تغيرتي عجيب و بسهوله يتغير الانسان
تركتيني اقاسي الحزن ليله بعد ليله
تغيرتي ونسيتي زمان عشناه خلان
و تناسيتي كل ذكرى من ايامنا الجميله
تغيرتي وين الشوق ذاك الذي كان
كانت على فرقاي عينج كل ليله هميله
تغيرتي وين المشاعر و الوجدان
كله تغير وجت مشاعر ثانيه بديله
تغيرتي و زمن ثابت ويتغير الانسان
طبع الانسان يتغير فيوم وليله

************

غدت كل الوعود أوهام وفي طبعك تغيرتي
وغدت كل الحروف آلام عذاب يجرح إحساسك
وإذا في مجلسك هليت عن أخباري تكبرتي
كأني ما عرفتينى ولا قد كنت من ناسك
أنا ما يهمني ولو كنت غريب وما تذكرتي
ولكن يا حسايف صار شعوري موطنه إحساسك
نسيتيني على كيفك طريقك وأنتِ أخترتي

ولـو مرت بقايا أسمي رجاء لا ينـحني رأسك

يكفي أنك عشقتيني وعشتي لي ولو جرتي
ويكفي أنك تعرفيني عطوف وماأجرح إحساسك

*************

تغيرتي عن الأول ولا أدري ليه تغيرتي
مع إني كنت أحاول دوم أراضيكي كثر ما أقدر
غريبة والله هالدنيا ومثل هالدنيا لي صرتي
تعاهدتوا على قلبي وقلبي ما قدر يصبر
صحيح إنك بتمثيلك ملكتي قلبي ورحتي
وكنت أنا على النية أصدق ما أبي أكثر
أصدق من بعد هذا مدام إنتي تغيرتي
أكيد الناس هم مثلك أكيد الكل يتغير
كذبتي كثير وما همك ولاحتى تعثرتي
حسبتك مملكة من حب فيها الود ما يصغر
قدرتي تجرحي قلبي ولا في حالي فكرتي
نهيتي حبي اللي كان يزيد في داخلي ويكبر