النتائج 1 إلى 10 من 10

قروي طاح بالحب << ياويل تسبدي

  1. #1
    XموقوفX
    نقاط التقييم  :  653
    تم شكره        198 مره

    تاريخ التسجيل
    Apr 2009  
    المشاركات
    10,308  
    Bejad M غير متواجد حالياً

    قروي طاح بالحب << ياويل تسبدي

    اول شي مسيكم الله بالخير جميع

    <<< داخل مطمن راسه من الحيا ياقليب اميمتك انت

    تعرفون اول مره ادخل حارتكم ولازم اصير اتيكيت ولا اخاف يصير عندكم واحد مثل الي بحارتنا كنا نسميه ابو بكس من كبره كان كلما لمحني طالعن من بيتنا يلمخني واذا انحشت منه لحقني بزبيريته الي كنها خشبه <<< محليه وهي في رجله جعلها الدوالي

    وتحلفون لو بتشوفون وجهه صاير كنه زوليه مقهى محفر من كل صوح << الله يرحمتس ياجده

    المهم احس اني بديت احذف يسار عن الموضوع << اركد لا اجلدك

    ياجماعه الخير انا سالفتي سالفه ومن زمان وانا اعاني منها الين الحين

    << ماودك تخلص
    >>> انثبر لا اتشقلب عليك

    باختصار انا طحت على خشيشتي المصونه وحبيت وحده تقرب لي << ترا هالحتسي منذ مبطي
    وعجزت القا طريقه اقول لها اني احبها ,, والي زايدن الطين بله انها تسانت اكبر مني بحول السنه وعربجيه <<< شكله متلخبط وحاب ولد عمه

    عاد انا الله واكبر من زين الخشه الوجه والقفا واحد والخشم صاير كنه صرار لبان ولا الوجه من كبره مكتوب على الطرف ... يتبع ...
    مالكم بالطويله المهم قلت يابو بربس مالك الا انك تلفت انتباه هالبنيه وتخليها تسلفط على خشتها وتموت في دباديبك ,, بس وشلون ؟؟ ابلش ياروميو جلاجل

    وتجي الصيفيه ,, ومن هنا تبدا الجريات ,,

    طبعا مثل كل صيفيه تتوجه كل الاسره كلها الى ربوع الولايات المتحده السديراويه << بشر امك
    انا والله ماصبرني على هالبلوه الا اني بشوف حبيبه القلب هناك << يالبا كلش ياناس وه وه بس
    وفيه هناك بيت جدتي الله يطول بعمرها << هذي الثانيه مو الي قلت لها الله يرحمتس فوق << فطين الولد
    مشاء الله البيت كبير وضاف كلن وعياله ومنها عائلتي الكريمه وعائله المحروسه ,, جت علي ايام من التميلح والترزز وعندي شورت رمادي غثيت مندوبهم فيه والله ياكل من شافه يحسبني ماخد واحد من بيزه المطبخ ولابسه شكلي طالع كنه فتى العشه خوي الهليل ,,, طبعا كل ذا ومافيه فايده اشوف كل ماشافتني البنت حطت يدها على فمها وقامت تركض تصدقون خفت قلت لاتصير هذي حملت من نظراتي بس <<< كل تبن اقول الله من زين المخ

    السالفه ان جت مره من المرات في ليله مابها ضو قمر الا اشوف ذا الغنم يتراكضون في البيت << ترا الغنم ذولي مبزرتنا مو غنم صدقيه والله يحلل الغنم

    وادور صخيف الذرعان بينهم ولا اشوفها ياربيه بس وينها فيه شعره قلبي وانادي واحد من ذا الدلوخ واقول ليه وين فلانه ؟؟ قال فلانه نايمه وتراها مصخنه ماتقدر تنزل عندنا

    انا في هذي اللحظه >>>

    وتجيني حاله هواجيس وتفاكير الين جاني شد عضلي في جبهتي قالت مالها الا اني اروح اتطمن عليها واشوف وش اخبارها ,, واخلي البيت كلهم لين خمدوا <<< الله واكبر في ذاك من عقب الاخير كلهم منخمدين
    واروح على اطراف اصابعي وادخل الغرفه الي هي نايمتن فيها واجي عندها والقاها الضعيفه نايمه وسعبولتها تقطر << مسيكينه من الصخونه وانا الي امسح سعبولتها واملطها بشعرها << متعود على نفسه القروي يرز القذله بسعبوله

    فتحت عليها وتسني بها بغت تصرخ وانا الي اسد اثمها بيدي الين غدا لونها ازرق يوم شلت يدي خذت نفس بسرعه
    وقالت الله ياخذ ذا الخشه بغيت تذبحني وش تبي انت الحين انت ووجهك الي كنه باب براد
    قلت ابد سمعت انتس تعبانه وعليتس حراره قلت ابجي اشوف وشلونتس << حنان الام
    قالت ضف وجهك بس وانا بالف خير
    قلت ماودتس اشوف لتس شي تاكلينه <<< كاسره خاطره ماتعشت بعد عمري
    البنيه تسنها من اول ودها تاكل ومتعيجزه قالت مايخالف ,, قلت لها وش تبين تاكلين قالت اي شي يسد الجوع وجب لي معه عصير
    قلت ابشري ,, واطمر من مكاني طمره تسني واحد جالس على جمر ,, بس الفرق اني ماشميت عقبها ريحة حسحاس
    واروح وافتح الثلاجه ولا القا الا جبن ابو بقره والط لها بذيك الخبيزه من غير عقل وازين لها شاهي واصبه في كاس جبن هذا طوله ,, واطمر لها بالحجرة مره ثانيه ناظرتني قالت الحين حرارتي مرتفعه واصبب عرق وجايب لي شاهي يالكمخه <<< على باله تقدر الشاهي في الظهريات مثله
    (( ياويل تسبدي على شاهي في كاس جبن وتدور في القوايل وانت مشغل ابو حمد )) << اتحداكم بالجو

    طبعا صار الي صار وانكرشت وطلعت اجر اذيال الهزيمه << اجل اذيال انا من اول اشك انك قرد

    ويجي لها كم يوم وتطيب البنت وترجع لحلتها الطبيعيه

    راح يومين وبعدها طلعنا للحوش الي ورا حوش الغنم << حوش كبير يعطيك من جد
    قاعد انا والتماسيح نلعب كوره شوي الا القمر ومعه كم وحده داخلين علينا في الحوش يتفرجون كان معهم وحده مانيب اواديها كنت اسميها قرقور<< الازرق ابو عيون الي في افتح ياسمسم وانا الي يطقني الحماس واتزحلق على عبيد ابو خشم مايل الاني مخليه يعض ماصوره الارتواز واقطع الكوره منه واصك محيميد ابو نشقه كبري تحبه قلوبكم واتحمس واشوت الكوره بوز ومن زين الرجل بدال ماتروح في الباب راحت الكوره في وجه قرقور
    وهي الي قامت تزبد وتلحقني في الحوش << والله ياهي كانت جثه تقل باب بايكه مو ادميه وان اصيح باعلى حسي والله ماكنت ابيها تجي فيتس انتي الي واقفه في وجه الكوره << مايعرف يصرف
    بعد ماتعبت شوي بحكم ان عندي لياقه قالت اسمع ياكراع البربري الحين تضف تماسيحك هناك الجهه الثانيه وانا والبنات بنباريكم واوريك شغلك
    هع هع هع قلت في بالي اجل شعره قلبي بتطب معهم غدي ناخذ لنا بصه على الكراعين << تفكير جهنمي

    وتبدا المباراه (( مالكم في الطويله بعطيكم ملخص الاشواط بس ))
    * كوره صاروخيه من قدم برابيس تستقر في المرمى البناتي << بعدها رقصه بيبيتو
    * انفراده من قرقور تردي الحارس قتيلا << رحمت الله عليه مسلفه ريال ولا رده
    *هجمه من شعره قلبي وجابت قول << قام يصفق العيال عشان يوخرون عن طريقها
    *عبيد ابو خشم مايل يتسبب في بلنتي ,, تشوته قرقور وانا ماسك حارس ويضرب في (( هذه الكلمه محجوبه ))
    *هجمه خطيره مع الجناح عن طريق برابيس بعد تمريره عرضيه من ابو سعبوله واشوتها وتجي في وجه حبيبه القلب << تحققت امنيه الكراعين بس مو كذا عاد
    صارت البنت تسنها صارور منقلب على ظهره معد تحركت << مهوب منها والله من ذا الرجل الي تقل صبه من صبات كبري الخليج
    واجي اناظر فيها احسبها ماتت الا اشوا باقي فيها نفس واجي ابي اسوي لها تنفس صناعي وتمسكني قرقور مع علباي وتشوتني ماتنبهت الا انا بقفا نعيمي
    وتخرب الخطه ولا قدرت اسرق قلبها بالعكس الا كرهتني زود وكل ماشافتني صارت تقول ليت امك باركه عليه يوم جابتك
    انا جتني صدمه عاطفيه ونفسيتي صارت تعورني ولا عاد ادري وش اسوي
    ارسلنا مراسيل مع ذا المبزره صاروا يجون يقولون لي تقول لك على تبن بس يامقفا الغضاره << تحطم
    حاولت اصيدها بس كانت عارفه لي ماتروح مكان الا معها قرقور << جعلها تطيح في القليب وتحمض محد درا عنها
    طلعت من البيت ضايق صدري مادري وين اروح
    في ذاك فيه دكان راعيه شايب اسمه ابو سليمان رحت لمه الدكان وقمت احوس وهذا بكم وهذا بكم وان قال شي قلت له ليه يابو سليمان بالرياض ارخص <<< مايعرف يكذب ابد
    اخرها وصلت مع الشايب وعطاني علك ابو بلونه وقال لي رح سلم على اميمتك وقل لها يقول لتس ابو سليمان امسكي المرسول <<< عجزت افهمها الين الحين
    اخذت العلم ورجعت للبيت ادربي راسي الي كنه قرعه منشلخه
    وانا داخل البيت لقيت البنت جالسه في الحوش ومعها قرقور ضاق صدري وقلت ياولد يكفيك التصفيق الي جاك ظهرك ووجهك صاروا كنهم دعسه زنوبه من كثر الخربشه
    واطلع العلك من جيبي ابي اكل حبه مادريت الا حبيبه القلب واقفه جنبي وتقول بربوس << صارت تدلعه
    وشو ذا الي معك قلت لها ماتشوفين يعني علك << صار ينفخ بعد
    قالت عطني وحده ياقلبي << هو سمع ياقلبي ولا لا
    عطيتها الي معي كله حتى الي اكلتها طلعتها من اثمي وقلت دوتس ذي بعد تسانتس تبينها
    ضحكت معي وقالت لاتزعل علي انا من اول ودي اسولف معك بس قرقور معييع تقول اسفهيه << النصابه كل ذا عشان العلك

    ومن ذاك اليوم وهي تجلس معي وتسولف وانا متشقق ماادري وين اوديها فيه ودي احطها في بوكي <<< فاهم الغيره غلط ابو الشباب ,, وصرت انا وياها سمن على عسل ومن احسن مايكون
    وقرقور حطيت لها سم فيران في رطبه وزرطتها بس بنت اللذين ماماتت جاها تسمم بس << اهم شي فكتنا من شرها فتره

    مايستفاد من الموضوع
    1- الي اول عمره ملطشه يصير طول عمره ملطشه
    2- لاتعطي القراوى وجه
    3- ايه
    4- اذا بغيت وحده قرويه تحبك عطها علك ابو نفيخه
    5- الي عنده مثل قرقور يثور فيها احسن لايفكر بسم الفيران


    اسف طولت عليكم
    بس انشاء الله اكون وسعت صدوركم ولو شوي

  2. #2
    عضو متميز
    نقاط التقييم  :  5
    تم شكره        0 مره

    تاريخ التسجيل
    May 2007  
    المشاركات
    6,259  
    nayef 1 غير متواجد حالياً
    ههههههههههههههههههه

    الله يرج ابليسك يا بجاد والله انك ضحكتني

    الله يعطيك العافيه

  3. #3
    كاتب مميز
    نقاط التقييم  :  233
    تم شكره        93 مره

    تاريخ التسجيل
    Feb 2009  
    المشاركات
    9,387  
    أبو لمآأإر غير متواجد حالياً
    هههههههههههههههههههههه
    هههههههههههههههههههههه
    هههههههههههههههههههههه



    بصراحــ’،ــة قصة جووونان الله يرجـّ بليسك

  4. #4
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2007  
    المشاركات
    4,550  
    لقاء غير متواجد حالياً
    ههههههه

    وربى ما قريت الا ما يستفااد من الموضووع بصراحه الموضوع مره طوويل هههه

    حتى ما يستفااد من الموضوووع ما فهمته >>>>>> وحده كسلاانه...!!




    [
    آنآ لم آتغير !






    كل مافي آلآمر اني ترفعت عن (آلكثير)!

  5. #5
    عضو متميز
    نقاط التقييم  :  486
    تم شكره        70 مره

    تاريخ التسجيل
    Sep 2008  
    المشاركات
    6,823  
    غريب المكان غير متواجد حالياً
    الهدية الهديه تجيب البنية والإصرار على الهدف يجيب الفرح تحياتي يا بجاد

  6. #6
    كاتبة متميزة
    نقاط التقييم  :  59
    تم شكره        9 مره

    تاريخ التسجيل
    Jul 2009  
    المشاركات
    15,682  
    أمل ومشتاقه غير متواجد حالياً
    يسلمووووووووووووووووووووووووووووووووووووووو

  7. #7
    عضو فعال
    نقاط التقييم  :  5
    تم شكره        0 مره

    تاريخ التسجيل
    Jan 2009  
    المشاركات
    259  
    الجسوور غير متواجد حالياً
    الله يوسع صدرك ويرزقك

  8. #8
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2007  
    المشاركات
    633  
    الدبلوماسي2 غير متواجد حالياً
    بجااااااااد , شكلك تحي قصة حياتك.
    ههههههههههههههه.
    اسعدالله ايامك يالخير

  9. #9
    عضو متميز
    نقاط التقييم  :  12
    تم شكره        0 مره

    تاريخ التسجيل
    Apr 2008  
    المشاركات
    805  
    دبل فيبس غير متواجد حالياً
    والله ياابجاد انك تهاويل ضحكتني ونا مبوزهههههههههههههههه على فكره ايش الفرق
    بين القراوي ونقال العموداشرح بارك الله فيك ياخويي ههههههههههه

  10. #10
    كاتب مميز
    نقاط التقييم  :  233
    تم شكره        93 مره

    تاريخ التسجيل
    Feb 2009  
    المشاركات
    9,387  
    أبو لمآأإر غير متواجد حالياً
    اقتباس المشاركة الأصلية كتبت بواسطة دبل فيبس مشاهدة المشاركة
    والله ياابجاد انك تهاويل ضحكتني ونا مبوزهههههههههههههههه على فكره ايش الفرق
    بين القراوي ونقال العمود اشرح بارك الله فيك ياخويي ههههههههههه



    الله يرجك والله اني كنت بموت من الضحك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.