صفحة 1 من 2 12 الأخيرةالأخيرة
النتائج 1 إلى 15 من 17
  1. #1
    قلم متميز
    نقاط التقييم  :  1486
    تم شكره        675 مره

    تاريخ التسجيل
    Apr 2007  
    المشاركات
    11,353  
    ابن الصحرا غير متواجد حالياً

    من نوادر الاشعار

    للشاعر الكبير عبدالله بن زويبن المعمري:




    عسى الله ينجيني من المدفع اللي ثار
    بعيد المدى اللي كل الأهداف يعطبها
    يخوف ويرعب كل ماثار ياستار
    يهد المباني والرواسي يشطبها
    حديث المديل اللي على كهربا وزار
    عسى الله يعين القوة اللي يحاربها
    رماني وجاني من سهومه مطر وغبار
    ولغات المدافع بالصواريخ أخاطبها
    ألا ياهلا يامرحبا والكبار صغار
    وترى الناس تهديد العدا مايهيبها
    عزمنا على عسف النظا نسع الأزوار
    وجزمنا على مس الكتب في غواربها
    وكربنا الأشدة فوقهن في حقب وحضار
    ونسفنا مواركها وشلنا مزاهبها
    ونوينا على رد النقا للعميل جهار
    على شان صعبات المواقف يجربها
    تدور المعارك والجنايز لها قبار
    لها من يكفنها ويركز نصايبها
    حصل ماحصل والمبتدي ماعليه خيار
    وترى اللي تقدم لحيته عند شاربها
    وترا الشك ودى له رياجيل يم شهار
    تربع بليس بروسهم لين خربها
    مع الدرب الأيمن رح وخل الشكوك يسار
    تراها بعيدة عنك وأنته تقربها
    عطيناك بشتٍ ماتخالف بها الأنظار
    نقينا المشالح لين جبنا لك أطيبها
    وقبلت الهدية ثم مدري وش اللي صار
    لقيناك يوم تصلي العيد قالبها
    وأنا ياعلي ماني مراوغ ولا غدار
    أقدر خويي والمحابيل ما أنصبها
    وأجنب عن الشينة ونفسي لها مقدار
    مع الطيب تمشي والردا ما يناسبها
    وأنا ماني اللي يعترض سكة المرار
    أنا لي طريق وباقي الطرق أجنبها
    أخل العرب وأسرارها ما أبحث الأسرار
    أجنب ولالي في خطاها وصايبها
    أعرف أن لو أنه يطق الحجار حجار
    تقوم السباع إلها سباعٍ تجاوبها
    وتصير القضية مسألة بحث واستفسار
    وعلى راس منشيها تعود عواقبها
    وتراك انت راع الرمية اللي بدون عيار
    طريقة خطا مدري عليه مصوبها
    تبجح وتنظر لي بتصغير واستهتار
    كبيرة عليك ولا أعرف ويش واجبها
    وتقول أنك انت الشاعر الماهر البيطار
    جميع المثايل مفردٍ في غرايبها
    وأنا خابر انك لك بضايع مع التجار
    على كل سوقٍ يشري الزين تجلبها
    وبالأسهم تساهم بالجنيهات والدولار
    مع أرقى البنوك اللي تضاعف مكاسبها
    وترى كل ديرة غير ديرة بها خبار
    أهل معرفة بسباعها من ثعالبها
    وترى كل ديرة غير ديرة بها صقار
    يعرف الصقور الرقش ويعرف أ رانبها
    وأنا يوم سويت القصيدة خبر وانذار
    وأنا ما أحسب انك تشتبه في مآربها
    وتعبت وتعبنا والنتيجة ما غير أصفار
    والأصفار بالأصفار وشلون نضربها
    وأنا مسهمي ماهو بناقص مع الشعار
    أروض صعيبات المثايل وأرتبها
    وأسوق القوافي لين تمشي مع المعبار
    كما سوق هجنٍ حنوة العود تدبها
    على درب شيخٍ كل يومٍ يصبح دار
    يسج النشيط من النظا لين يتعبها
    وأجيب البيوت المفردة وأترك التكرار
    نقيض الفوا رغ بندقي ماتزهبها
    وأطب الفياض المخضرة واقطف النوار
    اقص الزهور الناعمة من ذوايبها
    واطب المزارع واتنقى من الأثمار
    أنقي نبات اثمارها من شوايبها
    وأغوص البحور اللي بها الحص والمحار
    وأخلص عميلي دينته قبل يطلبها
    وأعرف البضايع واعرف السوق والأسعار
    واثمن واقدر سلعتي قبل أطببها
    وترى اللي سواك نشيمه شيمة الخطار
    وفاء والنفوس الطيبة ليه نغضبها
    لاكنا على اللي فيه زودة لغانا حار
    مشاهيب نارٍ من زمهرير نجذبها
    تواهج توهج شقر الأسياخ وسط النار
    لوانـا نمـثـنـيها صـفاتٍ تذوبهـا
    وترى الشعر فتل ونقض ماهو بخبط أشجار
    وترى الفرق بعقول الرجال ومواهبها
    وترى الحكمة البلغة وباق الكلام بخار
    يمر الحلوق الناشفة ما يرطبها
    والايام والدنيا ترى مالها استقرار
    على نجومها تطلع نجومٍ تغيبها
    الأيام تخفي غيبها والزمن دوار
    بطش بالملوك وحالها عن مناصبها
    على عروشها مثل النوادر على الأوكار
    وتصف العساكر بالطريق لمواكبها
    تلاشوا مثل نبتٍ بروض وطاه عصار
    عواصف رياحٍ طيرت به هبايبها
    نواعم غصونه طار فيها الهوى التيار
    وبقايا عروقة جارح السيل سالبها
    تعيش الأوادم بالأمل والعمار قصار
    وراها محاسب والله اللي يحاسبها
    رجانا وملجانا هو الواحد القهار
    ولي العباد اللي يحقق مطالبها
    وقرينا الكتاب اللي نزل لأولي الأبصار
    بشير ونذير ولابه آيه نكذبها
    قريناه بالغنة والأخفا وبالأظهار
    وبالإدغام واللي بالحركات نعربها
    وتبعنا طريق اللي كسر شكوكة الكفار
    ونقيم الصلاة الواجبة مع رواتبها
    وتركت المجال لصاحبي لجل مايحتار
    تقصرت ولى لو تقصيت أشيبها
    وأنا خابر انه صقر ماياكل االاسوار
    وطعام الصقور الجارحة من مخالبها
    وتقبل تحياتي وهذا اخر المشوار
    قصيدة جديدة بـ أزرق الحبر كاتبها
    قصيدة تشره مابها شجب واستنكار
    نظيفه عفيفة مابها ما يعيبها
    على مبتداها من نسيج الحرير شعار
    وعلى منتهاها العود الأزرق يطيبها
    وصلاة الله الباري على سيد الأبرار
    شفيع الخلايق يوم تكشف حقايبها
    نبيٍ أوحي له بالرسالة وهو بالغار
    بها خصه الله من عباده وفاز ابها



  2. 6 أعضاء قالوا شكراً لـ ابن الصحرا على المشاركة المفيدة:


  3. #2
    أبو طلال
    قلم متميز
    نقاط التقييم  :  4937
    تم شكره        1,406 مره

    تاريخ التسجيل
    Jun 2009  
    المشاركات
    24,619  
    الصقرالحر غير متواجد حالياً
    قصيدة جزلة ونادرة أخي أبا فارس .. صح لسانك ولسان شاعرها ..
    والجزل مايجيب غير الجزل .. وفقك الله لما يحب ويرضى شاعر المنتدى ..

  4. #3
    عضو متميز
    نقاط التقييم  :  7143
    تم شكره        1,640 مره

    تاريخ التسجيل
    Feb 2010  
    المشاركات
    34,071  
    نورجنا غير متواجد حالياً
    قصيدة جميلة ونادرة ..
    صح لسانك ابوفارس ولسان شاعرها
    وتسلم اياديك ع هالجيبة

  5. #4
    فريق المتابعة والاشراف
    نقاط التقييم  :  8567
    تم شكره        3,435 مره

    تاريخ التسجيل
    Mar 2013  
    المشاركات
    31,213  
    الزعيمه غير متواجد حالياً
    صح لسانك ولساان شاعرها

    قصيدة معبرة

    لاهنت ابوفارس

  6. #5
    فريق المتابعة والاشراف
    نقاط التقييم  :  10783
    تم شكره        2,344 مره

    تاريخ التسجيل
    Dec 2008  
    المشاركات
    36,106  
    ياسمين غير متواجد حالياً

    ماشاءالله لاقوة إلا بالله
    رااائعة جدآ .. إختيار جدآ مميز
    يعطيك العافية أبوفارس ,,,

  7. #6
    فريق المتابعة والاشراف
    ابو خالد
    نقاط التقييم  :  13488
    تم شكره        12,638 مره

    تاريخ التسجيل
    Aug 2012  
    المشاركات
    49,159  
    مستر كليسر متواجد حالياً
    قصيده مميزه كتميز ناقلها
    حكم ومواعظ وتذكيرأختيار مميز من كاتب مميز
    شكرا بحجم السماء أبو فارس الله يعطيك العافيه

  8. #7
    قلم متميز
    نقاط التقييم  :  1486
    تم شكره        675 مره

    تاريخ التسجيل
    Apr 2007  
    المشاركات
    11,353  
    ابن الصحرا غير متواجد حالياً
    اقتباس المشاركة الأصلية كتبت بواسطة الصقرالحر مشاهدة المشاركة
    قصيدة جزلة ونادرة أخي أبا فارس .. صح لسانك ولسان شاعرها ..
    والجزل مايجيب غير الجزل .. وفقك الله لما يحب ويرضى شاعر المنتدى ..

    صح بدنك ابو طلال واشكرك على التشجيع
    وهذا من حسن ذاتك لك تحياتي

  9. #8
    قلم متميز
    نقاط التقييم  :  1486
    تم شكره        675 مره

    تاريخ التسجيل
    Apr 2007  
    المشاركات
    11,353  
    ابن الصحرا غير متواجد حالياً
    اقتباس المشاركة الأصلية كتبت بواسطة نورجنا مشاهدة المشاركة
    قصيدة جميلة ونادرة ..
    صح لسانك ابوفارس ولسان شاعرها
    وتسلم اياديك ع هالجيبة

    وصح بدنك ام دانه والجميل مرورك
    يعطيك العافيه

  10. #9
    قلم متميز
    نقاط التقييم  :  1486
    تم شكره        675 مره

    تاريخ التسجيل
    Apr 2007  
    المشاركات
    11,353  
    ابن الصحرا غير متواجد حالياً
    اقتباس المشاركة الأصلية كتبت بواسطة الزعيمه مشاهدة المشاركة
    صح لسانك ولساان شاعرها

    قصيدة معبرة

    لاهنت ابوفارس

    ولا تهوني ام عبدالله وصح بدنك
    ولك تحياتي

  11. #10
    قلم متميز
    نقاط التقييم  :  1486
    تم شكره        675 مره

    تاريخ التسجيل
    Apr 2007  
    المشاركات
    11,353  
    ابن الصحرا غير متواجد حالياً
    اقتباس المشاركة الأصلية كتبت بواسطة ياسمين مشاهدة المشاركة

    ماشاءالله لاقوة إلا بالله
    رااائعة جدآ .. إختيار جدآ مميز
    يعطيك العافية أبوفارس ,,,

    ومرورك مميز بعد الغيبه الطويله
    التي اصارت من صفاتك شكرا لك

  12. #11
    عضو متميز
    نقاط التقييم  :  1312
    تم شكره        230 مره

    تاريخ التسجيل
    May 2015  
    المشاركات
    3,923  
    بدر الحجاز غير متواجد حالياً
    ما شاء الله ياابو فارس القصيدة تعتبر خرافيها في جزلها .... وقريتها كذا مرره عشان ارككز فيها .... بس حسيت اني قدام الغاز كثيره ما عرفت افككها... طيب هو يمدح فيها نفسه ... او مين .... ومين المقصوود ب علي في بيته

    وانا ياعلي ماني مراوغ ولا غدار
    اقدر خويي والمحابيل ما أنصبها

    آسف بس ﻷني ما أفهم كثير في الجزل .. والنبطي عموما يتعبني ..... انت تخبر اهل الحجاز هههههههه..... جدا استمتعت الله يعطيك العافيه

  13. #12
    قلم متميز
    نقاط التقييم  :  5553
    تم شكره        250 مره

    تاريخ التسجيل
    Apr 2011  
    المشاركات
    6,192  
    ذات الخمار غير متواجد حالياً
    القصيدة رائعة جدا وجميلة وبها أبيات بالغة الروعة

    هذا البيت به حكمة ( تعيش الأوادم بالأمل والاعمار قصار ~~~ وراها محاسب والله اللي يحاسبها )

    ومدح الشاعر نفسه بإبداع (أطب الفياض المخضره وأقطف النوار ~~~ أقص الزهور الناعمة من ذوايبها )

    وأجاد بوصف قراءته للقرآن(قريناه بالغنه والاخفاء وبالاظهار~~~ وبالادغام واللي بالحركات نعربها )

    أبات رائعة خاصة عندما وصف نهاية الملوك وتبدل الأحوال كالنبات الذي حطمه الاعصار

    حقيقة ....... تذوقنا أدب وشعر جميل وإبداع أصيل

    شكرا جزيلا لك ابن الصحراء ولذائقتك الشعرية التي احسنت الاختيار وقطفت لنا أطيب الثمار


  14. #13
    قلم متميز
    نقاط التقييم  :  1486
    تم شكره        675 مره

    تاريخ التسجيل
    Apr 2007  
    المشاركات
    11,353  
    ابن الصحرا غير متواجد حالياً
    اقتباس المشاركة الأصلية كتبت بواسطة مستر كليسر مشاهدة المشاركة
    قصيده مميزه كتميز ناقلها
    حكم ومواعظ وتذكيرأختيار مميز من كاتب مميز
    شكرا بحجم السماء أبو فارس الله يعطيك العافيه

    ماعليك زود ابو خالد والقصيده فعلا قويه ومميزه
    وحضورك وتمعنك فيها مميز ايضا لك تحياتي

  15. #14
    قلم متميز
    نقاط التقييم  :  1486
    تم شكره        675 مره

    تاريخ التسجيل
    Apr 2007  
    المشاركات
    11,353  
    ابن الصحرا غير متواجد حالياً
    اقتباس المشاركة الأصلية كتبت بواسطة أمان القابضة مشاهدة المشاركة
    ما شاء الله ياابو فارس القصيدة تعتبر خرافيها في جزلها .... وقريتها كذا مرره عشان ارككز فيها .... بس حسيت اني قدام الغاز كثيره ما عرفت افككها... طيب هو يمدح فيها نفسه ... او مين .... ومين المقصوود ب علي في بيته

    وانا ياعلي ماني مراوغ ولا غدار
    اقدر خويي والمحابيل ما أنصبها

    آسف بس ﻷني ما أفهم كثير في الجزل .. والنبطي عموما يتعبني ..... انت تخبر اهل الحجاز هههههههه..... جدا استمتعت الله يعطيك العافيه

    حياك الله امان القابضة
    نعم القصيده كماقلت عنها خرافيه فهي تتحدث عن امور كثيره الشاعر حسب مفهومي قد جاته قصيده من صديقه ورد عليها واعجب صديقه بالرد
    بالبدايه ولكن تراجع عن اعجابه وكانه شكك بالقصيده الرد ثم ارسل له هذه القصيده التي تشمل المدح له وللشاعر الثاني وشي من شبه التهديد والتحدي
    والحكم وغيره اما البيت

    وانا ياعلي ماني مراوغ ولا غدار
    اقدر خويي والمحابيل مانصبها
    علي هو صديقه اللي دارت بينهم القصايد فهو يقول انني صريح ولا استعمل الخداع فلماذا تشكك في قصيدتي

    والدليل ان صديقه اعجب بالقصيده اولا ثم شكك فيها قوله
    عطيناك بشت ٍماتخالف به الانظار
    نقينا المشالح لين جبنا لك اطيبها
    وقبلت الهديه ثم مدري وش اللي صار
    لقيناك يوم تصلي العيد قالبها

    يعني انك قبلت القصيده بالبدايه ثم شككت فيها وغير ذلك من المعاني الكثيره الجميله - واي استفسار اخر انا رهن اشارتك ولك تحياتي
    التعديل الأخير تم بواسطة ابن الصحرا ; 10-24-2015 الساعة 02:36 PM

  16. #15
    قلم متميز
    نقاط التقييم  :  1486
    تم شكره        675 مره

    تاريخ التسجيل
    Apr 2007  
    المشاركات
    11,353  
    ابن الصحرا غير متواجد حالياً
    اقتباس المشاركة الأصلية كتبت بواسطة ذات الخمار مشاهدة المشاركة
    القصيدة رائعة جدا وجميلة وبها أبيات بالغة الروعة

    هذا البيت به حكمة ( تعيش الأوادم بالأمل والاعمار قصار ~~~ وراها محاسب والله اللي يحاسبها )

    ومدح الشاعر نفسه بإبداع (أطب الفياض المخضره وأقطف النوار ~~~ أقص الزهور الناعمة من ذوايبها )

    وأجاد بوصف قراءته للقرآن(قريناه بالغنه والاخفاء وبالاظهار~~~ وبالادغام واللي بالحركات نعربها )

    أبات رائعة خاصة عندما وصف نهاية الملوك وتبدل الأحوال كالنبات الذي حطمه الاعصار

    حقيقة ....... تذوقنا أدب وشعر جميل وإبداع أصيل

    شكرا جزيلا لك ابن الصحراء ولذائقتك الشعرية التي احسنت الاختيار وقطفت لنا أطيب الثمار


    ما شاء الله عليك تمعنتي فيها ودققتي وكل ماتطرقتي له من مميزاتها فعلا
    يعطيك العافيه اختي ذات الخمار ولك تحياتي

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.