النتائج 1 إلى 6 من 6
  1. #1
    قلم متميز
    نقاط التقييم  :  521
    تم شكره        821 مره

    تاريخ التسجيل
    May 2013  
    المشاركات
    4,083  
    دواند غير متواجد حالياً

    قلبي مدينه

    ما تغيَّر شي .. لكن .. صار فاضي هالمكـان

    يعني إنتَ شفت قلبي ! طحت مِنْ عيني وعينـه

    كان لك قلبي مدينه ولاحظ إني قلت : " كان" !

    يعني إنتَ الحين واحد "خارج حـدود المدينة " !

    ليه مستغرب كلامي وليـه أعطيـك الأمـان ؟

    وليه تَكْذِب في كلامك العـذر وينـك ووينـه ؟

    ما ألومك كان قلبـك ثـارت أمواجـه وخـان

    الخطــا منَّي لأني صرت فـي بحـرك سفينـه

    والسؤال اللَّي كتمته وما نِطَـق فيـه اللسـان

    كيف إيدك إطعنتني وآنا أحْسِبْهَـا أمينـه ..؟

    جرحي ما يرضيه قلبك لو يجـي كلِّـه حنـان

    ولو تبــوس الجرح فيني ولـو تقبلهـا إيدينـه

    يُوم أحبك قلت كلمه : " يكرَم المرء أو يُهان "!

    وإنتَ قلبي ما كرمته وما قدرت إنِّـك تهينـه

    طاب خاطر قلبي منِّك وهذي الفرقـى رهـان

    وحتَّى لو قلبي يحبـك ربِّـي بفراقـك يعينـه

    تدري لما قلت أحبك قلت وما عنـدي ضمـان

    وإختياري كان خاطىء! تجربه بالحيـل شينـه

    كنت تخطي وكنت أسامح مرَّه مرتين وثمـان

    أدمح الزله عشانك وأكتـم أنفـاس الغبينـه

    كنت أحبك وكنت أعزك والغلا فينـي جبـان

    اخاف تزعل لو ألومك ضعت ما بينـك وبينـه

    في عيون الناس عادي بس في عيني جنـان

    وكان قلبي من يشوفك تفضحه نظـرة حنينـه

    ماني أوَّل من يحب ومنتَ آخر شخص خـان

    المحبه في زمانك بحـــرها من غيـر مينـه

    الفشل .. كان النتيجه وأعتقـد آن الأوان

    ببني مستقبل حياتي وأنسى قصتنـا الحزينـه

    وخطوتي الأولى غيابك وراح أطبقها عشـان

    ويبكي قلبك لا فقدني والندم .. يملـي سنينـه

    جاي تسأل عن مكانك !! هو بقى فيني مكان ؟

    الله يرحمها المشاعر اللي كانت لـك رهينـه

    قلت لك قلبي " مدينـه " فيها لك حشمه وشان

    لكن إنتَ الحين أغرب شخص في هذي المدينه

  2. 2 أعضاء قالوا شكراً لـ دواند على المشاركة المفيدة:


  3. #2
    فريق المتابعة والاشراف
    نقاط التقييم  :  8484
    تم شكره        3,390 مره

    تاريخ التسجيل
    Mar 2013  
    المشاركات
    31,199  
    الزعيمه غير متواجد حالياً

  4. #3
    قلم متميز
    نقاط التقييم  :  521
    تم شكره        821 مره

    تاريخ التسجيل
    May 2013  
    المشاركات
    4,083  
    دواند غير متواجد حالياً
    واشكرك زعيمتنا على المرور الاجمل والاكمل والاحلا

  5. #4
    قلم متميز
    نقاط التقييم  :  1486
    تم شكره        673 مره

    تاريخ التسجيل
    Apr 2007  
    المشاركات
    11,356  
    ابن الصحرا غير متواجد حالياً
    كان لك قلبي مدينه ولاحظ إني قلت : " كان" !

    يعني إنتَ الحين واحد "خارج حـدود المدينة " !


    خرج من الحدود مع السلامه - صح لسانك يعطيك العافيه

  6. #5
    عضو متميز
    نقاط التقييم  :  4131
    تم شكره        224 مره

    تاريخ التسجيل
    Jul 2014  
    المشاركات
    1,964  
    هذا أنا... غير متواجد حالياً

    يعطيك 1000 عااافيه ..

  7. #6
    قلم متميز
    نقاط التقييم  :  521
    تم شكره        821 مره

    تاريخ التسجيل
    May 2013  
    المشاركات
    4,083  
    دواند غير متواجد حالياً
    الله يعافيكو كلكو شكرا ليكو

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.