صفحة 1 من 2 12 الأخيرةالأخيرة
النتائج 1 إلى 15 من 17

لهجات اهل نجد لغير الناطقين بها

  1. #1
    عضو متميز
    نقاط التقييم  :  55
    تم شكره        3 مره

    تاريخ التسجيل
    Jun 2006  
    المشاركات
    2,923  
    لبن أزرق غير متواجد حالياً

    لهجات اهل نجد لغير الناطقين بها

    لهجة اهل الرياض ...... إللي مايعرفهم إلا هم


    اتركم مع حتسينا :-

    تسذا .. المعنى واضح يعني كذا ولازم تقولها وانت ماد براطمك لتحت

    فيذا .. يعني فيذا . هنا . " حط العشا فيذا " يعني هنا

    مير .. هذي مالها معنا بس تستخدم أحيانا بمعنى ثم واحيانا بمنى لكن ....

    كوده او كودها ... (( بمعنى لعل وعسى)) ,,,,,,,,, مثل ما يقول الابو لولده التسبير " رح ادرس كود اخوانك يغارون منك ويذاكرون "

    صدز .. يعني صدق والا صدزيه يعني صدقيه

    زلابه .. يعني بطه مالها معنى ثاني

    دبووووج .... هذي شينه يعين اذا واحد قالها لك تراه يسبك اقرب شئ له كمخه

    دلخ .. انظر اعلاه

    ء ء .. وتطلع من الحلق مثل اذا جيتا لبزر وقلت له عطني الكوره بيقول لك " ءء " وبيرفع خشته فوووووق وهو يقولها ... معناها منيب او لا

    أهزع .. يعني طمن او انزل شوي ,,, اللي تبي

    منهو .. افصلها لكلمتين وتعرف معناها

    مهوب او مهيب.. بالعربي ( ليس ) مثل " هذا التفتر مهوب لتس يانوير هذا التفتر لاختس دليّل "

    هقوتي .. يعني ( اظن ) مثل " هقوتي انه فيذا

    توحي .. معناها تسمع ,,, اذا جيته تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه عشان يسمعك ) وبيقول لك من انت ولده ... الخ "

    كتر .. ويقول الوا! حد لاخوه وهم يتغدون من صحن واحد " لا تاكل من كتري يعني لا تاكل من نفس المكان اللي اكل منه "

    جغمه .. يعني جغمه !! مثال : صديقك راح الدكان وشرا ببسي واحد وقعد يشربه لحاله وانت عيونك شوي وتناتق تقوله ياااخي عطني جغمه ( اعتقد فهمتوها )

    بصرك .. يعني بكيفك .... تقول لواحد تعال معنا ... ويقول لك لا منيب جاي ,, ترد عليه " بصرك

    بعدي .. يعني مثلا يقول الابو لولده ,,, بعدي ابوي . بس مدري وشلون تنشرح المهم معناه زين مهوب شين

    امصع .. يعني اسحب بقووووووه مثل الام اذا قالت لولدها تراني بمصع اذنك لو ما درست

    امحق .. هذي والله نشبه ما ادري وشلون اشرحها لكن ابحاول اعطيكم مثل اللي بيفهم زين واللي مهوب فاهم احسن يعني حبكت الا يفهم هذي . المثل : الابو يقول لولده ترااا باتسر ابيك توديني لزواج قصرانا يرد والد ويقول والله اسمحلي انا مواعد ربعي في الاستراحه عاد الابو يقول امحق من ولد عاد يرد الولد اقول خلاص نيتل

    يدربي .. يعني يدحرج .. مثل المسترخي يدربي راسه
    دحرب يعني الدب
    كنادر .. تكرمون جزمه

    زبيريه .. نوع من النعال تكرمون وهو احسن مبيد للصوارير والضواطير ! والحشرات الزاحفه الاخرى



    برندا .. ميراندا,, لان اول واحد قالها في الرياض كان مزكم وقال براندا


    عسكريم .. يعني ايس كريم


    محلي .. مكاني

    يا خزياه .... اكثر من يقولها العجز الله يخليهم لنا ولا يحرمنا من حتسيهم يعني انها استحت


    سماط .. ماله داعي تروح للجنادريه , رح لاقرب محل مواعين وقل عطني سماط ,,,,, مفرش ناكل عليه ومنول نسميه سفره

    ملاس. ..ملعقه كبيره مخفسه ننتسب بها الغدا

    مراصيع .. ، اسالو الحريم ويعلمونكم عنه تراها تنوكل

    مصابيب.. .انظر اعلاه ,,, هو نفسه بس بطريقه ثانيه

    ترم ترم.. فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه يسمونه النمر الوردي وهو اصلا بنك بانثر


    عوافي الله .. هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافي الله

  2. #2
    عضو متميز
    نقاط التقييم  :  486
    تم شكره        70 مره

    تاريخ التسجيل
    Sep 2008  
    المشاركات
    6,824  
    غريب المكان غير متواجد حالياً
    أنا أبصم بالعشرة إنك لست من أهل الرياض لإن هذي اللهجات دخيلة على أهل الرياض
    وليس كل من سكن الرياض من أهل الرياض
    تحياتي يالبن طايحه فيه حبت نيله زرقا

  3. #3
    كاتب متميز
    نقاط التقييم  :  49
    تم شكره        32 مره

    تاريخ التسجيل
    Dec 2007  
    المشاركات
    9,835  
    نوافكو غير متواجد حالياً
    الله يسعدايامك
    عز الله ما خليت شيء
    وختمتها بخاتمة طيبة في هالليل الله يهديك بعوافي الله
    ذكرتني بوالدتي الله يحفظها

    وهذه اللهجات لأغلب أهل نجد وليست لأهل الرياض فقط بل نقول لأهل نجد

    لي عودة للموضوع بعد ان أتذكر بعض المفردات وبودي لو تتابع موضوعك أخي اغالي لبن أزرق وتضيف عليه

  4. #4
    عضو متميز
    نقاط التقييم  :  60
    تم شكره        20 مره

    تاريخ التسجيل
    Jul 2004  
    المشاركات
    3,170  
    منعنش غير متواجد حالياً


    وش دعوا .. لبن ازرق


    تراك ماسك الخط بالمقلوب


    هذي لهجة القصمان ..


    ما جاء الرقم معك صح



    حاول الاتصال بصـــــــــــــــــــديق

  5. #5
    عضو متميز
    نقاط التقييم  :  55
    تم شكره        3 مره

    تاريخ التسجيل
    Jun 2006  
    المشاركات
    2,923  
    لبن أزرق غير متواجد حالياً
    هلا اخوي ( نوافكو ) الله يهدية الي قبلك ( غريب المكان ) خلاني بنقلاديشي مادرى اني مولود بالشميسي ومالحقت على النيدو

  6. #6
    XموقوفX
    نقاط التقييم  :  87
    تم شكره        47 مره

    تاريخ التسجيل
    Jan 2010  
    المشاركات
    6,316  
    الــجــنــوبــي غير متواجد حالياً
    ماشاء الله نصفها ماعرفت معناها إلا بعد ماشرحتها يالغالي

    والله والنعم بالنجود كلهم وزي ماقال نوافكو لأغلب منطقة نجد هذا الكلام

    وكلامهم قريب من بعض

    وليش الزعل ياغريب المكان حبيبي الوضع عادي

    لكن احنا ياهل الجنوب بين القبيلة والقبيلة 50 كيلو ويمكن أقل ولا نفهم بعض

  7. #7
    عضو متميز
    نقاط التقييم  :  55
    تم شكره        3 مره

    تاريخ التسجيل
    Jun 2006  
    المشاركات
    2,923  
    لبن أزرق غير متواجد حالياً
    اقتباس المشاركة الأصلية كتبت بواسطة منعنش مشاهدة المشاركة


    وش دعوا .. لبن ازرق


    تراك ماسك الخط بالمقلوب


    هذي لهجة القصمان ..


    ما جاء الرقم معك صح



    حاول الاتصال بصـــــــــــــــــــديق

    هذي لهجة القصمان يالغالي ( منعش )

    إنفهدز:
    وتعني ابتعد قليلا وتأتي بمعنى إفحز اي وسّع
    يقال محمد انفهدز او افحز لاخيه بمعنى اتاح له مكانا للجلوس في حال كان المكان ضيقا,

    اندزلع:
    أي ابتعد ولكنها اسلوب غير حضاري وهي تختلف عن إنفهدز.. يقال اندزلع يا محمد أي اخرج وتعني الطرد وهي مفرد اندزلعوا التي تقال للجمع من البزران او غيرهم.

    دووتس:
    وتعني خوذي وهي للمرأة دون الرجل حيث يقال للرجل دوك أي خذ .

    إيت : تعال .

    دلّى : صار ومثالها ﴿اذا دلى/صار

    حزه : وقت
    ومثالها حزة المغرب أي وقت المغرب.

    تعقب: تتسذب/او تكذب.

    دي : لملاعبة الاطفال ..
    يعني تغطي وجهك عنه وتفتحه بسرعة وتقول : ديييييي

    سادّه : احسن وهي الفرح بحصول مكروه للشخص.

    إكتلوه : اضربه بقوه ولا تأخذك فيه إلا ولا ذمة.

    هماه: هل فهمت؟ وهي تأكيدية .

    مسط: سقط بدون إرادته.

    زلق: اختل توازنه وسقط نتيجة وجود بلل في الأرض حينما تكون ملساء.

    حرتنّه : يمكن
    يقال : علي حرتنه مشى /يمكن مشى .وهي للاحتمال.

    محيت: أي مسرع
    يقال صالح جاء محيت أي مسرع وفي الهندية جلدي جلدي.

    تكانه : أي ثقيل العقل
    أو رجل يقال خالد تكانه بمعنى رجل يمكن الاعتماد عليه .

    دهدره : عكس تكانه أي أن الرجل لا يمكن الاعتماد عليه مطلقا .

    قمبازي : بمعنى خدّاع
    او مراوغ ولا يمكن التنبوء بما يفعل .

    زتّه : أي دفعه يقال احمد زت سليم أي دفعه وابعده.

    ﴿فلقه﴾ شج رأسه

    ﴿ دنقزه﴾ دفعه بقوة

    ﴿بهواوه﴾ على كيفه ولا يناقشه أحد

    ﴿ مقرود﴾ يحب أن يعرف كل شي

    ﴿ أشهب ﴾ عينه حارة

    ﴿ إنحته ﴾ أصابه بالعين

    ﴿ قرمبعة ﴾ سيارة قديمة

    يكوح : ويقال يكثح او يتسثح ... أي ينتثر .. كثح الرمل أي نثره ووزعه ... ويقال للصابون البودرة
    ( كثح ) أي قابل للنثر .

    يتهبع : يعني ما يدري وش يبي ...

    يلفز: يدس ويخبيء في مكان غير ملاحظ .

    يتنا : ينتظر

    يتنيوط : يتناول أو يمتد للوصول لشيء

    يبزع : يجزم بشيء غير مؤكد لذا نقول لمن يتفلسف بغير علم ... لا تبزع

    يخقل : يضرب برجله

    يتنيبص : يدعي

    يبعط : يشق بشكل كبير ... يقال بعط ثوبه أي شقه بشكل كبير

    يتهوكظ .. يتمايل ببطء وهو يمشي

    يتدودل : يتدلى

    مقصعر : مجتمع على وسطه

    ينشص : يلتهب

    يمزر : يسحب بقوة

    يتنيذخ : يتفاخر بشكل غير مقبول

    يمطرس : يحوس ... مطرس البزر على الاكل إذا بدا يعبث بالسفرة

    يلبط : يسقط فجأة

    يرطغ : دهن الراس او الجلد بالزيت مع الفرك

    - أفهقه ... حركه - أفهق هالكرسي .

    يويدز ( يويق )... ينظر خلسه.

    يباري الساس ... يمشي بمحاذاة الجدار - يدور الظلال أو يتغبى عن أحد.

    يتطنز ... يستهزيء.

    قوه ... هيا بنا ، مشينا - يبدو أنها كلمه أخذها الناس بنجد من موظفي أرامكو

    يهوجس ... يفكر

    زمل ... خائف من نتائج شيء ما , أي شايل هم

    غديه .. كوده - أي لعله.

    مير ... كلمة وصل لا داعي لوجوده أحيانا ، وتعني أيضا لكن .

    نيم ... نائم.

    من تلاة الدريشه ... من جنب النافذة .

    حول ... إنزل .

    شنق ... جهه ، طرف.

    هماه ... أليس كذلك .

    تهقى ... هقوتي _ ظني ، أغلب الظن .

    بوه ... فيه ، موجود .

    طس .. فاردز .. إنقلع - تقال لطرد شخص ما.

    حست مريري ... حست تسبدي ... أي عكرت مزاجي .

    وراه ... ليه ؟

    مصع ... شد ، فتق .

    واخزياه ... واعيباه ... ياللعيب والخزي


    يتطروخ .. أي داهمه النوم وبدا يتمايل يمينا ويسار.

    ينزرق ....هو الذي يفرح بحديث الناس وتصفيقهم له فيحاول بذل مزيد من الجهد وبمبالغة .

    طرطنقي : نصاب

    العاير : زاوية الممرات بالاحياء .

    سير سي كود اندس .... سي سيارة نيسان القديمة, كود يعني لازم , اندس أي أدس جسمي تحت السيارة والسير معروف ...





    دعاوي العجز الله يكفينا شر الدعاوي اللي وحده بوحده

    اقـعــد...... اقعد قعدو عليـــك

    قــوم..... قــم قــم الله عـصـبـك وطـاحــت ركـبــك

    نـــــام .... يمالنومه اللي ماتقوم منه

    روح.... راحـــــت روحـــــــك

    تغد..... عـــســــاك الــغـــده

    تعش....عساك العشه << هم يقولون تسذا

    يالله صــــــل.... صلو عليــك

    جـيــت.... جـبـجـب الله بطـنـك

    ســلـم..... عـسـاك مـا تـسلـم

    افـتـح.... انفـتـحـت ضـلـوعـك

    كــــــــل .... اكلك الدوود

    سـلــم عـلــى خــالــك.....تخـلـخـلـت وردانــــك

    ســلــم عــلــى عــمــك ....عــمــت عـيـنــك

  8. #8
    عضو متميز
    نقاط التقييم  :  486
    تم شكره        70 مره

    تاريخ التسجيل
    Sep 2008  
    المشاركات
    6,824  
    غريب المكان غير متواجد حالياً
    اقتباس المشاركة الأصلية كتبت بواسطة لبن أزرق مشاهدة المشاركة
    هلا اخوي ( نوافكو ) الله يهدية الي قبلك ( غريب المكان ) خلاني بنقلاديشي مادرى اني مولود بالشميسي ومالحقت على النيدو
    تكرم أخي العزيز أنا قلت أنت لست من أهل الرياض فقط لاغير لاتقولني شيء ما قلته
    وعموماً أعتذر إن كان غلطت عليك وأنا ما أدري

  9. #9
    عضو متميز
    نقاط التقييم  :  5
    تم شكره        0 مره

    تاريخ التسجيل
    Nov 2009  
    المشاركات
    1,849  
    *بسمه* غير متواجد حالياً
    هلا أخوي لبن أزرق تصدق فيه كلمات ما عرفتها وأنا من قلب نجد

  10. #10
    عضو متميز
    نقاط التقييم  :  60
    تم شكره        20 مره

    تاريخ التسجيل
    Jul 2004  
    المشاركات
    3,170  
    منعنش غير متواجد حالياً


    ممكن تعطيني معنى هالكلمات



    طنبس


    اردس


    مشكووووووووورا

  11. #11
    XموقوفX
    نقاط التقييم  :  5
    تم شكره        0 مره

    تاريخ التسجيل
    Mar 2009  
    المشاركات
    1,069  
    لحظـ وداع ـة غير متواجد حالياً
    اقتباس المشاركة الأصلية كتبت بواسطة غريب المكان مشاهدة المشاركة
    أنا أبصم بالعشرة إنك لست من أهل الرياض لإن هذي اللهجات دخيلة على أهل الرياض
    وليس كل من سكن الرياض من أهل الرياض
    تحياتي يالبن طايحه فيه حبت نيله زرقا
    مع احترامي لك كل الكلمات اللي قالها كلام اهل الرياض اصل وفصل اللهم كلمة كتر( حافتي) وكلمة دحرب وكلمة بصر مانقول بصرك نقول بكيفك وكلمة اهزع تقال للي شايل شيل ثقيل مثلا" يقوله لاتشيل ذا الشي لأنه ثقيل لايهزع ظهرك وكلمة صدز مانقولها نقول صدق وكلمة برندا نفس الحكاية مانقولها <<<<<<<<< وش بقى خلصت الكلمات شكلك صادق مو من الرياض

  12. #12
    كاتبة متميزة
    نقاط التقييم  :  59
    تم شكره        9 مره

    تاريخ التسجيل
    Jul 2009  
    المشاركات
    15,682  
    أمل ومشتاقه غير متواجد حالياً
    احلى لهجه في الارض يسلمووو
    المشرفه:
    ..أمل ومشتاقه ..

  13. #13
    XموقوفX
    نقاط التقييم  :  5
    تم شكره        0 مره

    تاريخ التسجيل
    Mar 2009  
    المشاركات
    1,069  
    لحظـ وداع ـة غير متواجد حالياً
    اقتباس المشاركة الأصلية كتبت بواسطة منعنش مشاهدة المشاركة

    ممكن تعطيني معنى هالكلمات



    طنبس


    اردس


    مشكووووووووورا
    يعني نزل راسك او نزل جسمك
    بس الكلمة الثانية مدري وش معناتها او يمكن كتابتها تختلف عن نطقها او شكلك تقصد ارجس مثل اللي مطول على صوت المسجل وقاله واحد قصر على صوت ذا المسجل اللي يرجس تكفى قل صح عليك

  14. #14
    XموقوفX
    نقاط التقييم  :  87
    تم شكره        20 مره

    تاريخ التسجيل
    Jul 2008  
    المشاركات
    2,626  
    سهم ترانزيت غير متواجد حالياً
    أزين الناس وأشهمهم

  15. #15
    عضو متميز
    نقاط التقييم  :  25
    تم شكره        21 مره

    تاريخ التسجيل
    Oct 2009  
    المشاركات
    6,534  
    m!ss jojo غير متواجد حالياً
    أكثر الكلماااااات مامرت علي قبل كذا وانا من نجد اصل وفصل
    فيه لخبطه خيووووووو راجع حساباتك ترى الغلطات مرجوعه
    ع العمووووووووووووم
    يسلموووووووووووووووووووووو

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.