ماشايف مثل طولج بعد ما اشوف
واقنع عيني بيش وتقنع وترضه

وانتي خيالج يغازلج من تمشين
وبعضه يلوم بعضه وياكل ب بعضه
قبلج ما جنت شاعر غزل معروف
ولاموأ ما درو بيه الغرام امضه
وشعر البي رفض ويرددونه الناس
من خزرت عيونج يستمد رفضه
يل كلج برائه وكلشي ينصف بيج
وتشوفج عيون الناس المغمضه
الشارع بي صداع يصير من تمشين
وطوله يكون يفتر يردم بعرضه
وابو الطيب يغض النظر جان نكول
بس لو شاف طولج فنه اذا غضه
المستشفى اذا من بابها تمرين
عراضه الشوفتج تتظاهر المرضه
خط احمر جمالج رسم فوك الكاع
وحظر تجوال طولج وحده يفرضه
الفتنه الطائفيه عيونج الحلوات
عليها احنه اختلفنه وبعد ما نرضه
والامن مايستقر وتفرضه شرطه وجيش
بس بسلاح رمشج نكدر نفرضه
والفوضه البلبلد مو من سياسين
الفوضه البل بلد من شعرج الفوضه
عصر النهظه داخو بي ؟
ماشوفج وانتي الشايله بطولج الف نهظه
يل بعينج سحر ليل الله طش الشوك
ونجوم على خدج صاغهن فضه
الحظ من يشوفج صدفه بين الناس
يلزم حضه بيده حتى يطيح بحظه
الشمس هاي الشمس من تسد باب الليل
تنزل فوك شعرج حتى تتوضه
وقرضه من الشمع كل احنه نطلب نور
وانتي النور منج يطلب القرضه
ولان تعكس بياضج والبرائه البيج
وحده المرأية تكوم تتشضه
طولج من يمر يم الاستعلامات
عميد الجامعه يوكف صنم لحظه
مو لاجل العلم بالجامعه الطلاب
على موجد ترى الطلاب مكتضه
كراج الجامعه سنطه ويبجي العين
بس لامن تجين تصير بي ركضه
والمحاظر بالدرس ما يفهم الموضوع
لان ملتهي بشكلج رايد يحفضه
وبالروضه خبر طش راح تتعينين !
وعلى مودج زلم سجلت بالروضه
وعلى مودج زلم سجلت بالروضه