صفحة 1 من 3 123 الأخيرةالأخيرة
النتائج 1 إلى 15 من 32
  1. #1
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً

    أنا وجدتي ثريا

    السلام عليكم .... شلونكم ؟

    أجرى سفير الأرصفة الحسنة اللي هو أنا إتصالا هاتفيا بجدته ثريا حيث بلغ الشوق مني لجدتي مبلغه .إزيك ياتيته سريا < ثريا .. وش تقول من أنت ؟ أفا ياجده أنا حفيدك ساكن .. وش بلاك مستمصر ؟ أبد ياجده من كثر ماأطالع ميدان التحرير وأخبار مصر أحمدي ربك ياجده مارشحت نفسي لرئاسة مصر .
    قالت أنثبر أنثبر . وش لونك ؟ والله بخير ياجده بس مشتاق لك وودي أسوي فيك شغله . قالت أعرفها أنقلع وراك .
    الله ياجده من سكنتي الكويت صرتي مغروره لا تسألين عني الله يستر من تاليها . وش تاليها يالهيس ؟ ماأدري عنك ياجده أشوفك مطنشه .. إسمع لا تهذر كثير حصلت لك خوش عروسه.. جده قولي أوصافها بسرعه . ماعليك بنت حمولة وانا تنقيتها لك وخوش بنيه واعجبتني ..
    والله ياجده عارف إختياراتك ماتختارين غير العصلااوات والعصقولات . ماعليك ماعليك تسمن عندك بالمطبخ .
    جدة الحين يومك عندي خطبتيلي الظاهر 30 بنت كلهم عصقولات قلت ماعليه بنات المملكه أكثرهم عصقولات من الرشاقه الزايدة والريجيم القاسي .
    لكن ياجدة حتى بالكويت اللي بناتهم ماشاء الله أنحف وحده فيهم كبر نبيله شعيل أخت نبيل شعيل .. من النعمه الله لا يغير عليهم .. تركتي كل الدوبات والمربربات الكويتيات وماطحتي الا بعصلا ؟ جده عندي سؤاال سريع إنتي لك علاقة بصباح الشحرورة أو تقرب لك لا سمح الله .. أقوول جدة ياتخطبين لي بنت مربربة ولا أروح لسوريا . وش تسوي بسوريا ذبح وصلخ . ماأدري ياجده ياأروح أجاهد ولا أتظاهر ..وأقصد أرحل أرحل يابشار... مابدنا يحكمنا حماار ... ياولد لاتسولف بالسياسة بالتليفون ..
    أي سياسه ياجده .. أنا من كثر مافيني خرعة من الحكومات ... أشوف الناس كل النااس شرطه .
    المهم أبيك ترسل لي غريضات.. جده قولي حاجات ترى في ناس أصحابي بالإستراحه مايعرفون غريضات .بعضهم أبوه سعودي وأمه سويديه وخواله لبنانيين قالت ونعم بالسويد < فخذ من أفخاذ شمر .. جدة مو السويد الشمامرة هذيلا السويد الشقران الأوروبيين . قولي ياجدة وش تبين من غريضات > عارف غريضات جدته كلها من الحواج حلتيته ومره ومشتقاتها .. بعد ياجدة وش تبين قالت وأرسل لي عباة < عبايه ليكون عرفتوا وش أصل جدتي ؟
    جده الكويت مافيها عبايات ؟ قالت فيها بس ماحصلت شين زين يناسبن .
    هنا تذكرت بجاد الدب هههه قلت جده تعرفين بجاد قالت منهو بجاد ؟ قلت لا ولا شي .. والله خفت جدتي تعرف بجاد وتبي عباية مخصره .
    المهم ياجدة أبشري بس يقولون ياجدة ماعاد فيه عبايات حق عجايز كل العبايات مخصرة وانتي ياجدة ماشاء الله عليك شمحوطه وتلبسين عباية مخصرة خايف تسوين فتنة بين شعوب المنطقه .. فأنصحك ياجدتي العزيزة تروحين الزبير أقرب لك وتشترين لك عباية من الزبير وشحاطة زبيرية أحسن لك من العبايات اللي عندنا .. أنهبلت انت وش قاعد تقول ..
    أبد ياجدة بس ترى الغريضات هذي تكلفك شي 5000 ريال < دايم يبلف جدته . قالت خلاص إشترهم وأنا أرسل لك 300 ريال لاجده خليهم 500 ريال قالت خلاص بس مو تشتري تتن جدة كم مره أقول لك أنا ماأتتن .. ترى دايم جدتي كل ماتعطيني فلوس أول شي تقوله لا تشتري تتن.. تعطيني أحيانا خمس ريالات لا تشتري تتن تعطيني ريالين لا تشتري تتن مره أخذت منها أربعين ألف ريال تقول لي ياويلك تشتري تتن هههه والله ياجدة أربعين ألف أصير وكيل مارلبورو بالمملكه .
    ودايم تقول ..لا تشرب التتن يالمملوح ... يحرق ثناياك يالغالي .
    ( أبو أنس حبيب ألبي ركز على المملوح ) < تراه أنا وإنسى سالفة الأشهب اللي بيني وبينك ) >
    ألوو جده الووو دايم تقفل الخط بدون مع السلامه .

    هي قفلت وانا عليها أنــــــوح .... لا واعــذابـي وغربالـــــي
    يازين مالك بالهجر مصلـــوح .... لا تبتعد وأشفـق بحالـــــي
    من بعدكم هانت علي الـــروح .... والهم يتبعني ويبرالــــــي
    شيدت لك بين الحنايا صـروح .... إن زالت الروح مازالــــي
    الجـادل اللي تجـي وتـــــروح .... هي منوة الروح وآمالــــي
    أنــا فـدا صوتهـا المبـحــــوح .... ولعيونها بـ أميل عقالــــي

    <<<<
    تحيه لكم


    التعديل الأخير تم بواسطة FAHAD SOUD ; 05-28-2012 الساعة 11:10 PM

  2. 10 أعضاء قالوا شكراً لـ ساكن رصيف على المشاركة المفيدة:


  3. #2
    عضو متميز
    نقاط التقييم  :  7143
    تم شكره        1,640 مره

    تاريخ التسجيل
    Feb 2010  
    المشاركات
    34,210  
    نورجنا غير متواجد حالياً
    شوف اللي افضل من التتن انصحك تجربها...


    تسلم يا ساكن ع موضوعك الممتع ... عجبني الكلام اللي بالأخير..
    مدري خاطرة والا شعر.. بس كله حلو.

  4. #3
    نائب المشرف العام
    نقاط التقييم  :  7571
    تم شكره        1,561 مره

    تاريخ التسجيل
    Aug 2006  
    المشاركات
    14,525  
    الـبـقـمـي غير متواجد حالياً

    أحسنت ،، نعيش هذهـ الأيام بـ فترات مختلفة داخلياً أو خارجياً

    بداية الطرح ذكرت مصر وما يدور حول الانتخابات إلى آخر نقطة من الطرح لبس العباية ( حياة مول) !

    الجميع يراقب ما يحدث ويتعجب من بعضها

    طرح ممتع بـ أسلوب شيق للقراءة ،، بيض الله وجهك

    " منتدى الأسهم السعودية "

  5. #4
    عضو متميز
    نقاط التقييم  :  2299
    تم شكره        419 مره

    تاريخ التسجيل
    Dec 2011  
    المشاركات
    7,913  
    سلام عليكم غير متواجد حالياً
    السلام عليكم "ساكن رصيف"

    أدب تمثيلي باسلوب فلسفي راقي يمثل الواقع المعايش أهنيك على هذا التميز يستحق التقييم ، سلمت يمينك وحفظك الباري آمين

  6. #5
    ابوسما
    مشرف سابق
    نقاط التقييم  :  2639
    تم شكره        515 مره

    تاريخ التسجيل
    Jun 2010  
    المشاركات
    29,312  
    FAHAD SOUD غير متواجد حالياً
    رائع في طرحك
    شكري
    و
    تقييمي

  7. #6
    عمدة المنتدى
    نقاط التقييم  :  8877
    تم شكره        1,531 مره

    تاريخ التسجيل
    Sep 2010  
    المشاركات
    30,741  
    أبو أنس2011 غير متواجد حالياً


    سلمت يداك أخي ساكن القلوب وأسلوب قصصي ونقدي مميز
    إلا أنني من أشد المعجبين بأسم جدتك وكيف أختار والدها لها
    هذا الأسم مع أن الأسماء السائدة في ذلك الوقت غير وربما أن الأسم
    من وحي خيالك الجميل كما أنك لا تود أن أذكرك بالشبان
    ههههههههه

  8. #7
    عضو متميز
    نقاط التقييم  :  644
    تم شكره        110 مره

    تاريخ التسجيل
    Mar 2010  
    المشاركات
    4,626  
    m2010 غير متواجد حالياً
    يازين سؤالفك أنت وجدتك( ثرياء الله يرحمها) تصدق أشتاق الـ سؤالفك
    صح لسانك ياساكن ذاء الحب يالحبيب ،،، لاتغضب جدتك وتحووش
    كل فلوسها أربعين الف] وت
    خليها بلاطة الله يصلحك ،،،،

  9. #8
    عضو متميز
    نقاط التقييم  :  2350
    تم شكره        937 مره

    تاريخ التسجيل
    Apr 2011  
    المشاركات
    8,057  
    alghamdin غير متواجد حالياً
    ربي يسعدك دنيا واخره.................

    طرح جميل بأسلوب راقي...........

    مايجيده الا ساكن رصيف...............

    يا اخي ما احلى الرصيف وما احلى ساكنيه..............

    وسراحه بدأنا نغار من ساكني الارصفه.........................

    لك شكري وتقديري واحترامي عل هذا العرض المميز...................

  10. #9
    عضو متميز
    نقاط التقييم  :  373
    تم شكره        23 مره

    تاريخ التسجيل
    Mar 2012  
    المشاركات
    3,670  
    صقــــر غير متواجد حالياً
    ههههههههههه مبدع يا ساكن

    عندي جد ويبي الزواج اشغل ابوي وعماني وهو متميز خليجي ومخزن ويمشي بثلاث رجول ولابس مناظر تشوف سعت العين من 100 متـــر باسباب العدسات

    وصلاته مع الجماعه ولا زال بقوته ما يمر البزر الا ويشحطه بالعـص .. يبيله عروس على سنة الله ورسوله وحنا ودنـا نزوجـــــــــه سنيوره او بنوته هيك شي من الصبايا .. لان فيه طاقه مايدك غير العسل والدخن وحلب البل

    .. واذا كانت الجده يالساكن ترغب بزواج من الجد ليه نمنعهم .. او عن طريق الجده .. نسيت ما اقــــــولك ما عنده ولا سن يعني ما يعــظ ..

    تحيـــــــــــــــاتي يا ســـــاكـــــــــن القلوب

  11. #10
    قلم متميز
    نقاط التقييم  :  1136
    تم شكره        329 مره

    تاريخ التسجيل
    May 2009  
    المشاركات
    13,241  
    أبن حمدي غير متواجد حالياً
    هلا بالطيب الغالي
    هلا بساكن قلوب محبيه
    هلا بخفيف الدم وخفيف الضل
    طرح رائع كروعتك
    بارك الله فيك

  12. #11
    عضو فعال
    نقاط التقييم  :  57
    تم شكره        14 مره

    تاريخ التسجيل
    Jan 2012  
    المشاركات
    213  
    رائحة الطيب غير متواجد حالياً
    اقتباس المشاركة الأصلية كتبت بواسطة alghamdin مشاهدة المشاركة
    ربي يسعدك دنيا واخره.................

    طرح جميل بأسلوب راقي...........

    مايجيده الا ساكن رصيف...............

    يا اخي ما احلى الرصيف وما احلى ساكنيه..............

    وسراحه بدأنا نغار من ساكني الارصفه.........................

    لك شكري وتقديري واحترامي عل هذا العرض المميز...................
    يستاهل ساكن رصيف هذا الثناء تحياتي وتقديري لطرحك الممتع

  13. #12
    قلم متميز
    نقاط التقييم  :  1486
    تم شكره        673 مره

    تاريخ التسجيل
    Apr 2007  
    المشاركات
    11,350  
    ابن الصحرا غير متواجد حالياً
    يعطيك العافيه ساكن رصيف على هذا الطرح الجميل والله ودي اتعلم هذا الاسلوب
    بس مادري منين اجيه بالله اذا فيه مدرسه تعلم هذا النوع دلني عليها بالتحق فيها

  14. #13
    XموقوفX
    نقاط التقييم  :  653
    تم شكره        198 مره

    تاريخ التسجيل
    Apr 2009  
    المشاركات
    10,320  
    Bejad M غير متواجد حالياً

    ههههههههههههههههه هههههههههههههه هههههههههههههه

    يا محترف شفت ما قلت لك السكن فى ربوع الداخليه يخلى الواحد يبدع


    الله لا يحرمنا ....

  15. #14
    رائعة المنتدي
    نقاط التقييم  :  1522
    تم شكره        632 مره

    تاريخ التسجيل
    Oct 2011  
    المشاركات
    17,458  
    مزون غير متواجد حالياً
    طرح رائع جدا يعطيك العافيه
    سلم ع الجده ثريا

  16. #15
    أبو طلال
    قلم متميز
    نقاط التقييم  :  4937
    تم شكره        1,406 مره

    تاريخ التسجيل
    Jun 2009  
    المشاركات
    24,651  
    الصقرالحر غير متواجد حالياً
    الله يسعدك أخي ساكن قلوب محبيه ،،، ويسعد جدتك العسل
    وكم أنت رائع يا أخي في طرحك بشكل سهل ممتنع ،،، متعك الله بالصحة والعافية
    وروح ومافيك حيلة منتظرين الجديد ،،،، لك حبي وودي ياصديقي الغالي .

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.