النتائج 1 إلى 5 من 5

ماهي الدعوه صحـن خبـز ومـرْق

  1. #1
    XموقوفX
    نقاط التقييم  :  5
    تم شكره        0 مره

    تاريخ التسجيل
    Jan 2009  
    المشاركات
    445  
    خالد 3 غير متواجد حالياً

    ماهي الدعوه صحـن خبـز ومـرْق

    دق جوالـي وأحـس القلـب يومـه دق .. دق
    صفر خمسه أربعه .. وآخـره خمسـه سبعتيـن

    قلت في بالي وش الطاري عسى المحبـوب رق
    من ثمان شهور ما يسأل عسى الطـاري حنيـن

    المهـم أنـي ذكـرت الله .. وقلـت الله حــق
    واضغط الزر المحدد .. سم .. عفوا .. أنت مين؟

    قلتها وأنـا أعرفـه ميـر الثقـل حـل وسبْـق
    قال أنا اللـي متصـل وأرجـوك زيّنهـا تزيـن

    قلت (يعني) قال يعنـي شوفنـي ميـت زهْـق
    ودي أسولف معك من غير جيـم وغيـر سيـن

    قلت تآمر قـال تسلـم وابتـدا كشـف الـورْق
    واسمعه دق (السبيكر) قلت .. عونـك يامعيـن

    قال وش حالك عساك بخير .. قلت الخيـر طـق
    من عقب فرقاك يا قاسـي غـدا حالـي حزيـن

    قال قلبك وش علومـه .. قلـت قلبـي أحتـرُق
    ما قـوا هجـرك ولابعـدك ولاقهـر السنيـن

    قال شعرك .. قلت شعري .. لا ابد طـب وتنْـق
    كل خفّاقي قصايد .. مـن يسـار ومـن يميـن

    قال كبه .. قلت أكبه .. قـال والمركـب غـرْق
    قلت مركب ايش هذا .. قـال طحـت بهالكميـن

    ماني بصاحبك بس أرجـوك مـن يسبـق لبْـق
    انت اسلوبك عسـل وانفـاس حكيـك ياسميـن

    بالغلط دقيـت .. وأحمـد ربـي الـرازق رزْق
    والله أعلم انـك مشبـه علـى شخص ثمين

    قلت لحظه ماهي الدعوه صحـن خبـز ومـرْق
    اصبر اصبر خلني أعرف مكـان اللبـس ويـن؟

    قمت أراجـع رقمـك الموجـود واشوفـه فـرْق
    و آنت خمسه و سبعتين و ذاك سبعه خمستين!!

  2. #2
    كاتب متميز
    نقاط التقييم  :  49
    تم شكره        32 مره

    تاريخ التسجيل
    Dec 2007  
    المشاركات
    9,834  
    نوافكو غير متواجد حالياً
    جميل أخوي خالد
    آخرتها سبعة وخمستين صار قالب الرقم

    قصيدة مسلية الله يسعد قلبك

  3. #3
    XموقوفX
    نقاط التقييم  :  15
    تم شكره        5 مره

    تاريخ التسجيل
    Nov 2009  
    المشاركات
    4,554  
    جبل غير متواجد حالياً
    قصيده رائعه مادام فيها صحن خبز ومرق يعني فطور واللا سحور0 موفق

  4. #4
    عضو
    نقاط التقييم  :  -10
    تم شكره        77 مره

    تاريخ التسجيل
    Dec 2009  
    المشاركات
    2,592  
    ذيـبـان غير متواجد حالياً
    صح لسانك يا اخي

  5. #5
    قلم متميز
    نقاط التقييم  :  1136
    تم شكره        329 مره

    تاريخ التسجيل
    May 2009  
    المشاركات
    13,241  
    أبن حمدي غير متواجد حالياً
    صح لسانك تسلم على هاالقصيدة
    قصيدة كلما فيها حلو

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.