النتائج 1 إلى 2 من 2

في يوم من الأيام ؟؟؟؟؟؟؟؟؟؟؟؟؟؟؟؟؟؟؟

  1. #1
    XموقوفX
    نقاط التقييم  :  653
    تم شكره        198 مره

    تاريخ التسجيل
    Apr 2009  
    المشاركات
    10,308  
    Bejad M غير متواجد حالياً

    في يوم من الأيام ؟؟؟؟؟؟؟؟؟؟؟؟؟؟؟؟؟؟؟

    في يوم من الأيام كنت مسيّر على الوالد في الديرة علشان أسلم عليه مادريت إلا و هو يطالعني و يقول لي ( يا ولدي ... حلاة الثوب رقعته منه وفيه ) و ( لازم يصير دهننا في مكبتنا ) و من هالكلام ... أنا شكيت إن الوالد يبيني اشتري ثوب جديد غير هالثوب الوصخ اللي صار علامة مسجلة لي خاصة إن بقع زيت الشاورما باينة و هذا أكيد اللي خلاه يقول دهننا و مكبتنا شكل الوالد يلمّح لي علشان أرسل ثوبي لأقرب برميل زبالة ... لكن هيهات و هيهات ( و من أين لي بثوب جديد ) و إذا تبون الصراحة تراي ما شريت ملابس من عقب ملابس خان لأن الميزانية ما تسمح

    بعد ماشافني الوالد شارد شوي ... قال لي ( ركز معي و أنا أبوك ) يقولون و أنا أبوك ( الخال و لو كان خال ) و ( الجار و لو جار ) ... أنا انلحس مخي ... ما أدري وش يقصد أبوي بس اللي كنت متأكد منه إنه كان متابع لمسلسل خليجي أثر على كلامه

    أخيراً بعد اللف و الدوران من الوالد اكتشفت إن الوالد يبيني أتزوج بنت خالي ( خنساء ) ... معه حق الوالد لازم أتزوج إنا قربت من الأربعين و أنا معنّس لكن ( قال انفخ ياشريم .. قال ما من برطم )

    رديت على الوالد إني لازم أفكر في الموضوع و إن موضوع الزواج يبي تفكير و عدم إستعجال ... صحيح إن خنساء كانو و لا يزالون يعيرونها ( خنفساء ) لوجود بعض الصفات المشتركة بينها و بين الخنفساء و صحيح إنها مسيكينة و عقلها على قدها لدرجة إنها وصلت عمر خمسة و عشرين سنة و إلا هالحين و أهلها يلبسّونها العباة لأنها ما تعرف تلبّس روحها و صحيح إن ما فيها ملامح جمال لا في طول و لا في عرض و لا في وجه ... لكنها تظل أنثى لذلك سبب طلبي التفكير مهوب بسبب خنساء ... لأن هاليومين اللي مثلي ما يصدق يلقى عروسة ترضى به و لو كانت خنفساء سبب طلبي التفكير هو وضعي المادي ... ما قدرت أصرف على روحي وش لون أبصرف على بنت الأجاويد

    ربعي كلهم مثل وضعي ... يعني عندي و عندهم خير ما عدا نويصر تلقاه فالها في أمريكا التسلب عموماً ... التسلب عند طاريه كنا جالسين في الاستراحة أنا و ربعي ما درينا إلا نويصير داخلن علينا و هو لابسن بدلة و محلّق راسه كابوريا و معه غليون يتتن منه و لابس نظارة شمسية أكبر من وجهة و حنا في نص الليل يوم دخل علينا قال : هاي قيز اللي يسمعه يقول داخلن على جمعة شواذ ما يعرف ان فيه فرق بين ( قيز ) و ( قايز )

  2. #2
    XموقوفX
    نقاط التقييم  :  5
    تم شكره        0 مره

    تاريخ التسجيل
    Mar 2007  
    المشاركات
    16,762  
    جابركسر غير متواجد حالياً
    الله يعدل الحااااااااااال وأناأخوك يابجاد وعلى قولتك التسلب مثله تسلاب واجد يبي من يحسحس شعورهم ألين يغدون( منتازين) هههههههههههههههه

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.