النتائج 1 إلى 7 من 7

استراحه كان ياماكان وش كان ماكان

  1. #1
    §§][][ عضو مميز جداً ][][§§
    نقاط التقييم  :  18
    تم شكره        6 مره

    تاريخ التسجيل
    Apr 2005  
    المشاركات
    2,320  
    Mr.Question غير متواجد حالياً

    استراحه كان ياماكان وش كان ماكان

    كل عام وأنتم بخير
    هذه القصه من ابداع أخي الفاضل موظف مؤسسة النقد أحد أعضاء منتدى دليل الخير أحببت نقلها لكم لما فيها من الطرافه والتسليه
    [line]

    نبي نفرفش

    فرفشه

    على وزن فعلله
    للمونث

    وفعلل للمذكر

    كيف الحال

    ان شالله مبسوطين

    ومرتاحين

    ومفرفشين

    منذو مبطى كان الموظف من اكبر الرحالين في المملكه

    يتنقل في بران نجد الجميله برفقه زميله الارنوبي المحتال

    وفي يوم من الايام كان الجو عجاج وغبار والشمس تشوي الطير

    وقرر الموظف وبرفقته صديقه الارنوبي التمشي في البر لغرض القنص


    وحملنا الاغراض سفن اب وسنيكرز وتوكس

    وطبينا البر ومن شعيب في شعيب

    ومن جبل في جبل

    والعج يزيد والشمس تغيب

    يسلام

    والموظف معاد يدري وين الشرق من الغرب

    والارنوبي ماعندك احد

    نتلفت يمين يسار نبي احد نبي ديره يالله تشوف تمثال الهايلوكس

    ويقترح الارنوبي ذاك الاقتراح قال خلنا نوقف لين تظلم ونبي نشوف لنا شعاع ديره ونتجه له

    قلت تم
    قلت خل نتغدى

    جب السنيكرز والتوكس وصب سفن

    وتغاب الشمس

    ولا الدعوى خرمسيه

    ماتشوف يدك

    هاه يالارنوبي وش الحل

    قال حرك من هنا

    يمين

    يسار

    قدام

    ارجع

    قرب البنزين ينتهي

    والدعوى شكلها تبي تطول

    قلت خل نرقد والصباح رباح

    طبعا الهايلوكس دورين

    انا ركبت ورا وابو الارانب قدام

    ونحط روسنا

    يوم انتصف الليل

    وتجيك ذيك العجه الي بغت تقلب الموتر

    والارنوبي يقوم يشكل من الروعه

    وتعجعج

    وتعجعج
    يوم هدت شوي

    والله ونسمع صوت طبول هلا

    سامري

    طقن طق طقنقنقن طن


    بس ماتدري وش يقولون

    ماتسمع الا الطار يرن رنين

    وش ذا يا الارنوبي

    قال علمي علمك


    ونولع النور لاالدعوى يوم هجدت

    قلت نبي نحرك من ها المكان شكله مسكون

    قال الارنوبي مسكون

    لا رحنا فيها

    ونمشي ونمشي ونمشي

    ونطيح بذيك الغراميل رمل

    والهايلوكس ما يوقف الا على الدفرنس

    وتغريزه يحبها قلبك

    وننزل نحفر وندفن لا كنا ما سوينا شي

    وهي تعطيك العجه مره ثانيه عج ورمل ياعينى


    ونجلس بالسياره

    شوي ونسمع الطبول بس ها المره من قريب

    افا

    الدعوى من جد

    شوي يوم شعللت النار من حولنا


    هلا

    ولا تسمع الا الترجيم

    بغو يكرون القزاز

    ونسمي

    ونتعوذ من بليس


    والارنوبي يذن

    ويقيم وهو في الغماره

    شوي قالي الارنوبي شفففف اليييي فيييي الصندوووق

    والتفت لا الصندوق مليان بزارين

    عمى منين جو ذولاا

    وانا اطلع راسي مع الدريشه انزل ياورع انزل لااجيكم بالعصى

    مادريت الا بذيك الحصات يوم وشت من جنب راسي وانا ادخل راسي وزاقفل الدريشه

    هاه يا لارنوبي وش السوات

    قال شكلنا رحنى فيها

    ويركبون فوق التنده ويطامرون

    قلت يالارنوبي ماتبي نركب معهم نطامر

    خخخخخخخخخخخخ ولا الارنوبي غادي كنه عنز ملبد وصاكن اذانه بصابعه

    شوي يوم ولعت الدنيا نار


    ولاعاد نسمع حس واختفت الاصوات


    ونتلفت يمين يسار ما فيه احد

    وننزل وناظر وانا والارنوبي مسوين كومندز كل واحد

    حامي خويه بظهره

    انا معي فك العجل

    والارنوبي معه سكروب مربع

    ونسوي عمليه مسح ميداني حول السياره

    يوم وصلنا الصندوق يوم سكرت البيبان حقت السياره وقامت السياره تكبس وبواري وفليشر ويشغل ويطفي

    عمى وش ذا

    لاهم بزارين ابليس ركبو في السياره وقفلو البيبان

    يجيلهم عشرين بزر

    والارنوبي تجيه ام الركب ويقعد يعطي خيط وخيط

    قلت مافيه لازم ننزلهم من السياره

    كيف

    ونجيهم يا الاجواد انزلو فظيتو البطاريه

    لاكن ماعندهم احد

    لا ومشغلين الرادو على mbc fm

    نلف على السياره ونلقى باب مفتوح ماقفل

    ونفتحه والارنوبي يقوم يهوش عليهم

    ويشوتهم وبالعقال تمصيط

    ولا تسمع الا صياح ها البزارين

    المهم هجو وهم صياح ومصارخ وترجيم حصى والارنوبي بشوف نفسه شوي

    قال هذولي ما ينفع معهم الا العين الحمراء

    وبعد كذا ويسكن الجو

    ولاعاد نسمع الا صوت صرصور اليل

    وصصصص وصص وصصصص وص

    قلت للارنوبي خل نحاول نطلع السياره من ها المكان بسرعه

    انت شغل وانا ابنسم الكفرات وابدف

    قال خلاص

    راح للغماره قال عطني المفاتيح

    قلت المفاتيح على السويك

    قال مافيه شي

    اثر بزارين الجن خذوهن

    كملو الناقص

    وش الحل وما معي سبر

    مافيه الا نكسر الدقمه ونشربك الاسلاك

    ونزل العده نبي نفك الدركسون

    شوي لا يوم بدينا نسمع صوت الطيران بس ها المره النغمه تغيرت

    طقن طقن طقن على كذاا

    هذي والله الورطه

    ونركب السياره ونقفل البيبان والدرايش

    مادرينا الا الي واقف عند الباب ذاك الرجال الي طولي مرتين وعضلاته متنفخه وشنباته كنهن جنحان

    يوم بلعنا العافيه

    قال ليش ما تخلون الاطفال يلعبون في الملاهي

    قلت ياطويل العمر وين الملاهي

    قال الي انت راكب الحين يقصد السياره

    انزل انزل خلهم يركبون

    ولا تصرفت معكم

    وش رايك يالارنوبي قال خلك مقفل البيبان والدرايش لايهمك

    والارنوبي من الروعه قام يطاطي انقلع يالله ظف وجهك ولا نزلت عليك بالعقال


    والجني يولع وهو يشيل اليساره لين رفعنا يجي مترين

    قال تنزلون ولا اولع بالسياره بلي فيها


    قلنا لايا معود ننزل والله خير الحافظين


    يوم هذا ويقعد الجني يصارخ باصوات ما افهما


    مادرين الا وحنى مربطين بسلاسل

    وش وش فيه يا سيد جنى طول الله عمرك

    قال امير القبيله يقول جيبوهم
    بالخفاره المشدده

    وهم ينطلونا بصندوق السياره وهم يشقلون السياره ويطيرون بها

    خخخخخخخخخخخخخخخ الهلي صار اف 16

    دقيقه يوم جينا جباااال عظيمه ولا البيوت

    والخيام

    والعالم وشذا يا الارنوبي قال انتهينا خلاص

    احنى في غوانتنامو الجن



    وينزلون السياره وسط الحي ويتجمعون علينا ها الجنون

    ويطلع علينا واحد كنه فيل راسه مثل راس الكلب الله يعزكم

    يوم ها الجنون نزلو روسهم وهجدو ما تسمع الا نفسهم

    وحنى نتراعد والواحد يالله يبلع ريقه

    قال مقماسو مقاسو


    مادرينا الا ذاك البزر الي عيونه حمر من الصياح جاء وجلس يطالع فينا قال

    مقاسو

    مقاسو ويصيح

    والفيل يصايح مقاسو مقاسو

    ويجي ابو عظلات ويشيل الارنوبي ويمحطبه وسط الساحه

    وانا اقعد يا ملك ياطويل العهمر الرجال ماسوى شي

    والارنوبي معاد يدري وينه فيه

    ويجي ابو عظلات ويطلع العقال من الهايلكس ويعطيه البزر قاله مقاسو مقاسو

    والبزر يمحطلك الارنوبي ويمحط الارنوبي لين طهره وقطع العقال على ظهره

    والجنون تصفق وترقص

    يوم هذا ويصرخ الفيل ذيك الصرخه يوم العالم هجدت معاد تشوف الا الارنوبي يقامز من حروره العقال

    ويكلم الفيل ابو عظلات

    ويجينا ابو عظلات قال حنى ما اعتدينا عليكم خويك ظارب ابن المك يوم انه يلعب في سيارتكم بالعقال وشايته برجله

    وانا توسطت لكم عنده بشرط ان خويك ينجلد والسياره تخلونها لولد المك يلعب فيها

    قلت بس

    خذو السياره بس خلونا نروح لهلنا

    قال ماعليك انا اوصلكم الين اهلكم

    وراح يكلم الفيل والفيل يهز راسه


    ويجي ابو عظلات قال اركبو على ظهري

    ونركب انا والارنوبي المجلود

    على ظهر الجني ونتمسك في شعره

    وهو يقلع بنا فووووووق يوم معاد ندري وين حنى فيه يوم بديت ادوخ والارنوبي مثلي

    هذا اخر علمنا با الجني

    ما حسيت الا وحروره الشمس واصحي وناظر يمين يسار ولاانا جنب طريق سريع ولا ادري وشو ها الطريق واقوم الارنوبي

    قم قم شف وين حنى

    قام الارنوبي يتلفت قال عسانا في السعوديه بس

    قلت لاتخاف في السعوديه بس وين من السعوديه

    شوي يوم لبقت عندنا دوريه

    سلام

    عليكم السلام

    اثباتات

    ابشر

    نفتش مخابينا مافيها شي مشلحينا الجن

    والدوريه ينزل ويطالع فينا ولا اشكالنا شبه

    مغبرين والارنوبي مجلود والطقوق مبينه في وجهه

    قال وين اثباتاتك

    قلنا احنى صار علينا قصه كذا كذا

    قال رجل الدوريه

    انتم متعاطين شي مخدر مثلا

    اعوذ بالله ياخي احنى ناس محترمه وصار علينا القصه الي فلنا لك

    حتى سيارتنا خذوها وهذا رقمها

    قال كم الرقم

    قلت اس س 000

    قال كم

    قلت ا س س000


    سيارتكم موجوده في الحجز لقيناها اليوم الصباح شغاله

    واثباتاتكم موجوده فيها اركبو اركبو


    رحنى القسم لاوالله هذي الهلي ونتفقد اغراضنا لاهي كامله

    ونطالع في الصندوق لا العقال المقطع ومنطول في الصندوق

    ومكتوب على القزازه مقماسو


    بس وين لقو السياره ؟ ومع مين ؟

  2. #2
    عضو فعال
    نقاط التقييم  :  5
    تم شكره        0 مره

    تاريخ التسجيل
    Nov 2005  
    المشاركات
    161  
    متقاعد غير متواجد حالياً
    {{ يا الله يطول ها القصيدة من يقدر يقراْها }}

  3. #3
    عضو متميز
    نقاط التقييم  :  5
    تم شكره        0 مره

    تاريخ التسجيل
    May 2005  
    المشاركات
    12,094  
    الديباني غير متواجد حالياً
    أقسم بالله راسي عورني من طول القصه


    عموما
    تستاهل كل







    مقماسو مقاسو
    مقماسو مقاسو

  4. #4
    XموقوفX
    نقاط التقييم  :  5
    تم شكره        0 مره

    تاريخ التسجيل
    Sep 2005  
    المشاركات
    1,579  
    ناصر ابوتركي غير متواجد حالياً
    يعطيك العافية يابوانس
    هذه من قصص الف ليلة وليلة
    بس اسلوب جميل وابداع

  5. #5
    §§][][ البصمة الذهبية ][][§§
    نقاط التقييم  :  5
    تم شكره        0 مره

    تاريخ التسجيل
    Jun 2005  
    المشاركات
    4,512  
    هاوي الأسهم غير متواجد حالياً
    يعطــيك ألف عــافية اخــوي ،،

    قصـــة رااائعة ..

  6. #6
    XموقوفX
    نقاط التقييم  :  5
    تم شكره        0 مره

    تاريخ التسجيل
    Sep 2004  
    المشاركات
    893  
    رائد الأسهم غير متواجد حالياً
    زغللت عيوني مما قرأت

    لكن ............. ابداع اخويMr.Question

    والله يجعل ايامك كلها اعياد يارب

  7. #7
    §§][][ عضو مميز جداً ][][§§
    نقاط التقييم  :  18
    تم شكره        6 مره

    تاريخ التسجيل
    Apr 2005  
    المشاركات
    2,320  
    Mr.Question غير متواجد حالياً
    شكرا لكم جميعا وشرفني مروركم
    القصه بالفعل طويله ولكن اسلوبها سلس وبه الكثير من الطرافه وسعة الخيال

    كل عام وأنتم بخير

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.