النتائج 1 إلى 4 من 4

تلومون البنات فيكم

  1. #1
    قلم متميز
    نقاط التقييم  :  3697
    تم شكره        1,701 مره

    تاريخ التسجيل
    Feb 2007  
    المشاركات
    22,650  
    hassa boy غير متواجد حالياً

    Talking تلومون البنات فيكم

    لا يخفى على كثير من المتزوجات منكم حاجة الزوجة لتعبير او همسة اوحتى نظرة حنان ورومانسية من زوجها العزيز
    لكن ساعات تكون هالحاجة اصعب من لبن العصفور وابعد من المريخ بسبب طبيعة بعض ازواجنا المماليح ...وعزة نفسهم اللي تخليهم يعتقدون ان
    التلميح بالحب هو ضعف وتصغير من قدرهم
    وانا بصراحة ما الومهم ...الوم سياسة (ياعيباة وياخزياة )اللي خلقت رجال الثلج اللي عندنا .





    صديقتي زوجها سافر لدورة في عمله وطقتها الرومانسية وتروح وتحط له ذيك الهدية اللي تعبت بتغليفها وتحط له بكل بدلة رسالة وورد مجفف وتقعد المسيكينة على أحر من الجمر تنتظر ردة الفعل والكلام الحلو اللي بيقوله لها.. إلا يوم جاء وعيونه كلها شر وزعلان ويرمي عليها كلمة خلت الدمع يتجمع بعينها... وش اللي سويتيه؟؟ خليتي أصحابي يتطنزون علي كل ما ألبس بدلة إلا الأوراق طايحة منها، قالوا وش فيك ياابو الشباب صاير كنك عامل بلدية!؟ ما غير تلقط في الاوراق.... والا الهدية الحمدلله اني شفتها قبل ماحد يشوفها وحطيتها في السيارة ومافتحتها إلا يوم رجعت البيت



    وتقول إحدى الزوجات: في ولادتي الأخيرة جاني نزيف وجلطة وبعد الولادة جلست في العناية المركزة والدكتور يقول لزوجي إذا تحب زوجتك انسى الأطفال أقل شي 5 سنوات لين تستقر حالتها. ويوم بديت اصحصح من البنج وكنت اتألم.. عملية ونزيف والقاه فوق راسي
    واطمن علي وبكل رقة قال: قولي آميييييين
    عاد انا فرحت قلت أكيد بيدعي لي ان الله يعافيني أو ان الله يخليني له
    قلت انا آمييين
    قال جعل ما تدور السنة الا انتي هنا في هالغرفة جايبة بيبي ثاني خخخخخ
    قلت ياخي اصبر على الأقل لين يطلعوني غرفتي، أما تدعي علي وانا في العناية وتبيني السنة الجاية فيها!؟..




    وتقول أخرى: زوجي محطوط على الصامت.. مادري يوم ولدته أمه صااح أو لا!؟ بس ما ظنيت انه صااح! خخخخ
    ألبس واتزين، أصبغ شعري، مرة شقرا ومرة أحمر، ومرة حطيت برونز وجات بنتي أم ثلاث سنين وقالت ليه يا ماما انتي سودا خخخخ وزوجي ما في أي ملاحظة أو تعليق
    ودايم اقول له أقص شعري؟ أقلد هالحريم يمكن يحس
    يقول لي لااا لا تقصينه ابزعل عليك وهو شكله بعد يقلد الرجاجيل خخخخ
    ميير ذاك اليوم ارووووح اقصه أو بمعنى أصح اسويه قصير مرة واسوي هاي لايت
    وطول الطريق متحمسة، أقول في نفسي الله يستر لا يزعل يوم قصيت شعري
    يوم وصلت البيت وادخل إلا الشيخ ماسك الريموت ويقلب فيه واجي وانا مرتاعه واجلس والرجال ما حكى
    أحسبه زعل... بس الله يخلف على قلبي خخخخخخ
    اثاريه مانتبه لشعري!!؟
    مير تتناقز الشياطين بوجهي من الزعل
    وانا اللي التفت عليه واهد فيه؛ انت ما تحس؟؟ ما تشوف؟؟ علمني عشان ماتعب نفسي واتزين لك!! حرام الخساير خخخخخ
    قال لا بالعكس انتبه
    قلت طيب ياخي شجع امدح لو كذب قل رايك
    مابعد جتكم المصيبة
    عقبها بكم يوم كلمني وانا برا البيت قال وينك؟ قلت في المشغل انا اقصد مشغل خياطة
    هو يحسب قصدي كوافير
    أول مادخلت مع الباب قال زوجي الله وش هالزين وش هالحلاوة؟؟
    انا طارت عيوني

    واطير اركض للمراية اشوف وجهي إلا شفت شهبه لهبه حتى الكحل مهوب في عيوني والشعر لازق في الراس عقب النقاب
    وارجع له وانا ماش.. ماني مستوعبه!؟
    قال لي بصراحة نيو لك مرة حلو
    أبو الشباب مستمر في النصب
    قلت وشو انت؟ وش تقصد أي تغيير؟؟
    انقلب وجهه.
    . قال انتي وينك من شوي؟
    قلت في المشغل
    رجع لون وجه يرد قال أيه محلوه.. وش سويتي؟
    قلت ضوقت فستاني خخخخخخخ
    طمر دخل الحمام مادري ليه عاد هل بطنه حله من الروعة خخخخخخخ أو ما له وجه يطالع فيني





    وتقول واحدة: مرة شريت شموع وانا نفسي مو مقتنعة بهالشغلات بس صديقتي كانت معي بالسوق ولزمت علي أشريها
    المهم بعد ماعلمتني طريقة توليعها ووين أحطها بغرفتي
    عطرت الغرفة وولعتها ودخل زوجي الحبيب وعلى طول ولع اللمبات، وقال ليش مولعتها هو الكهرب كان طافي؟؟

    لاعادت عليها من شموع ومن رومانسية
    قلت لا بس أجربها هي تشتغل والا لا؟ <<<<<< أمحق رد حاشا صارت جهاز مو شمع!





    واحدة ثانية تبي تسوي ليلة لو باقي ليلة على ما قالوا..وحاطة شموع وحالة! يوم وصل سبع البرمبه...والا يقول الله يقطعك خنقتينا بثاني أكسيد الكربون!!....الأخ مدرس علوم

    تقول من عقبها حلفت وقلت التوبة!


    واحدة أعرفها، كانت في بداية زواجها من 10 سنوات ناقر ونقير مع زوجها بسبب صغر سنها وطيشها وبعدين شوي شوي مع العيال
    والسنين عقلت المراة
    وخفت مشاكلهم وهي حاسة بهالتغيير وفرحانة بهالنضج اللي وصلت له وتبي زوجها يلاحظ..يلمح..يحس ...بس عمك اصمخ! وهو أكيد انه حاس بس عقدة التعبير مانعته. المهم، ماش شافت الرجال ما جاب خبر قامت تلمح له المراة.
    ...وفي ساعة صفا، جت كاشخة وقعدت تميلح عنده وتسبل هالعيون
    وتتلصق، قالت: ماحسيت يا حبيبي بشي متغير في حياتنا ؟؟ تستدرجه الضعيفة
    قال: وشو؟ مثل ايش؟؟

    مازال الطناش سيد الموقف
    قالت:يعني ما حسيت بتغيير؟؟

    مازالت تتأمل
    قال:مدري.. مثل وشو؟؟



    قالت :يعني ما حسيت شي تغير فيني مثلاً؟؟؟؟

    ملت من التلميح وجابتها على بلاطة
    قال: فيتس انتي ؟؟؟؟؟

    بدا يفكر ويهوجس
    وهي ما زالت الإبتسامة

    شاقة وجهها
    ..وعيونها
    تبربش...وتتميلح...تنتظر الجواب الشيق...

    قال:امممممممممممممم ....بطنتس عرعر

    !!!!!!!!!!!!!!!؟

    فجأة

    زالت كل معالم الفرح والتميلح من خشتها...وبدأت الدمعة تفحط في مقلتيها



    تقول واحدة: جارتي كانت والدة جديد وجلس زوجها يتفكر بالولد ليه عيونه كذا وفمه!؟ على مين طالع؟
    وراه شين؟ ورا لونه كذا ؟
    وقام يعدد أقبح الخصال وآخر شي التفت على الأم وقال
    ما كنه يشبهك؟؟
    تقول من قالها مت صياح وانا تعبانة وبالنفاس



    واحدة تقول: كنا مسافرين برا وقاعدين نتمشى بمكان رايق وهادي وما في أحد غيرنا
    قام يتلفت، بعدين قال ترى ما فيه إلا أنا وانتي
    أنا تحمست، قلت أكيد بينتهز الفرصة عشان ياخذ راحته معاي والا يقوللي كلمة حلوة والا أي شي
    قال
    لو قتلتك هنا والله محد بيدري عني





    حبيت أعترف لك بشي خطير بعد 14 سنة زواج، قال لي زوجي أنا أحبك... والله قالها وشفايفه ترتجف ويالله اطلعت!




    تقول واحدة: لي 4 سنين وانا احفر بزوجي لعل وعسى أطيح على بئر الرومنسية عنده لكن للحين ما طلع شي.. شكلي بلقى بترول من كثر الحفر!!

    وياما وياما انصدمت من ردوده ويا كثرها

    تخيلوا؛ مرة كنت مسوية ليلة رومانسية بدون ما يدري وحركات، المهم كنت حاطه أوراق لازم يجمعهم علشان يوصل للمكان اللي أنا فيه، يعني يبيله عشر دقايق على ما يجمعها ويوصل لي. أنا سمعت الباب فتح ورحت على طول أشغل الشموع على أساس انه لسى بيدور على الأوراق.. شوي إلا طويل العمر داخل علي بالغرفة... أنا طبعاً

    وش تتوقعون ردة فعلي؟



    قلت له لاشعورياً وش جابك؟؟


    تخيلوووووووووووووووووووووووووا وش رده لما سألته وش جابك ليش خربت يا شينك!!


    قاااااااااااااال لي: ابي الحمام ابي ....... يعملها بالعامي!
    أنا وقتها اغمن عليه!.. وش ذاااااااااااا!!؟؟ البيت فيه 6 حمامات ضاقت على هالحمام!؟

    ولا يشوف شكلي قميص نوم وكشخة وشموع وفواحات وورود وآخرتها بـ....... بس جد كانت

    صدمة قوية ووقتها كنت توي ما كملت 6 شهور زواج تخيلوا قعدت اصيح وعلوم بس





    تحيااتي للجميع

    ن ق ل نقل

  2. #2
    عضو متميز
    نقاط التقييم  :  5
    تم شكره        0 مره

    تاريخ التسجيل
    Oct 2009  
    المشاركات
    741  
    ابوصفووق غير متواجد حالياً
    يعطيك العافيه مع اني مافهمت شي يالحساوي

  3. #3
    عضو متميز
    نقاط التقييم  :  178
    تم شكره        72 مره

    تاريخ التسجيل
    May 2009  
    المشاركات
    3,150  
    أبوالمثنى غير متواجد حالياً
    يعطيك العافيه

    طرح جميل

  4. #4
    XموقوفX
    نقاط التقييم  :  87
    تم شكره        47 مره

    تاريخ التسجيل
    Jan 2010  
    المشاركات
    6,316  
    الــجــنــوبــي غير متواجد حالياً

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.