النتائج 1 إلى 5 من 5

الفرق بين حوار الولد و البنت بعد رجوع من العزيمه‏‎

  1. #1
    عضو متميز
    نقاط التقييم  :  5
    تم شكره        8 مره

    تاريخ التسجيل
    Aug 2007  
    المشاركات
    1,181  
    الحر2 غير متواجد حالياً

    الفرق بين حوار الولد و البنت بعد رجوع من العزيمه‏‎

    ___________________________


    هههههههههههههه
    صراحة اعجبتني


    البنت بعد الرجوع من العزيمة

    هي: يوووه فاتك نص عمرك.. توني جايه من العزيمة

    أختها: وش حطوا؟

    هي: يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء ياربيييييه يهبببببل(يستمر وصف الاكل ساعة ونصف)
    أختها: جت نوف؟

    هي: ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

    أختها: لايكون نفس اللي لبسته قبل 5 سنوات؟

    هي : لا لا ذيك المره لابسه فستان أحمر مو وردي ولا كان فيه كرستالات
    ،
    اختها: أجل شكلها لابسه فستان بنت عمها أريج لاني شايفه اللبس هذا عليها
    .
    هي: اي والله، يووووه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين

    أختها: وجزمتها؟

    هي: ما أدري ماشفتها، تصدقين طول العزيمه وانا احاول اتشوف للجزمة لكن ماقدرت، حتى اني يوم طفشت في الاخير ذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها

    اختها: اكيد جزمتها مثل لبسها يحوم الكبد .. هي دايم كذا ذوقها خايس ...طيب ومكياجها كيف كان؟

    هي: وععععع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لها االمكياج ، شكلها زوجة ابوها

    اختها: طيب وتسريحة الشعر

    هي:حقت مين؟ نوف والا اريج؟

    اختها: كلهم
    .
    هي: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،

    اختها: كحكحي؟ يعني ايش؟

    اختها: ماتعرفين الكحكحي يالقروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط

    اختها: على طاري الخدامة؟ خدامة اريج وش لابسه
    ..
    هي: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية

    اختها: صدق والله؟ هذي مو جزمة اريج؟

    هي: الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.

    (ويستمر الحش إلى صلاة الفجر)

    ------------

    الولد بعد الرجوع من العزيمة

    هو: السلام عليكم، توني جاي من العزيمة وترا كل الشباب يسلمون عليك
    اخوه: عليك وعليهم السلام

    انتهت المحادثة.

  2. #2
    XموقوفX
    نقاط التقييم  :  5
    تم شكره        0 مره

    تاريخ التسجيل
    Feb 2007  
    المشاركات
    5,490  
    الضرغااام غير متواجد حالياً
    الحريم ياحبهن للسوالف

  3. #3
    §§][][ عضو مميز جدا][][§§
    نقاط التقييم  :  1029
    تم شكره        306 مره

    تاريخ التسجيل
    Jul 2004  
    المشاركات
    13,398  
    abdulaziz1 غير متواجد حالياً
    اقتباس المشاركة الأصلية كتبت بواسطة الحر2 مشاهدة المشاركة
    [SIZE=4][COLOR=blue
    هو: السلام عليكم، توني جاي من العزيمة وترا كل الشباب يسلمون عليك
    اخوه: عليك وعليهم السلام

    انتهت المحادثة.
    يازين العقل

    هذولي أولاد أدم

  4. #4
    عضو متميز
    نقاط التقييم  :  6
    تم شكره 3 مرة

    تاريخ التسجيل
    Feb 2007  
    المشاركات
    7,517  
    هاوي ملايين غير متواجد حالياً
    انت جالس معهم وتسمعهم

  5. #5
    كاتبة متميزة
    نقاط التقييم  :  59
    تم شكره        9 مره

    تاريخ التسجيل
    Jul 2009  
    المشاركات
    15,682  
    أمل ومشتاقه غير متواجد حالياً
    فعلا كأنك سامعنا انا واخواتي نفس المقطع خصوصا اني دايم اروح مع الوالده لوحدي

    للحفلات الرسميه ومباركيه الولاده حتى لو عجوز دايخه
    ولما ارجع نفس البرنامج بس مو دوم

    اذا الناس خاشه مزاجي تكلمت


    ام اذ عكس ولا كأنهم سوو شي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.