عشقت الصبح لعيون الندى لاعانق غصونه
يهيم الصبح لين أشرق وغصنك يازهر نامي
وليل يعجب الساري يبات هناك بعيونه
مثل بدرا نزل وفرة مكانه بالسما سامي
حبيبي يابحر صادق ترنم والبحر دونه
أحبك دانه الديره وحبك مصدر الهامي
عشقت الحب لاتحسب عدد ناس يحبونه
كثر ماتغيب أنا أشوفك هنا وهناك قدامي
ولاإحساسك يناديني شعور أشتاق لجنونه
أحب أطريك يا أجمل شعر في دفتر ايامي
ولذكرى يصوت لى سحاب الوقت ومزونه
يهل أعذب من الكلمه تراود مسمع الضامي
ولنسما أنا أغني سكون الليل بالحونه
وللدمام في نفسي قصيده أحلى من أحلامي
أشوفك غير ياحب يبعثرني على هونه
أحبك لاعجب لاقلت هذا الحب دمامي
أحبك والشعر له بيت واحد لايهدونه
عجز من قال يشبهني وعندك تعجز أقلامي
شعر في عالما ثاني ترى لجلك يغنونه
يميزني عن الباقي وهذه بصمت أبهامي