النتائج 1 إلى 4 من 4

>>>اللي تبي الأجر تأخذ سعودي<<<

  1. #1
    عضو فعال
    نقاط التقييم  :  5
    تم شكره        0 مره

    تاريخ التسجيل
    Oct 2008  
    المشاركات
    212  
    أندومي غير متواجد حالياً

    >>>اللي تبي الأجر تأخذ سعودي<<<

    السلام عليكم
    -------------
    الي تبي الاجر تتزوج سعودي
    لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي. عاد الأخيره هي الشاهد.

    معلومه أفتتح فيها رسالتي:
    أنا من بيئة زراعيه تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب.


    إلى كل إمرأه سعودية تعتقد أنها مأجوره لأنها ماخذه زوج سعودي.....
    إلى كل إمرأه سعودية تعتقد أنها فاقدة الدلع مع زوج سعودي.....
    إلى كل إمرأه سعودية تعتقد أنها فاقدة الرومنسية مع زوج سعودي.....
    إلى كل إمرأه سعودية تعتقد أنها فاقدة الكلام الحلو مع زوج سعودي.....
    إلى كل إمرأه سعودية تعتقد أنها مظلومه عاطفيا لأنها مع زوج سعودي.....
    إلى كل إمرأة سعودية تبحث عن زوج حق دلع ولا كلام حلو.....


    أختي الفاضله:
    إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه:


    صباح الأمس الباكر؛ من أيقظ زوجك للعمل؟ أنت أم الساعة المنبهه؟
    إذا كانت الساعة؛ أين كنت؟
    إذا كنت أنت؛ كيف أيقظتيه؟ وبأي صوت نبهتيه؟ وفي أي صورة كنت عندما تفتحت عينيه؟
    بعد أن استيقظ، ودخل الحمام للدش؛ هل وجد حمامه جاهز؟
    لما خرج والأمل يحذوه في وجبة إفطار؛ هل كنت جهزت له إفطاره؟
    (ولا كوب قهوه وكيكه على المكتب)
    قبل أن يخرج للعمل؛ من أين أخذ ملابسه؟ (من بين يديك ولا من الدولاب)
    هل ساعدتيه في لبسه؟ (وكشختيه وعطرتيه)
    بعد اللبس (وقت الخروج)؛ هل من مودع؟ ولا أحسن إختاري اجابه واحدة مما يلي:
    1- خرج وأنا نايمه.
    2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
    3- كنت جالسه بالصاله، وهو خارج قلت له لاتنسى الأغراض اللي وصيتك عليها.
    4- رافقته للباب، وكان وداع حار.
    ( تبين مساعدة، نحذف اجابتين؟ بس المشكله مانقدر نحذف إلا إجابه وحده بس!!!)
    لما وصل المكتب (طبعا إذا قام يفطر الشباب بالمكتب عرفوا وش انتي من حرمه)؛ هل اتصلتي فيه تتطمنين إنه وصل بالسلامه؟
    تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل استقبلتيه؟ وشلون؟
    بدا ينزع ملابسه؟ هل كنت معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير)
    يبي يدخل الحمام وياخذ دش؛ (كرري السؤال حق دش الصباح).
    بعد الدش يبي استرخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
    الآن يبي غفوه قبل الغدا، هل ساعدتي على توفير الجو الهادئ؟
    لما صحي؛ هل وجد الغدا جاهز ولا هو اللي جابه معه من المطعم؟
    بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟
    الآن فتره مستقطعه إلى الليل، وشلون قضيتوها؟
    بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟
    خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟
    وقت النوم، وانتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم اثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)


    بإختصار لكل الأسئله السابقه:
    هل كنت أنثى مع زوجك السعودي وعيشتيه جو زوج وزوجه؟


    طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها.

    إلى كل إمرأة سعودية تبحث عن زوج حق دلع ولا كلام حلو:
    ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
    كم مجوع الدرجات اللتي حصلتي عليها؟
    0% ولا 10% ولا 50% ؟


    طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟ (الثمره أكيد الدلع والكلام الحلو و... و....) اسألي مزارع إذا احتجت مساعده.

    في النهايه: اتمني من المرأه السعوديه اللي تبي الدلع ما تاخذ لبناني، واللي تبي الكلام الحلو ما تاخذ سوري واللي تبي...واللي تبي....واللي تبي....

    كفايه يكون في العالم العربي كله بس السعوديين محرومين من انثى.

    معلومة أختتم فيها رسالتي:
    تعرفون ليه الزوج السعودي يفغر لما يشوف امرأه متبرجه؟؟ تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.؟؟
    تعرفون ليه الزوج السعودي لما يتزوج من سوريه ولا مغربيه ولا...ولا...يحس ان فعلاًَ فيه جنس آخر بالكون غير الذكور.


    لأنه في الأصل عايش مع واحد من ربعه.

    منقول من الواقع ::؟؟؟؟؟؟ اصحو يا سعوديات

    و ان برأي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفيكر بالزواج عليها الا اذا كان مجنووون او مريض نفسي......

    منقوووووووول

  2. #2
    كاتبة متميزة
    نقاط التقييم  :  59
    تم شكره        9 مره

    تاريخ التسجيل
    Jul 2009  
    المشاركات
    15,682  
    أمل ومشتاقه غير متواجد حالياً
    sammmm

    صحينا

    مشكوررر اخوي على الطرح

  3. #3
    عضو متميز
    نقاط التقييم  :  452
    تم شكره        12 مره

    تاريخ التسجيل
    Jul 2009  
    المشاركات
    3,122  
    B R O غير متواجد حالياً
    السلام عليكم ورحمة الله وبركاته

    جزاك الله خير اخي الكريم .. الكثير من النساء وكما ذكرت ترغب بمن يدللها ويكثر الكلمات العذبه والدموع لها ..ولكني اقول لا خواتي الكرام ..ان دلالنا لا يأتي بهذه الطرق ويسلب من الباب الاخر ..قد اكون ادللك بالحديث واشطارك الامي وهمومي والنفقه ..ولكننا ندلل زوجاتنا بالتعامل الحسن والقول الحسن والعيشه الحسنه وعدم اهمالهن وبما ننفق عليهن من مال وتوفير حياة كريمه توفر عليها ان تعمل خارجا لتوفر مصروف المنزل والايجار ومصاريف الابناء وتحمل اعباء الحياه ..فهي مكرمة مصونه تلبى رغباتها وتغطى احتياجاتها وهي قائمة على امور بيتها وعائلتها دون حمل الهموم الاخرى .. ومع ذلك تجد البعض منهن متذمرة ناكره لا ترغب الا في تحقيق رغباتها ..وتريد الدلال المتواصل على لا شي مقدم منها سوى النوم والخمول ..
    المشكلة تكمن في ما اذا كان كل من الطرفين ينظر الى مصالحه الشخصيه فلو كل منهم نظر الى واجباته وحقوقه بعين الاعتبار والعدل لما كان هناك ظالم ولا مظلوم .. لابد من الطرفين النظر الى ما يقوم به الاخر من واجبات وما عليه من حقوق فاذا كان كل منهم قائم بواجباته مؤدا حقه فستكون الرومنسيه وتبنى العاطفه بينهما من خلال عشرتهما مع بعضهم البعض.

  4. #4
    عضو متميز
    نقاط التقييم  :  464
    تم شكره        108 مره

    تاريخ التسجيل
    Jun 2009  
    المشاركات
    12,703  
    لا لليأس غير متواجد حالياً
    هههههههههههه بارك الله فيك لقد أصبت الله يحفظك بكلامك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.