وسلامة .. وإن كنت تسأل ؟؟؟ماحنا بخير .. حنا جرفنا السيل




    الشعب مبسوط ومتهنئ بـ كافة شرائحه وطبقاته كلهم بخير وسلامه..
    انت وشلونك
    تبي علومنا.. ابشر طال عمرك .. وعمر كل من يحبك ..

    اقولك عن الشباب ..

    الكل متوظف ما فيه أحد عاطل من قبل يتخرج من الجامعة وهو عارف مكان وظيفته وموب أي وظيفة إلا وظيفة محترمه وأقل راتب 5 الآف ريال .. ((شيء طبيعي))
    رواتبهم عالية وحنا من اغنى دول العالم واكبر دولة مصدرهـ للبترول ..


    ومن ناحية رب الأسرة ..

    ابشرك ما عليه قروض ولا مديونيات ولا يقفل جواله آخر الشهر عشان الديانه ما
    يأخذون مصروف عياله .. تصدق عاد أنه في نهاية الشهر يكون باقي في حسابه ثلثين الراتب . ولا يمكن يجي راتب الشهر التالي وهو يصرف من السابق ..


    عن السلع والمواد ..

    مقاضي البيت رخيصه رخص التراب .. ونسمع بـ غلاء المعيشه لكن ما شفناهـ حماية المستهلك ما قصرت محددهـ الأسعار وكل من خالف تشكمه شكم وتحط عليه عقوبات وغرامات ومع كل هذا تجينا 15% .. اعلى نسبة بين كل دول العالم ومن زود الفسقه صرنا نصرف في الشهر كامل هالـ 15% والراتب الاساسي ما نلمسه ولا نجيه ..

    وعاد ما اقولك عن السعودة

    تصدق من قوة تطبيق السعودة اطلع في الشارع ادور أجنبي واحد ما حصلت ادخل مؤسسات وشركات ابي اشوف اجنبي واحد ما حصلت .. خير البلد كله ما يطلع لـ برى كله منا وفينا .. ومن زود الفسقه الشعب يطالب بتخفيف تطبيق السعودة لا تلومهم مشتاقين يشمون ريحة شعر الهندي آهـ على ذيك الريحه فقدتها وفقدت أهلها بس يبقى في النهاية قراركم سليم ما يصلح خير البلد يأخذها هندي وبنقالي وباكستاني مع انهم يأخذون خير خفيف موب مثل أهل لبنان اشوى انهم طلعو من الديرهـ بس ولا كانو يستلمون مثل راتب الموظف الحكومي ياحليلهم قنوعين

    والعقار طال عمرك .. ما ادراك ما العقار

    البيوت والشقق هذه وضعها احسن ما يكون الإيجارات رخيصه حقين العقار مساكين رخصو الإيجارات لان الشعب كله عندهـ بيوت ملك كل واحد متزوج من يوم يجيه بزر واحد بس وهو مشتري له بيت ملك بدون قرض عقاري من بنك يأخذ الفائدة 100% وبدون قرض عقاري من الدولة مع ان الدولة ما قصرت تعطيك قرض عقاري يجيبلك ثلاث فلل يارب لا تحرمنا من هالخير ..

    وابشرك عن البنية التحتيه..

    والشوارع والطرق فااااااااااضيه لدرجة أنك وانت طالع للدوام الصبح تأخذ لك غفوهـ وانت تسوق من عشر دقائق إلى ربع ساعة ثبت الطارهـ وحط راسك وارقد تصحى إلا أنت عند مخرج دوامك .. يا رجال المرور ما حط ساهر الا بسبب أن الشوارع فاضية والناس يأخذها الحماس وتشوف الطريق فاضي وتسرع وتمشي 180 وقتها قال المرور لازم نظام ساهر والمواطنين الله يهديهم ما يقدرون النعمة اللي هم فيها ويازين مخالفات المرور إذا جيت تسدد عطاك الحد الأدنى المخالفة بـ 300 ريال وتجي تسدد قال 150 ريال سددها وتطيح عنك من قالك أنهم يدبلونها دبل بالعكس ودنا أنهم يقولون دبل شرط أني لاقول ثري يستاهل المرور من يدعمه ويوقف معه

    عاد الحفريات

    عاد الحفريات ما تشوفها في شوارعنا نهائيا وهي شيء لا بد منه لكن سبحان الله يخلصونها في وقت قياسي طريق الملك عبد الله حطو فيه نفق تصدق ما قعد إلا خمسة أيام ثم فتحو الطريق والنفق جاهز للاستخدام البشري .. وعندك طريق ديراب هذا كله تغير 180 درجه في وقت قياسي في شهر واحد بس سريع سريع وفتحو الطريق من يقولك أن له 4 سنوات وهو ما خلص ما عليك منهم لا تصدق هذولي ناس حقودهـ واعداء الوطن ..

    وعلى طاري أعداء الوطن

    سمعت بالاشاعة اللي قالوها وهدفهم تشويه سمعة السعودية عند العربان قبحهم الله يقولون أن البلد كله ماشي على الواسطه وأن الفساد الإداري مسجل نسبة عالية .. وش هالكذب أجل معقوله طالب يتخرج من الثانوية ما يدخل الجامعة إلا بواسطة وش هالكلام بالعكس إلا الجامعة ترسل له مندوب وهو في بيتهم وتقول اي كلية تختار ثم يختار الطالب وتقول خلاص تم قبولك وألف مبرووك .. حتى الوظائف ما فيه تقديم أصلا لان الطالب من يوم يوصل لآخر مستوى ووزراة الخدمة المدنية مرسله له رسالة تقول ترى تم تعيينك من التاريخ الفلاني ما يحتاج يقدم ولا يحتاج واسطه ..

    ولا الفساد الإداري

    قالو ايش قالو جده غرقت من الفساد الإداري وإن البيوت في مجرى سيول طيب وش دخل الفساد الإداري أنت يا مواطن يا**** قبل تشتري لك بيت المفروض تروح تدرس هندسه وتعرف هل موقع بيتك سليم وله تصريف سيول وأمورهـ طيبه .. أنت من جهلك ماتو عيالك في سيول جده وجاي تطالب بكل بجاحه بحقك ومع هذا ما قصرت الحكومة صرفت لكم على كل رأس مليون ريال وتم صرف هالمليون من وقت تقديم شهادة الوفاة على طول من يقول قعدت سنة ما شمو ريحتها .. وشكلت لجنة لمكافحة الفساد الإداري ومن أول اسبوع لهم اكتشفو الجاني والمتسبب مع أن الخطأ منكم وقدموهـ للمحاكمة وكلنا سمعنا بخبر القاضي والرجال رأسه طار في الصفاة ..
    وبكل بجاحة يقولون الحكومة قصرت معنا يا خي انتم مواطنين ما عليكم شرهه ..

    شوف هالصور طال عمرك ..







    ا


    شفتها .. شفتها زين
    هذي الله يسلم قلبك .. ويعافيك ويردك سالم
    هذي مفربكه بالفوتوشوب ..
    او هذي بقرية في بنجلاديش .. وهالعضوه اللي نزلت الصور
    اكيد طال عمرك عميلة .. متواطأة .. اصل(ن) كل الشعب عمل و**** ودنيئ اذا صدقها
    لا طال عمرك تصريف السيول صلحوه من السنه الماضيه ..
    وماعليك طال عمرك بنحاسبها .. ونعطيها باند .. ونرسل لها صاروخ ارض جو
    عن طريق رقم الآيبي تبع النت حقها .. وراح طال عمرك .. نسوي لجنة تحقيق
    واعضاءها نفس اعضاء لجنة تحقيق جده .. ونقدمها لك بعد سويعات ((تصغير )) ساعات ...

    الفقراء والمحتاجين هذه قووويه عاد لانه كل ما جاء رمضان وجاء وقت تطلع زكاتك وصدقتك في كل سنة اتذكر كتاب التاريخ حق رابع ابتدائي واتذكر الخليفة عمر بن عبد العزيز يوم كان الزكاة في الطرقات ولا يحصلون أحد تستحق عليه الزكاة الناس كلها شبعانه والحمدلله .. وهذا صاير معنا لدرجة اننا من زود الفسقه عندنا وتغطية كل المحتاجين هنا وصرنا ندور ما نلقى محتاج رحنا نتبرع لـ الدول المجاورة .. حتى امريكا وهي امريكا يوم اعصار كاترينا تبرعنا لهم .. وهذا دليل أن ما فيه في هالدولة لا فقير ولا محتاج الشعب كله شبعان ويتاغر امهات خمس

    باختصار الشعب كله يقول الحمد لله اللذي لا يحمد على مكروهـ سوآهـ
    باختصار حنا بخير وسلامه .. انت شلونك بشرنا عنك يا حياتي
    ودي اغني لك واقول انت طيب هذا هو اللي يهم انت طيب وغير هذا ما يهم





  2. #2
    عضو متميز
    نقاط التقييم  :  20
    تم شكره        8 مره

    تاريخ التسجيل
    Nov 2010  
    المشاركات
    545  
    النمر العربي غير متواجد حالياً
    ..... مسكين أنت .....

  3. #3
    ابوسما
    مشرف سابق
    نقاط التقييم  :  2639
    تم شكره        515 مره

    تاريخ التسجيل
    Jun 2010  
    المشاركات
    29,312  
    FAHAD SOUD غير متواجد حالياً
    اللهم أصلح ألحال و ألمال و ألبلاد و ألعباد

  4. #4
    عضو فعال
    نقاط التقييم  :  5
    تم شكره        4 مره

    تاريخ التسجيل
    Feb 2007  
    المشاركات
    224  
    السيكا غير متواجد حالياً
    يافتااااااااااااااااااااااااااااااااان أنتا طقيعان منت ذيبان

  5. #5
    عضو
    نقاط التقييم  :  -10
    تم شكره        77 مره

    تاريخ التسجيل
    Dec 2009  
    المشاركات
    2,592  
    ذيـبـان غير متواجد حالياً
    اقتباس المشاركة الأصلية كتبت بواسطة FAHAD SOUD مشاهدة المشاركة
    اللهم أصلح ألحال و ألمال و ألبلاد و ألعباد

    اللهم امين
    ابو سعود ماشفت 2 مثل هذا مرو من هنا ههههههه


  6. #6
    عمدة المنتدى
    نقاط التقييم  :  8847
    تم شكره        1,526 مره

    تاريخ التسجيل
    Sep 2010  
    المشاركات
    30,708  
    أبو أنس2011 غير متواجد حالياً
    الله يستر عليك وعلي وعلى الجميع وصفت الحال
    أخي ذيبان بصور كوميدية وكلام رائع سلمت يداك

  7. #7
    عضو متميز
    نقاط التقييم  :  99
    تم شكره        85 مره

    تاريخ التسجيل
    Aug 2007  
    المشاركات
    2,098  
    ربحان بوجودكم غير متواجد حالياً
    حسبنا الله ونعم الوكيل
    لن يتم اي اصلاح او تطوير الا بعد مسائلة كل مسئول ماذا عملت خلال فترتك..
    ولا غيرها زي الارتداد الوهمي بالسوق <<< وش رايك بالتشبيه هههه

  8. #8
    قلم متميز
    نقاط التقييم  :  1486
    تم شكره        673 مره

    تاريخ التسجيل
    Apr 2007  
    المشاركات
    11,307  
    ابن الصحرا غير متواجد حالياً
    الرواتب ماتكفي للاجار وللبقاله -- وانت تعرف كل شعب المملكه جيعان ضامي

  9. #9
    عضو
    نقاط التقييم  :  5
    تم شكره        0 مره

    تاريخ التسجيل
    Feb 2011  
    المشاركات
    80  
    نورعيني غير متواجد حالياً
    طرحك على الجرح ومايقبل اي نقاش

    هذي جزء من مشاكلنا الله يصلح الحال

    بس ماندري فاضين لها الان والا الاوضاع السياسية تمنع هذا

    واتمنى يلتفتون لها قبل ما تغرق بلدنا بين الحاقدين والحاسدين والحرامية

    واما جده نتمنى يلحقوهاقبل ماتغرق وتختفي معالمها ومايبقى من اسمها غير

    جـــــــــــــــــــــــــــــــــــده غـــــــــــــــــــــــــــــــــيـــــــــر

    اشكرك على طرحك المميز والصريح

  10. #10
    §§][][ عضو مميز جدا][][§§
    نقاط التقييم  :  1029
    تم شكره        306 مره

    تاريخ التسجيل
    Jul 2004  
    المشاركات
    13,398  
    abdulaziz1 متواجد حالياً
    لا لا

    هذ فبركة مفتنين

    سعد الفقيه والمسعري

    ماتليق عليك

  11. #11
    XموقوفX
    نقاط التقييم  :  5
    تم شكره        0 مره

    تاريخ التسجيل
    Mar 2011  
    المشاركات
    143  
    معانق المريخ غير متواجد حالياً
    ياناس انا كتبت موضوع بصفتي لسه جديد وطلع لي عبارة موضوعك سوف ينزل بعد موافقة الادارة ؟؟؟؟؟!!!!!!!!!
    هي الامور معقدة عندكم الى هذه الدرجة ؟؟!!!!
    على فكرة موضوعك يا ذيبان بصراحة ماعجبني . لاتزعل مني انا صريح بلا حدود .
    تحياتي

  12. #12
    XموقوفX
    نقاط التقييم  :  5
    تم شكره        0 مره

    تاريخ التسجيل
    Mar 2011  
    المشاركات
    143  
    معانق المريخ غير متواجد حالياً
    ياناس انا بصفتي جديد كتبت موضوع ولكن طلعت لي عبارة سوف ينزل موضوعك بعد موافقة الادارة ؟؟!!!!!!!!!
    هي الامور معقدة عندكم الى هذه الدرجة ؟؟!!!
    طيب نرجع لموضوع اخونا ذيبان .. انا بصراحة لم يعجبني الموضوع ، لاتزعل مني انا صريح بلا حدود .....
    تحياتي لمن دمر حياتي

  13. #13
    XموقوفX
    نقاط التقييم  :  87
    تم شكره        20 مره

    تاريخ التسجيل
    Jul 2008  
    المشاركات
    2,626  
    سهم ترانزيت غير متواجد حالياً
    أبشرك ما درى عنك ولا فكر فيك
    ومن يوم شفت القرارات عرفت إنه ما درى عنك حرامية جده معززين مكرمين
    دريت ولا ما دريته

  14. #14
    عضو متميز
    نقاط التقييم  :  234
    تم شكره        29 مره

    تاريخ التسجيل
    Mar 2011  
    المشاركات
    1,646  
    waaaaw غير متواجد حالياً
    احييك ياذيبان واحيي مواضيعك الجريئه والصريحه انت انت كما عهدناك ياخي احس اخر حلقه بتطلع انت شي قوي في الحياه اني اتنبئ لك بمستقبل باهر ايه الفتى الشجاع

  15. #15
    عضو متميز
    نقاط التقييم  :  12
    تم شكره        4 مره

    تاريخ التسجيل
    Oct 2009  
    المشاركات
    1,403  
    الكاش66 غير متواجد حالياً
    اشكرك اخي ذيبان على الطرح الرائع وبصراحه الموضوع حقيقه حاصل في بلدنا وليش الزعل من بعض اخواننا لانه قال الحقيقه
    ولكم جزيل الشكر

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.