النتائج 1 إلى 7 من 7
  1. #1
    عضو متميز
    نقاط التقييم  :  486
    تم شكره        70 مره

    تاريخ التسجيل
    Sep 2008  
    المشاركات
    6,824  
    غريب المكان غير متواجد حالياً

    موقف لي في المطار

    أسعد الله أوقاتكم بكل خير
    حصل لي موقف في المطار أمس الثلاثاء أحب أن أرويه لكم ونقوم بمناقشته لعل وعسى يكون فيه خير لنا ذهبت مبكراً لتسفيرالشغالة بعد أن أكملت جميع متطلبات السفر ولله الحمد تم كل شيء على حسب مارتب له حتى وصلت النقطة الأخيرة نقطة الجوزات وهممت بالرحيل لكن قلت في نفسي أنتظر حتى تتعدى النقطة الأخيرة لإنه من المعلوم لديكم أن النظام القديم نظام إستلام مخالصة نهائية أستبدل بنظام المخالصة الأكترونية ماعلينا نكمل السالفة لاحظت رجل الجوزات يلوح لي بالدخول دخلت وقلت وش السالفة أفادني أن تأشيرة الخروج النهائي منتهية لإنها لمدة 60 يوم وأنا متعمد أن أحجز لها قبل إنتها التأشيرة بأربعة أيام ضنناً مني أن التأشيرة 90 يوم كما هو معمول به سابقاً أو كما هومعمول به مع تأشيرة الخروج الوعودة طبعاً غلطة مني على الرغم من مشاهدتي للورقة عدة مرات ولم ألاحظ هذا الخطاءقلت له ماهو الحل قال إنزل لمكتب الجوزات تحت عند المواقف وتعلم ماهو الحلنزلت والشغالة خلفي وهي خائفة وممتوترة خشية أن تفوتها الرحلة قابلت الموظف المختص وأفادني أن علي غرامة تأخير مقدارها 1000 ريال قلت له الإقامة لمدته سنه مبلغا 600 ريال كيف تأخذون هذا المبلغ على تأخير عدة أيام قال هذا النظام وما أقدر أعمل لك حتى تسدد هذا المبلغ قلت الشكوى لله نسدد وأطلع المبلغ قالسدد عن طريق الصراف أو البنك قلت يارجل الوقت مايسعفني قال دبرنفسكركضت على بنك الراجحي لإنه مع الأسف لايوجد بنك في المطار غيره ووجدت طابور قلت والله المشكلة ولا فيه إلا موظف واحد وأذهب لشبك أخر فاضي وأستدعي موظف جالس على مكتب داخلي طبعاً ماجاء إل بعد بالغت في اٍلوب النداء المهم جاء وشرحت له المشكلة قال عندك حساب في الراجحي سددناها لكماعندك حساب عندنا دبرنفسك لاحول ولاقوة إلا بالله وأذكر إن عندي حساب عندهم مطنشه من زمان قلت شف هذا رقم الحساب شيك عليه ينفع الرجال ماقصر شيك عليه وقال حسابك غير نشط قلت بسيطه نشطه قال ماينفع لازم تنشطه عند الفرع الثاني إل في الصالة الأخرى وأعتقد مايمديك قلت والله المصيبة طبعاً عندي حسابات في بنوك أخرى لكن مايوجد لها فروع أو أجهزة صراف في المطاروألتفت على الشغالة وأرى في عيونها الخوف واللهفة على السفر لعيالها وأهلها قلت مابداهاش دبر نفسك بيعينك الله المهم وتخطر في بالي فكرة أتصل على أحد من إخواني أو الأصدقاء يسدد لي قلت في نفسي لاتغث الناس ومابقى على الفطور إلا تقريباً ساعة إلا ربع وألتفت يمين ويسار وألاقي شاب سعودي في الطابور وأشرح له المشكلة وأطلب منه بكل أدب وإحترام المساعدة قال ماعندي بطاقة صراف وجاي أسحب لي مبلغ كاش وكان معه 2 من أصدقائه قلت الفزعه ياشباب وياحبي للشباب السعودي يحب الفزعات المهم واحد منهم قال أبشر عندي بطاقة صراف وأخذها منها ونباء عملية السداد لكن مانفعت وأرجع للموظف وأتلطف معهلعله يطلع ويعمل لنا العملية هو وأثناء خروجه سئلت الشاب حسابك فيه رصيد كافي قال لا هنا عرفت ليش ماتمت العملية وقلت للموظف معليش الرجال حسابهمايكفي زعل علي الموظف وقال الله يهديك مطلعني بس على الفاضي قلت مابدهاش وألزق في الشاب إل في الطابور طبعاً بعد ما إستأذنت من باقي الطابوركلهم غير سعودين جزاهم الله خير هزوا روؤسهم بالموافقه جاء دورنا وصرف الرجال المبلغ والموظف الثاني خوينا جزاه الله ألف خير قرب من الشباك وقلت له هل ينفع أسدد كاش عن طريق حساب هذا الشخص فال ينفع ولله الحمد تمت العملية بسلام وأشكر الجميع وركض على مكتب الجوزات أنا والشغالة تحت وألاقيه فاضي وأردد السلام لعل وعسى أحد يسمعني وأطرق القزاز بكل أدب أخاف أزعلهم ويركونيوأنا أشوف واحد جالس على مكتبه وبيده الجريده وأشر له وأطرق والرجال ماهولمي لين الله هداه ورفع رأسه وأرسل لي موظف خوينا الأول وأعطيه الأوراق وقلت له سددنا قال لازم صورة لها قلت وشهي صورته بتسافرنهائي الأن والجواز معك وهذهي قدامك والتأشيرة القديمة معك قال لازم ..لاحول ولاقوة إلا بالله ..قلت لها دوري معك صورة لك والحمدلله بعد البحث وجدنا لها صورة وأعطيه الصورة ويبداء الإجراءات وألتفت خلفي وأشوف عائلة شامية شوي إلا ذاك الخال نازل لهم من السلم ويرحب فيهم ويأخذ أوراقهم ويدخل في المكتب ويكلمهم وصاحبنا الموظف إل معه أوراقي يرمي أوراقي على موظف ثاني ويأخذ هوأوراق الخال قلت الله يخلف عليك يا ابوفيصل سعودي مالك قيمة في ديرتكالمهم خلصنا التأشيره بعد مدة وأنا على أعصابي والشغالة مثل المسبوههقلت لها مافيه خوف إن شاء الله بتشوفين أهللك اليومونطلع على النقطة الأخيرة خويتنا إل توقفنا عندها وألقاها خاويه من الموظفينوألتفت وألاحقي حشود من الناس متكدسه عند البوابه وأشق طريقي بينهم وألمح ليظابط داخل وأروح له صار خوينا إل بلغني بإنتهاء التأشيرة وبكل أدب أقول له أبشرك خلصنا قال وش تبيني أسوي لك مافيه موظفين حتى الكونترات تبع الخطوط فاضية قلت والحل قال إنتظر لين نفتح هذا الكلام قبل الإفطار بتقريباً 25 دقيقة قلت ومتى بتفتحون قال قبل عشر دقائق وأناظره زين الرجال ظابط بثلاث نجوم بغيت أقوله تنصب علي الله يهديك لكن بلعتها وسكت خفت أعانده ويقعد لي قلت لهالله يجزاك خير مومعقولة أمسك سرى ثانية والله الناس بالكوم قال ماعليك إذا فتحنا تعال لي ويصير خير قلت بيض الله وجهك تصدقون المطار بكبره توقف لأكثر من ساعة الجوزات والكوانترات حتى جهاز الكشف على العفش والناس متراكمه على بعض بجد منظر مخزي ويفشل معقولة هذا المطار الكبير ماعنده إدارة واعيه وتنظم العمل وطبعاً الكل منقهر ويدلي بدلوه من نكت وإقتراحات وتطنز فاضين ومقهوين وواقفين بشكل عشوائي وأعدد كبيرةإل يقول وين طاش ماطاش عنهم وإلا أحمد الشقيري راعي خواطر هههههههمرعلينا واحدلابس سعودي ودخل عندهم ما أدري منهم وإلا عنده واسطه المهم قالياناس ليش واقفين صدقوني مارح يفتحون قبل الساعة 7 قلنا يارجل الظابط يقولأقل من عشر دقائق ضحك وقال بكيفكم هذا كل يوم على هذا الحال من دخل رمضان ريحوا أفطروا وتعالوا قلنا وين نروح له وشلون بنرجع مع هذا الطابورالهائل المهم ويأذن المغرب ونفطر وحنا واقفين والناس تتصدق عليك وحالة حاله وضع مانحسد عليه أبد الله يجنبكم عنهأكمل عليكم السالفة أكمل لكم السالفة الرجل خوينا السعودي كان صادق ومافتحوا إلا بعد ما أفطروا وصلوا حتى إل في المساجد دخلو بيوتهم وهم لسا يروقون على الإفطار والصلاةالمهم جاء الفرج وصار الظابط خوينا هو رئيسهم وجاء قبلهم وبداء ينادي فيهم وفتح لنا البوابه وعينك ماتشوف إلا النورالمزاحم على الكوانترات الفاضية من الموظفين وأنا بصراحة ما أقدر أجاريهم في الركض والمناطح أخلاقي ماتسمح ليأشارك في هذي الفوضي وأطمر لظابط وأقول له تراك واعدني قال يرجال أصبرقلت في نفسي مالي إلا الصبر الطيارة بتقلع الساعة 7.45 وحنا لسا ماخلصنا المهم بعد عدة نداءات منه جاء أفراد الجوزات وكل واحد على كونتره وعيوني تراقب الظابط أخاف أتكلم وينفخ علي وأخربها معه سهل الله وكلمته بكل أدب برضه هاه يابطل دبرني شكله مل مني خذاني أنا وشغالتي وحطني عند كونتر وقالله خلاص هذا الرجال والحمد الله ختم لها ودخلت الصالة الدخلية وعيونها تملااها الفرحة وأنا نشف ريق عطشان وجوعان ومنهك من التعب وأعصابي متوترة والنفسية زفت وأمر على كونتر يبيع أطعمة قلت عطني مويه قال 5 ريال قلت خذ الشكوى لله الحمد لله البيت قريب من المطار وإلا كان إضطريت أفطر عندهم وأنا راجع للبيت دار في رأسي عدته أفكار الحكومة ماقصرت ووفرت المنشئاة وصرفت عليها الملاين والمليارات ليش ماتخدم المواطن بالشكل المطلوب ليش المطار بهذا الشكل العشوائي ليشم البنوك كلها يسمح لها بوضع أجهزة صراف ألي ليش الراجحي بس ليش الجوزات مايكون عندهم مرونه في مثل هذي الحالات الطارئة ليش مايؤمن وجبة خفيفة للموظف على الكونتر ويفطر وهو يشتغل لمدة نص ساعة بعدين يأتي موظف أخر أفطر بروقان وصلى ويمسك مكانه ليش التعقيد هذا ياناس متى بنتطور ونواكب الدول المتقدمة مع إن إمكانياتنا أكبر منها وبمراحل إلى متى هذا الحال والله قهر الواحد تعب من التفكير ومن التناقض الغريب في هذا البلدوفي النهاية مانقول إلا الله يصلح الحال أبي ردودكم وأرائكم وأفكاركم حول هذا الموضوع الله يسعدكم
    وأسف على الإطالة معليش الأسلوب لكم عليه



  2. #2
    عضو فعال
    نقاط التقييم  :  5
    تم شكره 2 مرة

    تاريخ التسجيل
    May 2010  
    المشاركات
    187  
    الهيئه غير متواجد حالياً
    الله يكون في عونك ومشكور على الطرح
    اما ليش مايطور ويعملون هذه مستحيل حتى الجيل الحالي ونصف الجيل الجاي يموت علشان العقليه تتغير
    طالما انه العقليات الحاليه هي ماتغيرت انسى من التطور بالله روح شوف مطار دبي شوف كيف وبس
    الله يخلف علينا وعلى اموال الدوله.

  3. #3
    XموقوفX
    نقاط التقييم  :  87
    تم شكره        47 مره

    تاريخ التسجيل
    Jan 2010  
    المشاركات
    6,316  
    الــجــنــوبــي غير متواجد حالياً
    تعاطفت معك , مشكلة أنظمتنا وقوانينا قديمة ومتهالكة
    لايوجد إخلاص في العمل , والخيل من خيالها
    كل الخدمات بالواسطات , والمواطن هو من يتضرر
    أتمنى أن تزول هذه المحن وهذا التخلف
    العالم تتقدم واحنا مكانك راوح
    الحمد لله إن شغالتكم سافرت يارجال , وإن شاء الله تكسب أجر على إخلاصك
    تحياتي لك

  4. #4
    عمدة المنتدى
    نقاط التقييم  :  8877
    تم شكره        1,529 مره

    تاريخ التسجيل
    Sep 2010  
    المشاركات
    30,728  
    أبو أنس2011 غير متواجد حالياً


    أخوي أبو فيصل هناك الكثير من البيروقراطيات القاتلة
    والتي تتم في الدول الآخري بلمحة بصر ولكن ما عليش
    وطول بالك يا رجل والخيرة فيما أختاره الله والباقي عليك وتحياتي

  5. #5
    كاتب متميز
    نقاط التقييم  :  49
    تم شكره        32 مره

    تاريخ التسجيل
    Dec 2007  
    المشاركات
    9,834  
    نوافكو غير متواجد حالياً
    الله يكون في عونك يابو فيصل
    قرأت قصتك بصراحة وهالسيناريو الطويل
    ولكن بسألك لو إن التأشيرة ما إنتهت هل بتأخذ كل هالوقت
    أعتقد بأنك بتوصلها للمطار وبتدخلها وبتختم لها وبتسافر
    وأنت بتتسهل وبتسقط من كفالتك إلكترونياً وكل هذا ما يأخذ منك وقت
    وبعض مكاتب الحجز تتكفل بإيصالها للمطار وتسفيرها بشرط تأتيهم قبل الرحلة بساعات

    يعني وش تبيني اقول لك الخطأ في الأساس منك
    وبسبب هذا الخطأ لقيت كل هالملاحظات التي تشوفها
    - العسكر مثلاُ ونقصهم
    - والبنك الوحيد وحاجتك له
    - والبوفيه الغالي وإضطرارك تشتري منه
    - وحاجتك للناس

    كل هالأمور مرت عليك بسبب مخالفتك بإنتهاء التأشيرة

    وبالمناسبة أكثر الناس عندنا بالذات ما يفكرون يجددون أي معاملة لهم إلا قبل نهايتها بيوم أو يومين
    والأغلبية ما يدري عن رخصته ولا إستمارة سيارته ولا بطاقته ولا جوازه ولا إقامة عامل أو شغالته منتى تنتهي !
    يعني كأننا نحب المخالفات
    والدوائر الحكومية تحقق منا الملايين بسبب إستهتارنا
    يعني نٌستغل من الجميع ونسمح لهم يخالفونا
    وعندنا قاعدة نسمعها من الجميع
    ( يابن الحلال عطهم نفتك أهم شيء نخلص اليوم )

    لا تواخذني اخوي ابو فيصل ولكنها حقيقة أرها في ابناء وبنات وطني
    التعديل الأخير تم بواسطة نوافكو ; 08-19-2011 الساعة 03:18 AM

  6. #6
    فراشة المنتدى
    فريق المتابعة والاشراف
    نقاط التقييم  :  4196
    تم شكره        403 مره

    مقالات المدونة
    2  

    تاريخ التسجيل
    Jan 2006  
    المشاركات
    22,548  
    الفراشة غير متواجد حالياً
    تصدق أحس اني عشت الأزمه معك ماادري لكن في مواقف كثيره ألاحظ أن عندنا سوء بالاداره سواء شركات أو مؤسسات حكوميه أو خاصه كلها
    نفس المشكله !!

    سوء في الإداره ويحسسونك أن كل واحد يشتغل لوحده !!!

    الله يصلح الحال ..

  7. #7
    عضو متميز
    نقاط التقييم  :  486
    تم شكره        70 مره

    تاريخ التسجيل
    Sep 2008  
    المشاركات
    6,824  
    غريب المكان غير متواجد حالياً
    اقتباس المشاركة الأصلية كتبت بواسطة الهيئه مشاهدة المشاركة
    الله يكون في عونك ومشكور على الطرح
    اما ليش مايطور ويعملون هذه مستحيل حتى الجيل الحالي ونصف الجيل الجاي يموت علشان العقليه تتغير
    طالما انه العقليات الحاليه هي ماتغيرت انسى من التطور بالله روح شوف مطار دبي شوف كيف وبس
    الله يخلف علينا وعلى اموال الدوله.
    هلا فيك أخي الهيئة
    السؤال ليش إل حولنا تغيروا وحنا نتأخر
    ماناقصنا شيء بالعكس ظروفنا أحسن منهم
    أعتقد المشكلة في سوء الإدارة كل مسؤول همة البقاء في منصبه
    ولايهمه تطوير العمل وتشجيع الإبداع وينقصنا الإحساس بالمسؤلية
    والوطنية مع الأسف
    الله يصلح الحال بس

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.