النتائج 1 إلى 4 من 4

ابشروووووو على هالنوز

  1. #1
    عضو متميز
    نقاط التقييم  :  6
    تم شكره 3 مرة

    تاريخ التسجيل
    Feb 2007  
    المشاركات
    7,517  
    هاوي ملايين غير متواجد حالياً

    Talking ابشروووووو على هالنوز

    سافرت الى الدوحه في مهمة عمل وقلت ابشوف ملعبهم الحلو المكيف وبالمره اتابع مباراة السد القطري والهلال السعودي ......
    توكلت على الله ودخلت وجلست في مكان قريب من اماكن جلوس المدربين
    وقبل بداية المباراه تابعت حوار بين مدرب الهلال البلجيكي جريتس ومدرب السد كوزمين
    وابنقل لكم الحوار مترجم
    كوزمين :هالو مستر جريتس
    جريتس : هالو مستر كوزمين
    كوزمين : الله يالدنيا خذيت مكاني.. صدق من قال اليوم لك وبكره لغيرك
    جريتس : تستاهل من قالك ترمي صورة المعزب الكبير

    كوزمين : والله كلها من الي جنبك سامي الجابر... عوايده سنتر تسعه في اي تتويج تحصله اول واحد
    مسوي عنتر زمانه .....قاعد لي يزبط في هالشماغ وانا لحالي مع العسكر اتهاوش معهم


    جريتس : معقوله ....!!!! تصدق ياكوزمين والله ياأنه غاثني غثه لزقه فيني تقول الفريان مادري وش يبي
    كوزمين : هاذي حركاته من زمان يبي يعلم الناس ان مدرب الفريق مايستغني عن استشاراتي العظيمه ....
    جريتس : اصلا انا غاسل يدي منه من يوم يطلع اشاعة لاعب القرن في اسيا
    كوزمين (( يقهقه عاليا )) :ههههههه اي لاعب قرن ...؟؟؟ اصلا مادري كيف صار لاعب ..!!!!!!
    جريتس(( يتنهد )) : ايــــــــــه اسكت بس الدنيا عندهم بالمقلوب تصدق ان خبير الفيفا ماجد عبدالله
    ماعنده اي منصب في دولتهم ولافيه اي استفاده من خبراته لا وازيدك من الشعر بيت فيه ناس من
    فريقي تهاجمه وتقلل من انجازاته

    كوزمين : ايه اعرفهم صالح الحمادي وخلف ملفي والهويريني وخاصة فهد الروقي كنت اشوفه يجي النادي بددسن ويطلع بلكزس
    جريتس : وانت كيف وضعك مع فريقك الجديد
    كوزمين : آآآآآآآه انا كنت في نعمه بس ماكنت مقدرها
    جريتس : والله انك صادق اما انا مبسوط على الاخر
    مرعى وقلة صنعى ... حكام على كيف كيفك
    ياسر يطيح بلنتي .... كوره ركنيه يحسبونها هدف .... ابن آآآخيك رادوي لعب في حسبتهم
    ضرب وركل ورفس ودعس وأنواع المصارعة الحرة وماوقفوه الا مباراه وحده هذا غير الفلوس
    كل ماسافرت وطفرت اكلم اخوياي الي في المنتخبات ويطلعون اشاعه انهم يبوني ادربهم هههههههه
    وتعال شف وش يقولون لي الهلاليين (لا ياجريتس تكفى اجلس لاتروح نبي توصلنا العالميه ) وهتك يالملايين

    كوزمين :.بس تهقى انك بتوصلهم للعالميه
    جريتس ( يضحك بقوه شديده ) : هههههههههههههه الله يرجك ياكوزمين ماسمعت الي يقول
    (العالميه صعبه وقويه )

    يالله باي كوزمين ......

    كوزمين : باي جريتس
    جريتس مبتعدا عن كوزمين ويمر بالقرب من الجماهير الهلاليه
    جماهير هلاليه ترفع صوتها عاليا للمدرب : نبي العالميه نبي العالميه
    جريتس وهو يشير الى انفه : ابشروووووو على هالنوز

    من الايميل

  2. #2
    عضو متميز
    نقاط التقييم  :  938
    تم شكره        200 مره

    تاريخ التسجيل
    Oct 2005  
    المشاركات
    11,165  
    ابو شايف غير متواجد حالياً
    هلا وغلا والله يمسيك بالخير والكرامه .. والحمد لله على السلامه
    وماأتيت به مستساغ ...ربي يحفظك ويرعاك ومن عيون الحسو د
    يصونك ................. تحياتي لك بلا حدود ،،،،

  3. #3
    عضو متميز
    نقاط التقييم  :  70
    تم شكره        71 مره

    تاريخ التسجيل
    Apr 2009  
    المشاركات
    9,687  
    الفجرالبعيد غير متواجد حالياً
    كوزمين : والله كلها من الي جنبك سامي الجابر... عوايده سنتر تسعه في اي تتويج تحصله اول واحد
    مسوي عنتر زمانه .....قاعد لي يزبط في هالشماغ وانا لحالي مع العسكر اتهاوش معهم



  4. #4
    كاتب متميز
    نقاط التقييم  :  49
    تم شكره        32 مره

    تاريخ التسجيل
    Dec 2007  
    المشاركات
    9,834  
    نوافكو غير متواجد حالياً
    الله يسعد أيامك يا هاوي الملايين
    من إيميلك وأنا أقول إنك مسافر للدوحة أول ما قريت الموضوع

    حبيت اسلم عليك أبوروان

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.