النتائج 1 إلى 7 من 7

قصـــــــــة الجيب والحراثـه والسقــــــس والدركتل ووايت الدفاع المدني وابوجنزير

  1. #1
    عضو فعال
    نقاط التقييم  :  8
    تم شكره        12 مره

    تاريخ التسجيل
    May 2008  
    المشاركات
    271  
    ابو الجازي غير متواجد حالياً

    Exclamation قصـــــــــة الجيب والحراثـه والسقــــــس والدركتل ووايت الدفاع المدني وابوجنزير

    جبتك يا عبدالمعين تعين ... طلعت يا عبدالمعين تنعان

    هذا المثل ينطبق على الي دخلو يفزعون خخخخ

    كان ياما كان في قديم الزمان

    يعني يوم الخميس 29/11/1429هـ

    كان فيه واحد جاي من الخرج

    وده يتفرج على السيول في صبخة القصب

    اللي تجيك قبل القصب على اليسار وانت جاي من الرياض

    المهم الرجال وقف سيارته على جال البحيره ونزل يتمشى



    مادرى الا الماء وصل موتره

    حاول يطلع لكن ما امداه

    كفراته صارت تدور في الطين



    المهم ترك موتره يمرح يوم جا الصبح ويفزع له راعي حراثه

    حاول يسحب الجيب لكن صارت هذي النتيجه



    ومن جهة أخرى



    تلاحظون الزمزميه ؟؟

    شكلهم وسعوا الصدر عند الحراثه



    مسيكينه هالحراثه

    راحت فيها





    الحراثه تقول

    طلعوووووني وش لقفني اجي هنا



    المهم أشروا لراعي سقس على الخط وجا يبي يسحب الحراثه

    وكانت هذي النتيجه



    وهذي صورة ثانيه ولاحظ قرب خط الزفلت

    وعرفوا ان الموضوع يبي يطول والدليل ترمس المويه!!



    قالو مابدهاش لازم نجيب دركتل

    لكن شوفو وش صار







    المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه

    وقعدو يتقهوون بالبريق اللي قدامكم

    وفعلا جا الوايت علشان يسحب هاللي غاطسين

    وشوفوا وش صار





    وتركو الجيب والحراثه والسقس والدركتل

    وحاولوا يطلعون الوايت


    شكل السواق توهق وانواع الجزاءات بيطبقون عليه



    يوم انهم عجزو قالوا ما يفل الحديد الا الحديد


    جيبوا ابو جنزير


    ويجيك يتمخطر ويضحك على هاللي غاطسين




    لكن جاه ماجا ربعه


    تعلق اخونا في الله وقال هذا مكاني



    وجابوا عمال البلدية يحفرون له وحطو له خشب يبونه يطلع لكن ما فاد



    وبعد ما استفادو من الدرس اللي تكرر عليهم في الجيب والحراثه والسقس والدركتل والوايت وابوجنزير

    قررو يسحبونها من بعيد

    ربطوا عدة وايرات في بعض وطلعو ابو جنزير ويقولون ان الدركتل اللي سحبه على الزفلت

    هههههههه الصبخة ما يلعب معها

    على الزفلت وعساك تسلم



    ثم سحبو الدركتل



    والحمدلله على السلامه


    هذي صورة للموقع من بعيد



    يستفاد من الموضوع

    1- لاتهايط اذا شفت السيل

    2- حاول تستفيد من اللي توهقوا قبلك

    3- مهوب كل من اتصل بالدفاع المدني يبي يطلع

    وفي الاخير شكراً لمن قام بتصوير الموقع


    منقوووووووووووووووووووووول

  2. #2
    XموقوفX
    نقاط التقييم  :  5
    تم شكره        0 مره

    تاريخ التسجيل
    Jun 2008  
    المشاركات
    3,407  
    محب النصيحة غير متواجد حالياً
    قصة عجيبه غريبه تذكرني بسالفة الولد يصيح يبغى حليب والحليب عند البقرة والبقرة تبغى برسيم والبرسيم في المزرعة وانت ماشي
    عموماً قصة رائعه جداً يخوي يـ ابو الجازي بارك الله فيك ووفقك الله

  3. #3
    عضو فعال
    نقاط التقييم  :  34
    تم شكره        0 مره

    تاريخ التسجيل
    Nov 2005  
    المشاركات
    314  
    علي المفضلي غير متواجد حالياً
    هذي مثل قصة المواطن المسكين اللي خسر في سوق الاسهم وقام يستنجد في هيئة سوق المال والهيئه عاجزه قامت تستنجد في وزارة التجاره لعل وعسى تجد عندها حل
    الا والوزاره ورطانه بنفسها قامت تستنجد بـ....... الا وهو؟؟؟؟؟؟؟؟؟؟؟
    والباقي علمه عندكم وماحصل في اجتماع العشرون ؟؟؟؟؟

  4. #4
    عضو متميز
    نقاط التقييم  :  5
    تم شكره        5 مره

    تاريخ التسجيل
    Jul 2007  
    المشاركات
    5,835  
    الحزام الفضي غير متواجد حالياً
    الله يعافيك ياعسل على هالنقل

  5. #5
    عضو متميز
    نقاط التقييم  :  5
    تم شكره        9 مره

    تاريخ التسجيل
    Sep 2008  
    المشاركات
    1,191  
    القنوعة غير متواجد حالياً
    موضوع رائع،واللي زادها متعة التعليق على الصور،واللي ضحكني اكثر تعليق أخي محب النصيحة فالأنشودة من الذكريات القديمة

    شكرا أخي ابو الجازي على النقل الرائع

  6. #6
    عضو متميز
    نقاط التقييم  :  199
    تم شكره        38 مره

    تاريخ التسجيل
    Jul 2007  
    المشاركات
    3,335  
    هام السحاب غير متواجد حالياً
    هههههه ههههه ههههههه
    فعلا قصه مضحكه جدا وطبعا شفتوا حلها كان بسيط جدا
    لوكان معهم حكيم وصاحب خبره في مثل هذه المواقف
    (فقط واير طويل والجر من بعيد ) حكمه
    شكرا جزيلا اخي ابو الجازي علي النقل المفيد
    عن مثل هذه التجارب
    تحياتي 0

  7. #7
    عضو متميز
    نقاط التقييم  :  5
    تم شكره        0 مره

    تاريخ التسجيل
    Jan 2006  
    المشاركات
    2,414  
    الروشن غير متواجد حالياً
    مشكوووووووووووووووووووووووووور

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.