النتائج 1 إلى 9 من 9

حقوق المراه ....... للأهميه

  1. #1
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2005  
    المشاركات
    1,457  
    سمبوسه جبن غير متواجد حالياً

    حقوق المراه ....... للأهميه



    موضوع باللهجة الحجازية القريبة جدا جدا الى قلبي


    قال إيه ... حقوق المرأة .. قال

    ما يرفع ضغطي شي زَي كلمة حقوق المرأة .. وبالزات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناكا ونرقع بالصوت؟
    يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ري ِّ حي راسك .. ازا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.
    طيب قولوا لوحده زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخز قرارات مهمة .. وأترك لكم جوابها .. إيش يكون
    أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كتير عربيه وأوروبيه تلاقي شحط طويل عريض جالس في الباص ..وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن التور يحس؟ ...لايمكن. لكن هل يمكن يحصل هادا في السعودية؟ أبدا .. واللي يبغى يجرب .. الطريق قدامو .... يا عمي العملية كلها دلع حريم في دلع حريم .. رايح أعطيكم بعض الأمسلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟
    قال حقوق المرأة .. قال.


    منظر عام


    رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأزنين من عملهم . طيب ليه ما توقِّف تِمسك سِرا ورا عشرين بنغالي ... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي تر د عليه وتقول: لا، معليش. المرأة زَيّ الرجال .. خليني في الطابور .. زَيِّي زيكم ؟! ... ليش ما تقول كده؟! ... والا هي تماحيك وبَس! ونفس المنظر في الجوازات .. والأحوال .. والتأمينات .. ويقدر أحد .. يقول إنه من ظهر أبوه .. يفتح فمه ؟ ... على طول يسمع العبارة الشهيرة .. ( عيب عليك .. إنت ما تستحي؟ .. هادي حرمة...إنت ما عندك أهل!)) .. ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟
    قال حقوق المرأة .. هه!


    اقتصاديا


    شوف الرا جل... السبع... الغضنفر... المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها بس ... تقدر تفتح محل خياطة رجالي محترم . ويا ريت تحط من مكياجها في البيت .. لأ. دا بَس للخروج ... وقيمة صباع روج والا علبة بودره تساوي قيمة جوال جوزها ... وكمان ازيدك من الشعر قصر .. مو بيت ... من حقوقها فستان لكل فرح... و مكياج... و كوفيرة...وجزمة ..وشنطه. وكمان خُدوا هادي .. سابع بنت عمي ... ملكة أخت جارتنا .. ولازم هديه ... واللطخ يدفع ... مو مهم الفلوس جات من فين ... المهم يدفع ... والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ...
    قال إيه! حقوق المرأة.


    نفسيا


    الزوج مطالب يكون أربعة وعشرين ساعة رومنسي ومبتسم ، ولا يبقى جلف وإبن ستين في سبعين . ويعني إيه عنده مشاكل في العمل؟! والا أقساط متأخره؟! و ا لا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .. كإنه كان في شرم الشيخ .. والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك ) طفَّشوني .. إيش رأيك نغير غرفة النوم؟ التلفون ما فيه حراره .. جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... ... ... ومع هادا كُّلو ..لازم يبقى رومانسي.
    بينما هي وبكل سهولة تصحى بسلامتها في الضُّهر...وتجد الكارسة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم .. جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة .....طيب طيب.

    وفوق هادا كله آخر السنه: طفشانه ...فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إللي ما نروح غير ،، يا مصر .. يا سوريا .. والسنة اللي غيَّرنا فيها .. رحنا ماليزيا.
    وفي رمضان: تعبت ..أوف ...إنت داري عن حاجه؟ أنا أبغى خدامة... أنا خل اااااااا ص .. ومن تالت يوم رمضان ...مقاضي العيد من جده ...أختي جابت ملابس لها ولعيالها .. إيش أقولك بس ... وخد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟
    قال إيه؟ .. حقوق المرأة.

    إجتماعيا

    الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل ؟! ) .. وسعادتها ما تبدأ تتمكيج وتسرح شعرها إلا بعد العِشا .. وكل شويه تقول : خلَّصت .. وهي ما سوت شي لِسَّه .. والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي .. هيا عشان لا نتأخر. المسكين يجري في الدرج (عشان ما يأخرها) .. ويشغل السياره .. ويستَنِّي بسلامتها مو أقل من ربع ساعة حتى تشَرِّف .. وطبعا ممنوع يقول لها: (إيش أخَّرِك؟) والا يا ويلو .. وبعد ما يوصلها .. يستحيل يغتنم الفرصه ويروح هو َّ كمان لأصحابو إلين هي تخلص سهرتها .. (وَه! كيف تروح؟! ومين يقعد مع البزوره؟) .. والماكياج اللي حطتو للستات يتمسح نصو من الطريق .. والباقي بعد ما توصل البيت .. يعني الرجَّال ما يلحق يشوف مِنُّو شي.
    وإذا بعد شهر أو شهر ونص جات لو عزيمه في زواج .. أو فكر يخرج ليله مع أصحابو .. وبلغها من بدري عشان ما ترتبط بموعد مع صاحباتها في نفس الليله وتخرب عليه .. (هو إنت ما تعرف ت ِ ق ِر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره)


    لكن مع دا كُلُّو .. برضهم الستات أحيانا نحس إنهم غلبانين ............... يمكن عشان قلبنا طيب!


    منقوووول

  2. #2
    §§][][رادار السوق][][§§
    نقاط التقييم  :  5
    تم شكره        0 مره

    تاريخ التسجيل
    Jan 2005  
    المشاركات
    2,246  
    ذهب غير متواجد حالياً
    انتِ ماطلعتي الا يوم قرب رمضان؟

    الله يخليك في نهار رمضان لا تدخلين المنتدى الا بعد الفطور


    وشكرا على الموضوع الجميل

    ذهب

  3. #3
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2006  
    المشاركات
    4,004  
    الوفي@ غير متواجد حالياً
    ههههههههههههههههههههههههههههههههه
    ههههههههههههههههههههههههههههههههه

    نعم كله كلامك حقائق

    والي عنده مره توفر علي زوجها يحمد الله ويصلي 20 ركعه شكرلله

  4. #4
    XموقوفX
    نقاط التقييم  :  5
    تم شكره        0 مره

    تاريخ التسجيل
    Nov 2005  
    المشاركات
    3,843  
    الفهدبند غير متواجد حالياً
    أصلا ً الحريم الوقت دا ماتقدر تقولهم عينك في راسك لأنهم ستات الدمقراطيه !!!!!
    وإذا زعلت منك وقالتلك أطلع برا ياواد خليك وشوف حظزك إن كنت راجل هذا إذا ماتحمرت العيون.

    وبعدين لا تنسى أسامي البزوره هم الي يسموها ومايبغوا الاسم يشبه لبزر بنت جارة خالت عمتنا ههههههه
    والله فيه واحد من الشباب جالوا بنت سماها رواااااااااد أول مره أسمع الاسم دا .......علقت عليه أنا رواااااااان...... زعل مني وقلي أشب أهلك انت رواد يعني رواد أهم شي أم روااااااد ماتزعل
    قلت خلاص ماعليش يا أم روااااد قصدي أبو رواااااد ههههههه .......... أشوفك ماشاء الله تدافع عن الست بالكريك خخخخخ

    حتى أنا أكلمكم بالحجازي يزين الحجاز وأهل الحجاز اموت فيهم علشاني منهم هههههههه
    بالتوفيق ومشكور على النقل ياسمبوسه قبن .......وهذي المواظيع أعتقد من مواظيع الساحات .

  5. #5
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2005  
    المشاركات
    1,457  
    سمبوسه جبن غير متواجد حالياً
    اقتباس المشاركة الأصلية كتبت بواسطة ذهب
    انتِ ماطلعتي الا يوم قرب رمضان؟

    الله يخليك في نهار رمضان لا تدخلين المنتدى الا بعد الفطور


    وشكرا على الموضوع الجميل

    ذهب

    ذهب أخوك شنب

    بس اقدر السمبوسه جبن عشان كدا

    حطيت المعرف هادا


    شاكر لك مرورك استاذي الفاضل

  6. #6
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2005  
    المشاركات
    1,457  
    سمبوسه جبن غير متواجد حالياً
    الوفي

    الفهدبند

    اثلج صدري مروركم وتعليقكم الراقي

    لقد ارسلها لي صديق على الايميل

    فأحببت ان اشارك اخواني في هذا المنتدى الابتسامه

    وجده غيرررررر

  7. #7
    عضو متميز
    نقاط التقييم  :  9
    تم شكره        0 مره

    تاريخ التسجيل
    Nov 2005  
    المشاركات
    1,598  
    كل فطير وطير غير متواجد حالياً
    بمناسبة قرب شهر رمضان سيكون الاستعداد لدينا جيدا وذلك لعمل الفطائر الجبن والمفرومه والسمبوسه بالجبن والعسل خخخخخخخخخخخخخخ وحياكم الله جميعا .......

  8. #8
    XموقوفX
    نقاط التقييم  :  5
    تم شكره        0 مره

    تاريخ التسجيل
    Nov 2005  
    المشاركات
    3,843  
    الفهدبند غير متواجد حالياً
    لاتنسانا ياسمبوسه قصدي يافطيره هههههههه

  9. #9
    §§][][ صحفي المنتدى][][§§
    نقاط التقييم  :  5
    تم شكره        0 مره

    تاريخ التسجيل
    Nov 2005  
    المشاركات
    4,623  
    ngd غير متواجد حالياً
    تسسسسسسسسسسسسسسسسسسسسسلم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.