النتائج 1 إلى 5 من 5

الاستراحه أخترتها لتكون لي فيها فضفضة عن يومياتي

  1. #1
    XموقوفX
    نقاط التقييم  :  653
    تم شكره        198 مره

    تاريخ التسجيل
    Apr 2009  
    المشاركات
    10,308  
    Bejad M غير متواجد حالياً

    الاستراحه أخترتها لتكون لي فيها فضفضة عن يومياتي

    هذا الموضوع للقراءة فقط

    اللي بيرد حياه الله ، واللي مايبي يرد ، يقرأ ويندزلع عني فيذاك

    وهالمساحة أخترتها لتكون لي فيها فضفضة عن يومياتي ، و تخفيف أعباء الحياة اليومية

    هالحين طق عمري الثلاثين ، وياويلي من التلاتين ، على قولة دعاية كريم نيفيا

    كل يوم أكبر و أكتشف أشياء و أشياء ، أضحك على ذكريات الماضي ، أصبحت أعي الآن كل الأمور بجدية ..

    في النت ، كنت أحسب أنه مضيعة للوقت ودردشة وسوالف وترقيم ، هالحين الوضع حسيته تغيّر مية وثمنين درجة ، صار النت هو الفائدة المستمدة من خلال التكنولوجيا ، تطلع على كل جديد حول العالم ، تشوف العجب ، و الصيام في الشبط ورجب ..

    ومن خلال المنتديات صح نضحك ، صح نتونّس ، لكن المعنى أكبر ، وهو التواصل ، وتواصل الأرواح ، رغم أنك لا تشوفني ولا أشوفك ، لكن نفرغ اللي بدواخلنا ، نبدي وجهات نظرنا ، ما يخرسنا اللي يرد علينا ، ولا يقهرنا اللي مايرد علينا ، ولكل أنسان ظروفه ، يمكن طقته البوهة ، يمكن أنشل أصبع رجله الصغير ، يمكن أنصرع ، ويمكن في أحيان أخرى يستنزل في غرفته ولا حد يدري عنه ..

    كنت أضحك من اللي يسجل أسمه الحقيقي في المنتديات ، و أقول وش يبي هالعمو هذا ، الأخ بيقدم على وظيفة ، لكن صرت أنظر لها من منظور ثاني في الوقت الحالي ، و أرجع و أقول لكل أنسان ظروفه ، يمكن يتميلح بأسمه وهذي هي المقولة الشهيرة لأختنا العزيزة ، ولا يمكن أثبات وجود بالأسم و الروح ، ولا يمكن يبغاه كأثبات على أنه يحسن إستخدام الكمبيوتر و النت إذا قدم على وظيفة شرط من شروطها إجادة الكمبيوتر و النت و اللغة السريانية

    كنت أقول ياشيخ خش لك دردشة وحط رقمك يمكن تدق عليك وحدة تقط الطير من السما ، وتعيش قصة حب زي حب ليس وقيقى ، صرت أشوف في الوقت الحالي أن الدردشة و الشات مفهومها أكبر من مفهوم عقلي الفارغ في هذاك الوقت ، و الغرض منه تبادل المعلومات و الخبرات و التجارب ، لكن مازلت أقول لكل واحد ظروفه ، يمكن فراغ عاطفي ، يمكن عطاف فارغي

    كنت في صغري لا قال لي واحد كبير كلمة أو نصيحة أمشي عليها ، ومن ثاني يوم ولا كأن أحد نصحني ، بس حلوة مني أني ما أرد النصيحة ، يعني فيه أمل رغم أني طبقتها يوم و اليوم الثاني كأن لم تكن ، نجي هالحين صرت أحترم اللي ينصحني ، بس أكره اللي ينصحني قدام العالم ، لأن النصيحة في الملأ فضيحة ، وشرشحة و تشهير و تحريج وتجريح صريح ..

    مرة نصحت ولد صغير عمره تقريباً 7 سنوات كان يلعب بالشارع ، قلت له يابابا أدخل ألعب في بيتكم لا تجيك سيارة تطيرك ، قال لي : ياماما توكل على الله أنت وسيارتك لا أطيرك

    كنت أكره كلمة يالله ذاكر ، وهالحين صرت أقولها لعيال أخوي ، لدرجة أن أختهم الصغيرة اللي مادخلت المدرسة كرهتني بسبب كلمة يالله ذاكروا

    كنت أقول ليه الكرة الأرضية تدور حول نفسها ، ليه هي مجنونة وطاقها الهبل ، ثم جتني فترة حسستني أني ملتمس وصرت أقول ليه الكرة الأرضية تدور حول الشمس ، و اللي يغبن أني أجاوب على نفسي و أقول : يمكن مضيعة شيء ومخبيته الشمس عنها ، صرت أقول الكرة الأرضية لو ما دارت على نفسها كان كل اللي فيها هالحين مجانين وطاقهم الهبل ، ولو مادارت حول الشمس كان الزين بالحيل صارت كشته ثلجية ,,

    كنت أول لا ركبت سيارتي ، أشغل و أشحط والديها ، و أمش يابو ربشة ، فلان يقول لي ياخي خل سيارتك تتحمى شوي ، قلت له : ليه و أنا باكلها ، هالحين تغيرت ميتين درجة أحمّي و آكل و أشرب و أقول دعاء التوكل ، وصرت أتحيقر اللي يشغل سيارته ويمشي وبس ، مع أني كنت في يوم من الأيام مثله

    كنت اول اقول ليه التلفزيون ملقوف وينقل الأخبار ويحب يفتن بين العالم ، صرت أقول لا التلفزيون و أخبار العالم ضرورية لأني صرت أشتغل فيه هالحين


    كنت أقول ليه هالحين العالم مايروحون المدارس ولا يروحون أعمالهم ألا الصباح ، والله أني ماخذ الدنيا ببساطة ، رغم أن عملي الحالي مايعرف وقت معين ، لكن تبين لي أن الصباح تقابل فيه كل فئات المجتمع من خبل و أهبل ومتخلف عقلياً و المتدين و الداشر و ال**** و الكويّس ، و المصلحة وحدة ، و الساعة بخمسة جنية و الحسابة بتحسب ، لكن فعلاً دوام الليل يريحك من هالعاهات اللي تشوفها كل يوم صبح

  2. #2
    عضو متميز
    نقاط التقييم  :  424
    تم شكره        39 مره

    تاريخ التسجيل
    Feb 2007  
    المشاركات
    11,020  
    ابو تومي غير متواجد حالياً
    كوويس كويس أنها ماسكه حزن ومراجعه النفس

  3. #3
    XموقوفX
    نقاط التقييم  :  5
    تم شكره        0 مره

    تاريخ التسجيل
    Sep 2009  
    المشاركات
    1,646  
    دانه الابهاوي غير متواجد حالياً
    صار النت هو الفائدة المستمدة من خلال التكنولوجيا ، تطلع على كل جديد حول العالم

    وفي نفس الوقت قهقهه زي ماتسوي يخويه بجاد

  4. #4
    XموقوفX
    نقاط التقييم  :  653
    تم شكره        198 مره

    تاريخ التسجيل
    Apr 2009  
    المشاركات
    10,308  
    Bejad M غير متواجد حالياً
    اقتباس المشاركة الأصلية كتبت بواسطة Ana Abi Anam مشاهدة المشاركة
    كوويس كويس أنها ماسكه حزن ومراجعه النفس
    الموضوع اللى بعده احلا...انتظار لوسمحت

  5. #5
    عضو متميز
    نقاط التقييم  :  41
    تم شكره        15 مره

    تاريخ التسجيل
    May 2009  
    المشاركات
    2,729  
    muqpel غير متواجد حالياً
    والله يومياتك فله ههههههههههههه

    يعطيك العااافية اخوي بجاد
    بس لا تحرمنا من يومياتك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.