النتائج 1 إلى 4 من 4
  1. #1
    قلم متميز
    نقاط التقييم  :  7086
    تم شكره        1,915 مره

    تاريخ التسجيل
    Mar 2011  
    المشاركات
    11,588  
    senseye غير متواجد حالياً

    قصيدة........وشاعر

    هذه إحدى روائع الشعر

    للشاعر المعروف ابراهيم بن مزيد غفر الله له

    وهو شاعر توفي قبل عدة سنوات

    شاعر اشتهر بالطيب والكرم الذي لايجارى
    لم يقفل باب مجلسة يوما واحدا سواء مجلس الرياض أو الطائف
    توفي بعد أن أقعد سنوات عديدة
    ولايزالون ابناؤه محتفظين بكرمهم الموروث عن والدهم

    ولم يقفل باب مجلس والدهم إلى الآن

    وهو صديق حميم لعبدالله اللويحان(اللوح)

    ومن روائع شعره هذه الصخريه المشهورة






    لقيت الناس مامنهم سلامه=لزومٍ يلحقك منهم ملامه
    ولاتحسب حلالك ؛ لوتبيده=يبي يحماك من هرج الفدامه
    بذرت الجود في من لاجزاني=سوى ذمٍ إلى هبت ولامه
    حقود القلب نقال الوشايا=هذور سهمته نقل النمامه
    إلى منه طرى له ماطرى له=تكلم مايثمن وش كلامه
    يقوله يزعم إنه مازحٍ به=وهو ينقض ويفتل في عدامه
    دخيل الله من خطو السملق=إلى بالهيذوان أطلق لجامه
    ألا ياليت ربي يوم سوى=عبيده حط للطيِّب علامه
    على شان الذي بالناس جاهل=يعرف الحر من برق الجهامه
    لجل بالناس شيطانٍ ملبَّس=ولو يلوي على راسه عمامه
    يغرك بالسلام وبالتحفي=وهو شيحٍ وجثجاثٍ طمامه
    مثل هذا: تحذر منه جدا=ولا تدني منامك من منامه
    وبعض الناس في ممشاه رافض=يختل الناس في قل اهتمامه
    يحني لحيته كنه مطوع=ولايفرق حلاله من حرامه
    حذارك لاتحطه له ظنينه=ترى ذاك الطمع منه السلامه
    وبعض الناس يبدي لك نصيحه=ولكن ماتعرفه وش مرامه
    وهو ما مقصده نصحٍ ؛ ولكن=يبي يلبسك للحاجة خطامه
    وإلى منه قضى بك مايريده=أخذ سدك وضربك المهامه
    وبعض الناس يوريك المحبه=وارق من البريسم في تمامه
    إلى قام يتمسكن بالتلفظ=تقول أطهر وأصح من الحمامه
    وهو بولة حمارٍ -عزك الله-=ينجس من مشى حوله رشامه
    وبعض الناس محمود السجايا=رقى العليا بعزمه والتزامه
    إلى منه بدى لك فيه لازم=قضى لازمك ماثمن حطامه
    كما إنه وافيٍ في كل خصله=عريب الجد خيلانه عمامه
    أسال الله يرفع كل خيِّر=عن الخذلان لايهفي مقامه
    قضا نحبي ومالاق بضميري=حلات القيل مبداته ختامه
    أقول الناس مشكاهم على الله=لزومٍ يلحقك منهم ملامه

  2. #2
    عمدة المنتدى
    نقاط التقييم  :  8877
    تم شكره        1,531 مره

    تاريخ التسجيل
    Sep 2010  
    المشاركات
    30,741  
    أبو أنس2011 غير متواجد حالياً


    قصيدة مميزة ومشكور وصح لسانك
    ولسان قائها ورحمه الله وجميع موتي المسلمين

  3. #3
    عضو متميز
    نقاط التقييم  :  7143
    تم شكره        1,640 مره

    تاريخ التسجيل
    Feb 2010  
    المشاركات
    34,210  
    نورجنا غير متواجد حالياً
    الله الله الله ..
    يبوريان ..متميز بانتقاءك
    وبصراحة الأبيات في غاية الروعة والاتقان ..
    تسلم يمينك عليها .

  4. #4
    عمدة المنتدى
    نقاط التقييم  :  8877
    تم شكره        1,531 مره

    تاريخ التسجيل
    Sep 2010  
    المشاركات
    30,741  
    أبو أنس2011 غير متواجد حالياً
    عدل يا معدل وكثر منها
    ...........
    قصيدة مميزة ومشكور وصح لسانك
    ولسان قائلها ورحمه الله وجميع موتي المسلمين

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.