*قصيدة هزت قلوب كل من قرأها........... ممكن من فضلك تقرا القصيدة حزينه حزينه حزينه

--------------------------------------------------------------------------------

*قصيدة هزت قلوب كل من قرأها وعلى سيرت كل للسان أبيكم تقرونها من طقطق لسلام عليكم *
دار النسيان
**************************
وين أنت يا حمدان أمك تناديـك

وراك مـا تسمـع شكايـا وندايـا

يا مسندي قلبي على الدوم يطريـك

ما غبت عن عيني وطيفك سمايـا

هذي ثلاث سنين والعيـن تبكيـك

ما شفت زولك زايـر يـا ضنايـا

تذكر حياتي يـوم أشيلك وأداريك

وألاعبك دايـم وتمشـي ورايـا

ترقد على صوتي وحضني يدفيـك

ما غيرك احدٍ ساكن فـي حشايـا

واليا مرضت اسهر بقربك وأداريك

ما أذوق طعم النوم صبـح ومسايـا

ياما عطيتك من حنانـي وبعطيـك

تكبـر وتكبـر بالأمـل يـا منايـا

لكن خسارة بعتني اليـوم وشفيـك

وأخلصت للزوجة وأنا لي شقايـا

أنا ادري أنها قاسيـه مـا تخليـك

قالت عجـوزك مـا أبيها معايـا

خليتني وسط المصحة وأنا ارجيك

هذا جزا المعروف وهـذا جزايـا

يـا ليتنـي خدامـة بيـن أياديك

من شان أشوفك كل يوم برضايـا

مشكور يا ولدي وتشكر مساعيـك

وادعـي لـك الله دايـم بالهدايـا

حمدان يا حمـدان أمك توصيـك

أخاف من تلحق تشـوف الوصايـا

أوصيت دكتور المصحة بيعطيـك

رسالتـي واحروفهـا مـن بكايـا

وان مت لا تبخل علـي بدعاويـك

واطلب لي الغفران وهـذا رجايـا

وأمطر تراب القبر بدموع عينيـك

ما عـاد ينفعـك النـدم والنعايـا
****************************


هذي قصيدة نقلتها لكم من منتدى أثرت فيني كثيـــــــر .. وإذا قلت لكم ما بكيت فأنا اكذب عليكم...
والله العظيم إن العبرة خنقتني حسبي الله عليه كانه خان حلوة الحليب الام الله اكير صارت الزوجة اهم من الوادة