بسم الله الرحمن الرحيم
شيء في خاطري ودي اقوله
اخواني الاعزاء
نبغى نتكلم بصراحة واكثر شوي
في هذا السوق الي لا يمكن يقوم له قايمة بهذا الشكل
اخواني لنا اكثر من سنة واحنا نتخبط يمين ويسار فوق وتحت ماحنا دارين وين هالدوامة بتودينا وللأسف كل يوم والجميع يطمن نفسه أو بالاحرى يلعب على نفسه خسرنا كثير والله كثير تحويشة طول العمر بالاضافة للرواتب المرهونة عشر سنين والمتبقي بالكاد يكفي مصاريف الواحد الي صايرة دبل الدبل منذ ان كان السوق 20500 ومع النزول كل يوم نخسر كل الي بنيناه وصلنا 17000 وقلنا خلاص زال الهم والعود أحمد ومنها للـ10000 ومنها وجاء المليالدير وليدوه راعي الفلات مثل بوه لا بارك الله بهم وصرف على الجميع على الـ13000 نقطة وكان هو الكسبان ومنها للـ6900 نقطة الي بنرجع لها اليومين هذه اليومين وللأسف مازلنا نكذب على بعضنا ونقول بكره بكره راح يجي اكيد بس بعد ايش بعد الصحة والعمر ما يروح يأخوان صار الي يتكلم منطقي غلطان والي يتخبط تصير معه صح بعد ماشفت الراجحي بـ75 ريال والكهرب بـ11 تجننت والله ياجماعه الخير سوقنا يمر بخيانة والخارج مولود والداخل مفقود وين باقي بودينا سوق القايله حسبنا الله ونعم الوكيل ثم حسبنا الله ونعم الوكيل