النتائج 1 إلى 2 من 2

قصيدة بمناسبة عودة ولي العهد

  1. #1
    عضو فعال
    نقاط التقييم  :  5
    تم شكره        0 مره

    تاريخ التسجيل
    Jun 2009  
    المشاركات
    66  
    عاشق البراري غير متواجد حالياً

    قصيدة بمناسبة عودة ولي العهد



    قصيدة بمناسبة عودة ولي العهد صاحب السمو الملكي الأمير سلطان بن عبدالعزيز
    الى أرض الوطن سالما ً معافى أطال الله في عمره وأدام الله لنا القيادة الحكيمة:



    يالله يارحمن ياجـزل الاحسـان
    يارافع ٍ سبع ٍ وسبـع ٍ مهدهـا

    الحمد لك ياعالـم ٍ كـل ماكـان
    ياخالق ٍ خلقك ومحصي عددهـا

    على سلامة سيد الجود سلطـان
    نرفع لك كفوف الضراعه ويدهـا

    لاباس ياشيخ الكـرم ياكحيـلان
    أزمه وعدى عن سموك جهدهـا

    ياسيدي سلطان ياطيـر حـوران
    ياسيد الأبيـات واللـي قصدهـا

    متباشريـن بعودتـك يابليهـان
    الشعب كلـه فرحتـه مابعدهـا

    لنك كسبت قلوبنا كـل الاحيـان
    حييت ياسيد القلـوب وسعدهـا

    الكل ياشوق الغناديـر فرحـان
    الله يمدد فـي سنينـك وامدهـا

    لايابعد حيي وميتـي والاعيـان
    تفداك نفسي لو تصيـر بلحدهـا

    بحر العطا يمناك ياذرب الايمـان
    يامزنـة ٍ غـرا تهامـل بردهـا

    يابو اليتيم وملتجا كـل بلشـان
    يافزعة اللي حاجتـه ماوجدهـا

    ياسيدي ياللي لك الطيب عنـوان
    في غيبتك روحي تزايـد لهدهـا

    مافاد به سمرة سوالف وخـلان
    وهموم بالي زاد بعـدك عددهـا

    هم ٍ غدى في غيبتك ماله اوزان
    واللي خفى ياميـر أمـر وادهـا

    والحمد لله إنجلت كـل الاحـزان
    في رجعتك نفسي تلاشى نكدهـا

    أبطلب اللي فارض خمس الاركان
    يحميك من شر النفوس وحسدها

    ويرفع لنا سوق مهدد بخــــسران
    ونخيب امال العداه وجهدهـــــــــا

    وختامها صلو عدد وبل الامـزان
    علـى نبـي ٍِ سنتـه مابعدهـا

  2. #2
    عضو متميز
    نقاط التقييم  :  5
    تم شكره        0 مره

    تاريخ التسجيل
    Jun 2009  
    المشاركات
    3,118  
    الجرح ارحم غير متواجد حالياً
    صح لساااااااااااانك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.