النتائج 1 إلى 3 من 3
  1. #1
    عضو متميز
    نقاط التقييم  :  335
    تم شكره        203 مره

    تاريخ التسجيل
    Aug 2015  
    المشاركات
    676  
    Mutairi غير متواجد حالياً

    Thumbs up قصة مبارك بن فايز البخيِّت آل محمد السبيعي

    خلقت في الدنيا وأنا ما معـي شـي .. وبروح منهـا ما معـي شـي منهـا ..~. ؟؟

    قصيدة للشاعر:
    مبارك بن فايز البخيِّت آل محمد السبيعي

    وقصة هذه القصيدة كان الشاعر مبارك فايز البخيِّت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سيّر عليه مسايير من جيرانه وأبناء عمومته وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه له بعضهم فقال وش بلاك يا البخيّت عسى ما شر ؟
    تراك خربت الشغلة ! .. قال : لا أنتم اللي خربتوها
    ومن الغد قالوا له : هل الهوجاسة التي بالأمس أتت لها بنتائج
    فقال : نعم . وقال هذه القصيدة المشهورة:


    سجه مـع الهاجـوس طبيعـة ٍ لـي ّ
    طبيعـةٍ بمـوت ما جـزت عنهـا

    أشكي على الخلاق وارفع لـه إيـديّ
    لاكثـرت الأفـكـار يـفـك منـهـا

    أما الكرم قد فـاز بـه حاتـم الطـيّ
    حتى الفرس من شان ضيفه طعنهـا

    خلوني أكرم في حياتـي وأنـا حـيّ
    ولا مت مـدري جثتـي مـن دفنهـا

    خلقت في الدنيا وأنـا ما معـي شـيّ
    وبروح منهـا ما معـي شـي منهـا

    مسكين ياللي تحسب الواجـد شـويّ
    والعافيـه لـو تنشـري وش ثمنهـا

    يا جاهـل الدنيـا تراهـا كمـا الفـيّ
    يا مخبل اللـي فـي حياتـه ومنهـا

    إن ناحرت لك قامت تـروح وتجـيّ
    مثل الذلـول اللـي طويـلٍ رسنهـا

    وإن أدبـرت خلتـك طايـح ومرمـيّ
    وكم واحـد ٍ لـه حاجـةٍ ماضمنهـا

    لابد ما نرحـل عـن المـزح والغـيّ
    ونسكن بيـوتٍ قبلنـا مـن سكنهـا

    النفس مثل الغصن عايش على الـريّ
    ولولاه كـل النـاس عافـت وطنهـا

    يالله عسى الحسنات تقضي على السيّ
    لا قربـوا للنفـس ذرعــة كفنـهـا



    التعديل الأخير تم بواسطة مستر كليسر ; 10-02-2015 الساعة 03:27 PM

  2. الأعضاء الذين قالوا شكراً لـ Mutairi على المشاركة المفيدة:


  3. #2
    فريق المتابعة والاشراف
    نقاط التقييم  :  8567
    تم شكره        3,435 مره

    تاريخ التسجيل
    Mar 2013  
    المشاركات
    31,213  
    الزعيمه غير متواجد حالياً
    سجه مـع الهاجـوس طبيعـة ٍ لـي ّ
    طبيعـةٍ بمـوت ما جـزت عنهـا
    أشكي على الخلاق وارفع لـه إيـديّ
    لاكثـرت الأفـكـار يـفـك منـهـا

    أما الكرم قد فـاز بـه حاتـم الطـيّ
    حتى الفرس من شان ضيفه طعنهـا

    خلوني أكرم في حياتـي وأنـا حـيّ
    ولا مت مـدري جثتـي مـن دفنهـا

    خلقت في الدنيا وأنـا ما معـي شـيّ
    وبروح منهـا ما معـي شـي منهـا


    قصيده جدا معبره

    لاهنت ابوماجد على النقل الرائع

  4. #3
    نائب المشرف العام
    نقاط التقييم  :  7661
    تم شكره        1,566 مره

    تاريخ التسجيل
    Aug 2006  
    المشاركات
    14,567  
    الـبـقـمـي غير متواجد حالياً


    من أجمل القصائد .. لاهنت أبو ماجد

    " منتدى الأسهم السعودية "

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.