النتائج 1 إلى 5 من 5
  1. #1
    عضو متميز
    نقاط التقييم  :  284
    تم شكره        145 مره

    تاريخ التسجيل
    Sep 2005  
    المشاركات
    1,495  
    جراح غير متواجد حالياً

    لو تستحي دمعتي من ضحكته سنونـي

    يادافع الشعر لا تنسـاق مـن دونـي
    مادمت في ذمتـي سـجّ القـدم فيّـه

    خلكّ على نيّتي .. وظنونـك ظنونـي
    وأنا ما أغيـرّ عليـك الظـنّ والنيّـه

    البارحه مـرّت الأحـلام ب عيونـي
    أحلام سودا ماهيـب أحـلام ورديّـه

    تمرّدت وأستباحـت حرمـه جفونـي
    وراحت على دربها عجلـه وطرقيّـه

    أمسيت أصوّت لها وأصبحت مغبونـي
    وتفسيرهـا .. بيـن هاذيّـه وهاذيّـه

    لو تستحي دمعتي من ضحكته سنونـي
    ماكان حطّـت بنـون العيـن ماريّـه

    اللـي تناسيتهـم .. واللـي تناسونـي
    بالخير مذكـوره .. وبالخيـر منسيّـه

    والحبّ لا هزّ صدري حرّك شجونـي
    وحطبت حدب الضلوع ونارهـا حيّـه

    أكثر جروحي سببهـا اللـي يحبوّنـي
    وجرح الحبايب عطيـب وكيّتـه كيّـه

    تبكي على راسي وتضحك على متوني
    نفضت خرجي وطاح الـداب والحيّـه

    وين أنت يا اللي عليك أكوسر لحونـي
    هيجنت ب إسمك وشلت أغلى هجينيّـه

    يوم أنت هجسي وحدسي وأصدق فنوني
    من لامني في غرامـك لعنبـو حيّـه

    شطيّت بي في هواك وزادت شطونـي
    مع لاهب الشوق بين الشمـس والفيّـه

    وعلمتني كيف أغيـرّ شكلـي ولونـي
    وأعيش جـوّ .. الحكايـات الغراميّـه

    يا سيّد الحب .. معك الحـب مامونـي
    وأنـا علـى جرّتـك عينـي شقاويّـه

    مجبور لا شفتني .. ماشي على هونـي
    حاولت وأزريت لا أكسر قيـد رجليّه

  2. الأعضاء الذين قالوا شكراً لـ جراح على المشاركة المفيدة:


  3. #2
    قلم متميز
    نقاط التقييم  :  551
    تم شكره        829 مره

    تاريخ التسجيل
    May 2013  
    المشاركات
    4,183  
    دواند غير متواجد حالياً
    جميله جراح افندي بارك الله فيك

  4. #3
    عمدة المنتدى
    نقاط التقييم  :  8877
    تم شكره        1,531 مره

    تاريخ التسجيل
    Sep 2010  
    المشاركات
    30,741  
    أبو أنس2011 غير متواجد حالياً

  5. #4
    فريق المتابعة والاشراف
    نقاط التقييم  :  8484
    تم شكره        3,392 مره

    تاريخ التسجيل
    Mar 2013  
    المشاركات
    31,182  
    الزعيمه غير متواجد حالياً
    صح لسانك ولسان شاعرها

    قصيدة راااائعة

    لاهنت جراح

  6. #5
    عضو متميز
    نقاط التقييم  :  284
    تم شكره        145 مره

    تاريخ التسجيل
    Sep 2005  
    المشاركات
    1,495  
    جراح غير متواجد حالياً
    شكرا لمروركم
    الله يعطيكم العافيه

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.