النتائج 1 إلى 11 من 11
  1. #1
    نائب المشرف العام
    نقاط التقييم  :  7571
    تم شكره        1,558 مره

    تاريخ التسجيل
    Aug 2006  
    المشاركات
    14,489  
    الـبـقـمـي غير متواجد حالياً

    الملك فهد ( يرحمه الله ) يروي قصة حصلت معه !



    قال الملك فهد رحمه الله يقص قصة انه بالحرف الواحد

    (( اسمعوا يالربع ,تدرون أني شرقت وغربت ومافيه مكان زين بهالأرض ما جيته ومافيه طعام طيب ما ذقته

    أكلنا بأكبر المطاعم والفنادق بعواصم العالم كلها بأوروبا وبأمريكا

    لكن ورب العزة والجلال أن عشاء تعشيناه من سنين في بيت بدوي من أهل الشمال أنه هو ألذ طعام دخل جوفي بحياتي كلها

    ولا لقيت مثل لذته لا بديار الغرب ولا بديار الشرق.

    والسالفة من هالسنين طالعين للمقناص جهة الشمال بمنطقة حزم الجلاميد وحولها.

    وبأيام الشتاء والشمس ما طلعت لها ثلاثة أيام وهي تمطر علينا مره سيل ومره ديم ويجي هاك النهار وما قدرت سياراتنا تحرك من الماء وخيامنا ما قدرنا نبنيها تغرقت الأرض وامتلت من الماء ,

    وأنا أقول لأخويانا تشووفوا من هاللي حولنا من البدو ,

    وهو يرقب احد خويانا بالدربيل فوق ضلع وجانا وقال ياطويل العمر ابشر بالبدو شفت لي سوادة بيت شعر هناك ورى هاك الحزم ,

    وننقسم قسمين اللي يعرفون بالديرة صاروا عند السيارات والمعدات والبقية ستة منهم ركبنا سيارتنا الجيب ونروح جهة البيوت,

    وحنا منهدين من التعب طول النهار ممشى وحفر ودفن بالسيارات وملابس بعض خويانا مبتله وبنا بعض الجوع وعلينا برد

    ونجيك تالي نهار حزة المغرب بتجاه بيت البدو محاولين ان تسيرالسيارة بارض صلبه بين الشعبان متفادين الخباري والضلعان اللي نطحنا سيلها ماوقف,

    يوم قربنا للبيوت وتغرز السيارة في طين لمنحدر الشعيب وما قدرنا نخلصها من ليان الأرض ونزلنا منها ونكمل على رجلينا أنا وأخوياي الستة حتى وصلنا بيت شعر مثولث المقصود بعد ماتبين لنا

    فقلت لأخويانا: اسمعوا زين لا أحد منكم يقولي ياطويل العمر وإلا ياسمو الأمير خلوني واحدٍ منكم ماابغي البدو يحسون اننا من الحكومه

    حنا ضيوف ليل والأرض مثل ما أنتم شايفين والناس بالشتاء وبرد والوقت مطر

    وماندري وش حالة الأجواد من حالة ضعف او حاجة هذول ناس بدو وبالشمال وأخاف يتكلف بشي من ذبايح وغيرها وهو ما يقدر عليه

    قالوا حاضرين ياطويل العمر قلت نادوني يابو فيصل ولا يافهد بس

    وحنا ندخلك البيت ولا هو بين رواقين والنار تقعر(مشتعلة) والدلال على طرفها والرجال يقوم يرحب بنا ويهلي يالله حيهم ياهلا ويامرحبا ,

    وقهوته والمه ويصب لنا منها وبريق شاي وبريق حليب مصخن (زنجبيل) ويجدد قهوته ويصب لنا منها

    ويسولف علينا عن المطر وعن حالة الجو واخبار البدو بالمنطقه شوي وهو يجيه رجلان من عربه ويسلمون ويرحبون فينا ويقعدون ويسولفون بالمطر والسيول والعشب والحلال ,

    والأجودي من جيناه وهو ما ترك مكانه لوهي لحظة ويكرر التهلي والترحب بنا

    , وعقب مدة وهو يقوم من عندنا ويذهب لطرف الرواق صوب المحرم

    وأخذ له شوي وهو ينادي لحدى الرجلين اللي من عربه يساعده بحمل الصحن ويفاجئنت في الصينية الكبيرة اللي عليها ذبيحة كاملة وهالرز الأبيض مطبوخ بحليب ومرق الذبيحه فقط

    وهو يصدع بصوته الخشن سمو سمو على عشاكم وكرامتكم ياهلا ومرحبا ويتعذر من القصور ويطلب منا السموحة اذا هناك تقصير بالكرم

    ,ونتعشى هاك العشاء اللي بحياتي كلها ما ذقت مثل لذته وزينه طعمه

    , والغريب ان عشا هالبدوي الشمالي اللي ما تركنا لوهي لحظة وجالس يسولف علينا ويرحب وكل شي جاه جاهز وهو قاعد عندنا على دلاله وناره,

    وشلون عرفوا أهل بيته طلبه أكيد أنها عادة له ما هي جديدة عليه وعلى أهل بيته الكرم وذبح الذبيحه لكل ضيف

    ,بعد العشا لم يتركنا وحلف ولزم نبيت عنده وفعلاً نمنا هاك الليلة الباردة عند الأجودي بفرشٍ دافئة ونظيفة اعطا كل واحد منا فراش ولحافين ومخده اعتقد اننا كلفنا عليه جدا

    , ويوم اصبحنا قبل الفجر قهوته والمه ونتقهوى وعقبها نصلي وعقبها يقلط لنا خبز تنور صاخن أهل الشمال( رغفان ) وحليب زنجبيل وصحونٍ مليانه زبد وسمن وخاثر( زبادي ) ونفطر من طعام هالشمالي

    , ونترخص منه ونروح من عنده لسيارتنا اللي خليناها امس بالشعيب

    , وأنا تركت له حدر فراشي مبلغ عشرين ألف ريال معونة له ومساعده دون اه ,

    وحنا ماشين تجاه السيارة واذا به لا حقنا بخطوات سريعه وينادي علينا

    , وأقف له ومعي حدى الخويا والباقين قلت لهم اكملوا أنتم بطريقكم اضن انه يعلمنا بعلمٍ ما يبي أحد يعرفه وعندما وصلنا

    قال : يالربع ياضيوف الخير أنتم نسيتوا لكم غرض عندنا

    ,قلت له وشو من غرض يالأجودي قال لفة فلوس ريال سعودي (دليل انه ماحسباها ولافتش فيها) وهذا من الامانه والشرف

    وقال بحزم وهاذي هي شوفوا كان نقص منها شي,وهو يطلعها من جيبه ويمدها لي

    قلت له : ما نسيناها هذي عطية لك وأنت تستاهلها وتستاهل اكثر بعد وأنا وزير الداخلية فهد بن عبدالعزيز آل سعود وهذولا خويانا

    وحنا إمقناص وهذيك سيارتنا وبيض الله وجهك أنت تستاهل وكفو مع ضيوفك,

    ولك مني كثرها عطية شرهةٍ لك سنوية تجيك وأنت مكانك يجيبونها لك الاماره على طيبك ومعروفك وحسن اكرامك للضيف

    , بس أنت عرفتنا وحنا ما عرفناك انت من يقال لك , وتغير وجهه واستحى وقال لي : ياطويل العمر أبرك الساعات..

    منقول ....
    " منتدى الأسهم السعودية "

  2. 7 أعضاء قالوا شكراً لـ الـبـقـمـي على المشاركة المفيدة:


  3. #2
    فريق المتابعة والاشراف
    نقاط التقييم  :  8484
    تم شكره        3,390 مره

    تاريخ التسجيل
    Mar 2013  
    المشاركات
    31,159  
    الزعيمه غير متواجد حالياً
    الله يرحمه ويسكنه جنات النعيم

    قصه تحكي عن اهل الكرم من ابناء الباديه

    استمتعت بقرائتها الله يعطيك العافيه ابوفيصل

  4. #3
    فريق المتابعة والاشراف
    نقاط التقييم  :  8484
    تم شكره        3,390 مره

    تاريخ التسجيل
    Mar 2013  
    المشاركات
    31,159  
    الزعيمه غير متواجد حالياً
    يثبت الموضوع

    ولي عوده للشكر

  5. #4
    قلم متميز
    نقاط التقييم  :  7086
    تم شكره        1,915 مره

    تاريخ التسجيل
    Mar 2011  
    المشاركات
    11,588  
    senseye غير متواجد حالياً
    قصة روعة تحكي تراث أجدادنا تاريخ تليد يورثه الأجداد للاحفاد....عبر مر السنين....بارك الله فيك ابو فيصل نائب المشرف العام ...

  6. #5
    فريق المتابعة والاشراف
    ابو خالد
    نقاط التقييم  :  13307
    تم شكره        12,231 مره

    تاريخ التسجيل
    Aug 2012  
    المشاركات
    48,769  
    مستر كليسر غير متواجد حالياً
    ماأدري وش أقول لكن نستسمح أبو ريان

    • قصة روعة تحكي تراث أجدادنا تاريخ تليد يورثه الأجداد للاحفاد....عبر مر السنين....بارك الله فيك ابو فيصل نائب المشرف العام ..


      أسعدك الباريء أبو فيصل


  7. #6
    عضو متميز
    نقاط التقييم  :  723
    تم شكره        23 مره

    تاريخ التسجيل
    May 2006  
    المشاركات
    2,096  
    ابو راسين غير متواجد حالياً
    بيض الله وجهك على هلقصة الرائعه والله ماهي غريبه على البدو اهل كرم وشهامه..

    الله يرحم الملك خالد ويجعل قبره روضه من رياض الجنه

  8. #7
    قلم متميز
    نقاط التقييم  :  1486
    تم شكره        673 مره

    تاريخ التسجيل
    Apr 2007  
    المشاركات
    11,337  
    ابن الصحرا غير متواجد حالياً
    حياك الله ابوفيصل
    ياليتك ذكرت اسم هذا البدوي
    والقصه قد ذكرها لي احد الاخوه وقال ان اسم البدوي - متروك بن حزام الكويكبي الرويلي
    ورحم الله الملك فهد لو ماذكر هذه القصه كان ماحد عرف هذا البدوي الكريم رحمهم الله جميعا
    وشكرا ابو فيصل

  9. #8
    أبو طلال
    قلم متميز
    نقاط التقييم  :  4937
    تم شكره        1,406 مره

    تاريخ التسجيل
    Jun 2009  
    المشاركات
    24,651  
    الصقرالحر غير متواجد حالياً
    سلمت اناملك الذهبيه أخي أبا فيصل
    على ماخطته لنا من روائع .. ورحم الله الملك فهد بن عبدالعزيز
    رجل السياسة والحكمة والمواقف المشرفة .
    اعذب التحايا لك ،، لكـ خالص احترامي

  10. #9
    عضو
    نقاط التقييم  :  1028
    تم شكره        336 مره

    تاريخ التسجيل
    Mar 2012  
    المشاركات
    7,280  
    إستبرق غير متواجد حالياً
    ربي يرحمه قصصهم جميله كمان
    يارب يحفظلنا آل سعود تاج ع روسنا
    شكرا اخوي ع القصه الحلوه

  11. #10
    عمدة المنتدى
    نقاط التقييم  :  8847
    تم شكره        1,526 مره

    تاريخ التسجيل
    Sep 2010  
    المشاركات
    30,722  
    أبو أنس2011 غير متواجد حالياً


    الله يرحمه رحمة واسعة
    وكل الشكر أخي أبا فيصل على هذه القصة المعبرة

  12. #11
    نائب المشرف العام
    نقاط التقييم  :  7571
    تم شكره        1,558 مره

    تاريخ التسجيل
    Aug 2006  
    المشاركات
    14,489  
    الـبـقـمـي غير متواجد حالياً


    أحباب قلبي

    سعدت بـ مروركم العطرة .. لاهنتوا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.