شعار سامبا الجديد!!

في البداية ..اعزي الجميع على التعطيل اللي صاير بهذا البنك بواسطه خدمه سامبا تداول..والذي سبب لنا خساره كبيرة استغله فرسان الصاله بكل جداره وحنكه

استفادو من هذا الخلل وتعليقه الكثير من المضاربين بعدم استطاعتهم للشراء والبيع....

هذا البنك الذي يدعى التفوق ليس الا بنك سياحي فاشل (ربوي) من اول طابوقه حتى السطح!! بما فيه موظفينه..

الذين يعشيون بحالة نفسية صعبة كل يوم وهم عند شيخ..يسالونه!! حنا شغالين بالبنك الامريكي (الربوي) فحلال والا حرام؟

ويخرجون من عنده مُحبطين....الله يفكهم ان شاءالله ويرزقهم بوظايف احسن ...

...والله يرزقنا ببنك يجعلنا نبصق على هالبنوك اللي كل واحد يقول انا أسوا من الثاني ..بنك يحس فينا (شكلي ابالغ ذا حلم نشوف بنك زي كذا)!!...لنا الله ماجابنا لهم الا الحده والظروف...


اليوم واقسم بالله..نصف ساعة فقط لتسجيل الدخول بالحساب وقت التداول!!!! ...ونصف ساعه حتى يفتحلي امر البيع!! لاياشيخ..وش ذا الموقع السريع كان حجبتوه احسن..!!!

طيب بالله على ايش اعطيك عمولة؟ او عفوا على ايش تاخذ مني عمولة غصب؟ على الخدمة الزفت اللي تقدمها؟


ماادري مبسوطين بمدير موقعكم؟ مركبين سيرفر شغال بديزل مزرعة؟ طيب على الاقل ماتستحون على وجهكم وتعوضون عملائكم؟

البنك السعودي الامريكي: لا معصي يخسون..مابقى الا هي نعوضهم يبون والا بالطقاق...اصلا غصب مو لاقين زينا واللي حوالينا اخس واخس

ناس تضررت وتخسر ..اي امريكي واي بطيخ!!! والله لو بامريكا او امريكي يتداول وصار به هالحاله النفسيه عوضته المحاكم الامريكيه على ضيق صدره(خسارته المعنويه) اولا ثم خسارته الماديه...ويمكن خسارته المعنويه تطلع اضعاف مضاعفه من خسارته الماديه...


نتمنى من بنك البلاد ايجاد خدمه بيع وشراء عبر النت!! والله شكله بنك البلاد مهوب بعيد عنهم ايضاً...ليه نجلس نمدحهم بعد ذولي...

سلمو الموضوع لموبايلي (داري وش دخلهم) بس عندهم ذمه...


اهداء مني لهذا البنك:

تفوووووووووووو عليكم ووزعو باقي البصقات على مساهمينكم الربوية

مع تحيات واحد خسران حاول يشتري بمعدنيه وماقدر ...فطاقه بلوفه!!!

وليتهم يعذروني على بساطه التصميم بس هذا اقل اهداء ... بس الفكرة اكيد حركة!!!

البنك الامريكي اغبى واسوأ بنك سعودي يستخدم التنكلوجيا بمعاملاته..لان بكل صراحه مصخت بجد موقعهم كل يوم ونقول بكره بيستحي على وجهه وينقل لسيرفر زي الاوادم يتحمل الضغط والا يشوفون لهم ناس مؤهلين يديرون الموقع بس انسى!!!