النتائج 1 إلى 5 من 5

قصة الولد الطفران‎

  1. #1
    عضو متميز
    نقاط التقييم  :  5
    تم شكره        0 مره

    تاريخ التسجيل
    Jul 2006  
    المشاركات
    2,735  
    احمد الله غير متواجد حالياً

    Talking قصة الولد الطفران‎

    فيه ولد طفران (ماعنده ولا ريال) راح لابوه وقاله : عطني 15 ريال,, ودي اشتري كوره


    الاب : أقول إنقلع عني تراها واصله معي

    الولد : تكفا يبه,, بس 15 ريال والا اقولك خلها عشرة ريال

    الاب : ماعندي فلوس ... إذا تبي فلوس رح بع الديك حقك المريض

    اللي بالحوش ..

    الولد :بس هذا مريض ومحد بيشتريه

    الاب : ماعلي منك,,,دبر نفسك

    والله الولد استسلم للأمر الواقع واخذ الديك

    أول واحد قابله في وجهه اكيد أبوه....قاله الولد: تشتري الديك؟

    الاب : اقول بتنقلع عني ولا أقوم اتوطا في بطنك؟

    الولد :خلاص خلاص لاتنفخ....... طلع الولد من البيت ومعه الديك في محاوله

    يائسه إن الديك ينباع عرض الديك على أهل الحاره كلهم ولا واحد فيهم

    قبل إنه يشتري الديك قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله فلانه هذي كانت وحده متزوجه

    بس للاسف كانت رايحه فيهاوتلعب بذيلها من ورا زوجها


    راح لها الولد عشان يبيع عليها الديك

    الولد :تشترين الديك تكفين؟


    هلا والله بحبيبي .. تعال قرب مني عشان ابوسك بوسه خفيفه

    الولد :اقول مانيب فاضي لك .. خذي مني الديك وخليني اروح


    تروح مين ياعمري!! انا ماصدقت إني شفت رجال عندي في البيت ...


    الولد :ومنهو اللي قالك إن انا رجال؟ خذي مني الديك وخلينا أنقلع ........شوي الا الباب يدق خافت الحرمه وقالت للولد تعال إندعس هنا في

    الدولاب لايطلع زوجي ثم نروح فيها.

    حطت الولد في الدولاب وراحت فتحت الباب إلا وطلعلها صديقها اللي تخون زوجها معاه ..

    الحرمه:هلا والله بعمري وحياتي

    الرجال: يا هلا فيك عمري ما أمدا الرجال يكمل كلمته إلا والباب يطق


    الحرمه: ياويلي ويلاه,,هذا شكله زوجي,,,تعال وادخل في الدولاب


    دخل خوينا في الدولاب وفجاه في عز الظلام سمع صوت يكلمه داخل الدولاب ويقوله: تشتري الديك؟

    الرجال: اصصصصصصصص,,,,رخ صوتك الله يرحم والديك لاتفضحنا

    الولد :أقول تشتري الديك؟

    الرجال: ياخوي خلاص بشتري الديك بس قصر على حسك تكفا,,,

    الولد :طيب

    الرجال: بس بكم تبيعه؟

    الولد :ب100 ريال

    الرجال: ايش!!!!!!!!!!!! هالديك المنتوف المريض ب 100ريال!!!!!!!!!!!!

    الولد :تبي تشتري ولا ارفع صوتي؟

    الرجال: لا لا خلاص,,ابشتري وأمري لله جلسوا 5دقايق

    الولد :تبيع الديك؟

    الرجال: توك بايعه على يابن الحلال!!


    الولد :تبيعه علي ولا ارفع صوتي؟

    الرجال: لا لا خلاص,,اببيعه وأمري لله,,بكم تشتريه؟


    الولد :بريال

    الرجال: أيش!! بريال!!!! انا مشتريه منك ب 100 ونت تشتريه مني


    بريال!!!!!


    الولد :تبيعه علي ولا ارفع صوتي؟


    الرجال: لا لا خلاص,,اببيعه وأمري لله جلسو 5 دقيق

    الولد: تشتري الديك؟


    الرجال: ياخوي توني مشتريه منك!


    الولد :تبي تشتري ولا ارفع صوتي؟


    الرجال: لا لا خلاص,,ابشتري وأمري لله,,,بكم تبيعه؟

    الولد :ب200 ريال

    الرجال: الله يمحط بك انشالله,,,,توني مشتريه منك ب 100 ريال!

    الولد :تبي تشتري ولا ارفع صوتي؟

    الرجال: لا لا خلاص,,ابشتري وأمري لله جلسو 5 دقايق


    الولد :تبيع الديك؟ -الرجال: انا لله وإإنا إليه راجعون,,,,,بكم تبي تشتريه؟

    الولد :بريال

    الرجال: وش تبيني أقول!! تبيني أبكي ولا أشقق هدومي,,,,يالله خذ الديك وببلاش بعد.... اخذ الولد الديك

    شوي إلا الحرمه فاتحه عليهم الدولاب وقالتلهم: يالله بسرعه انحاشو ا دام إن زوجي في الحمام,,بس واحد ورا الثاني وبشويش عشان

    لايحس فيكم زوجي

    طلع الرجال وانحاش ولحقه الولد بعده ب5 دقايق المهم,,,قام الولد يتمشى في الشارع وهو مستانس إن صار معاه فلوس .. بعدين راح

    للبيت يوم دخل البيت شاف ابوه قدامه .. راح قال لابوه: تشتري الديك؟


    الأب ناظر فيه والشرار طالع من عيونه وقاله: مايكفيك يابن (الكلب )


    الــ 300
    ريال اللي لطشتها مني في الدولاب؟؟؟

  2. #2
    §§][][ عضو مميز جدا][][§§
    نقاط التقييم  :  1089
    تم شكره        326 مره

    تاريخ التسجيل
    Jul 2004  
    المشاركات
    13,485  
    abdulaziz1 غير متواجد حالياً
    ههههههههههههه

    روعه

    سلمت

  3. #3
    عضو متميز
    نقاط التقييم  :  5
    تم شكره        0 مره

    تاريخ التسجيل
    Jul 2006  
    المشاركات
    2,735  
    احمد الله غير متواجد حالياً
    خلي واحد يدخل ويتشقق من الضحك
    مايرد
    راح ارفع صوتي هههههههههههههه

  4. #4
    عضو متميز
    نقاط التقييم  :  6
    تم شكره 3 مرة

    تاريخ التسجيل
    Feb 2007  
    المشاركات
    7,517  
    هاوي ملايين غير متواجد حالياً
    هههههههههههههههههههههههه

    الله يهديك الموضفين كلهم يطالعوني يقولون انهبل

  5. #5
    عضو متميز
    نقاط التقييم  :  5
    تم شكره        0 مره

    تاريخ التسجيل
    Jul 2006  
    المشاركات
    2,735  
    احمد الله غير متواجد حالياً
    اقتباس المشاركة الأصلية كتبت بواسطة هاوي ملايين مشاهدة المشاركة
    هههههههههههههههههههههههه

    الله يهديك الموضفين كلهم يطالعوني يقولون انهبل
    ههههههههههههههههههه
    عساها دوم مويوم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.