النتائج 1 إلى 4 من 4

جيتك

  1. #1
    XموقوفX
    نقاط التقييم  :  5
    تم شكره        0 مره

    تاريخ التسجيل
    May 2008  
    المشاركات
    8,292  
    شـلـيويح غير متواجد حالياً

    جيتك

    إفتح شبابيك الهوى جيتـك اليـوم
    بإحساس من زود الوله عده يطير


    جيتك مثل طفلن له أيـام محـروم
    عن حضن أمه أبعدتـه المقاديـر


    وجيتك مثل عودن له أيام مهمـوم
    وده يلاقي بأخـر الوقـت تقديـر


    وجيتك حضن عاشق وهايم ومغروم
    وده يضمك لين تصبح على خيـر


    متى تحس إن الهوى شي مقسـوم
    من قسمة الخالق على خلقه يصير


    ومتى تحس إني لك أطيـح وأقـوم
    وأتعب على شانك وأقدرك وآغيـر


    لي في هواك أحلام وأمال وعلـوم
    وأحزاب وأصحاب وقصيد وجماهير


    وهموم وأفكار وهواجيس وحلـوم
    ودروب وأخطار وعذاب ومشاويـر


    وحب وغلا وإخلاص ومعاند ولـوم
    وإحساس وإلهام وشعور وتفاكيـر


    وصحبة سهر ومقاطعة لذة النـوم
    وأشواق جياشه وعشـق وتعابيـر


    في ذمتك مابان لـك شـي مكتـوم
    من بعد ماصورت الأوضاع تصوير


    لاتحسب إنك شي عابـر ومعـدوم
    وتاريخ حبك فاق كـل الأساطيـر


    في كل شي أتخيلك وأسمعـك دوم
    وأتأملك في الوقت الأول والآخيـر


    من ماضي الأيـام لايومـك اليـوم
    وغلاك عندي ماحصل فيه تغييـر


    وأنا لك الله ماأقبل البيـع والسـوم
    ولا أرضى علي ولاعليك المخاسير


    لاْني الوحيد إللي على بحرك يعـوم
    وإللي عرف مرساه في رحلة السير


    لحظه حبيبي قبل يسبقنـي النـوم
    بضم صدرك لين تصبح على خيـر




  2. #2
    عضو متميز
    نقاط التقييم  :  138
    تم شكره        8 مره

    تاريخ التسجيل
    Dec 2008  
    المشاركات
    3,370  
    وهج بنت محمد غير متواجد حالياً
    مشكوووووووووور/ الله يعااااااااااااااافيك يارب ...

  3. #3
    XموقوفX
    نقاط التقييم  :  5
    تم شكره        0 مره

    تاريخ التسجيل
    Jun 2009  
    المشاركات
    590  
    القطري غير متواجد حالياً
    ودي اجيك من التعب ثم اضمك
    وتشوف انا وشلون عايش بلياك

    قربك عطر ودي من البعد اشمك
    اخاف يبرد مابقى لي بذكراك

    ابنثرك في عروق قلبي ولمك
    واحسسك بالحب في يوم لقياك

    باقي معي اغلى هديه تهمك
    صورتك كاتب فوقها مقدر انساك

    متى يزين الوقت واكون يمك
    اقلها اعرف ظروفك ودنياك

    ياليتني في انفاس روحك ودمك
    ابقى معك واعيش الايام وياك

    ياكثر ماني بغربتي شلت همك
    انشد نجوم الليل من عقب فرقاك

    عليك اخاف اكثر من ابوك وامك
    والله ماتلقى مثل قلبي اغلاك

    ماأرتاح انا من الوله لين اضمك
    واعلمك وشلون حالي بلياك

  4. #4
    عضو متميز
    نقاط التقييم  :  5
    تم شكره        0 مره

    تاريخ التسجيل
    Mar 2009  
    المشاركات
    1,451  
    ابو ريناد2000 غير متواجد حالياً
    صحححححححح لسانك


    تسلم على القصيده الي بروعتك رائعه

    حبيبي تحياتي

    وتصبح على خير

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.