النتائج 1 إلى 10 من 10

نحن والمحللين vs الهوامير ، نصائح توجيهات تطمينات

  1. #1
    عضو فعال
    نقاط التقييم  :  5
    تم شكره        0 مره

    تاريخ التسجيل
    Mar 2012  
    المشاركات
    83  
    مطـ النور ـفي غير متواجد حالياً

    نحن والمحللين vs الهوامير ، نصائح توجيهات تطمينات

    السلام عليكم
    أنا بكتب هذا الموضوع من باب الذكرى

    والعاقل من استفاد من التجارب

    أنا دخلت سوق الأسهم عام ألفين وسته مو مطفي النور إلا مغمض ومكسر الشمعات

    وربي وضعي المالي تردى جدا لدرجة إني رجعت ورى
    دقيت ريوووس

    تخيل انا داق ريوس والناس اللي بسني وأقل من عمري مشيلين من جنبي ومتعديني اللي بسيارة جديدة واللي متزوج واللي واللي

    وأنا داق ريوس

    ولو قلت لك أكثر يمكن تقول أبالغ في الحال اللي وصلته

    والحين أنا بالسوق

    فلابد تعرفون شيء

    إنك داخل مكان الداخل فيه مفقود والخارج منه مولود

    والداخل فيه نوعين

    نوع مستثمر إما طويل الأجل ولا قصير الأجل

    فأنت لابد أن تعرف إنك إذا كنت مثلي لابد قدام الشاشة أغلب اليوم على الأسهم وحرق أعصاب ونتف شعر وتأفف

    فغيرك اشترى من زمان وحاط بعينه هدف معين إما شهور أو سنوات كثيرة وممكن ما نختيلها بعد ومريح نفسه

    وسوق الأسهم كما يقول العلماء المختصين فيه اللي لهم نظريات إنه يمر بدورات وكل دورة أكبر من اللي قبلها

    يعني الأسهم هذه أظن ما راح تشوف سعرها وأظن حتى دبلها ما راح تشوفه

    ولكن لمن يصبر ويمتلك هذه الميزة

    ويمكن تموت وأنت ما شفتها

    ----------
    نجي للمحللين المحترمين

    لابد أن تتأكد أن هناك محللين متمكنين

    وهناك محللين من جنب القدة يعني ما عندك أحد
    يعني التحليل في وادي وهو في وادي آخر بالعربي

    فالسهم إذا بيحلله محلل فني ، المتمكن هو من ينظر للسهم في سياق الاقتصاد والأوضاع كلها

    ينظر للسهم من ناحية الشركة ومن ناحية عدد الأسهم وقوة الشركة وحاجات كثيرة وكيف كان إسلوب السهم خلال سنوات

    يعني واحد عارف الكوفت كله

    فأنت عندما تدخل مع محلل فني متمكن وواثق فيه
    فأنت سلمت عقلك لغيرك
    وأنت إذا دخلت مع محلل من جنب القدة
    فأنت سلمت عقلك لغيرك

    مالفرق بينهم

    لا فرق
    الفرق هو اختيارك

    فلا تلم إلا نفسك وإياك أن تلقي ملامة

    حتى لو كان مرجف أو كان يريد الشر لك

    فحاول أن لا تسلم عقلك لغيرك

    ولابد أن يكون لديك خلفية عن التحليل الفني والأسهم حتى تشوف وش عنده ذا

    والمحلل اللي يحفظ مالك هو أفضل من المحلل اللي يخليك تغامر وتروح في الطوشة وينزل سهمك ولا تعرف تتصرف وتختبص أمورك

    وتروح خيص بيص وتبيع بخسارة

    والأفضل منهم من يجمع بين الاثنين

    لأن فيه محللين ما عنده إلا فوووق فووووق

    ولا يعطيك حتى نبذة مختصرة عن توجه السوق هل هو في موجة صاعدة ولا هابطة

    وهذا أقل ما يقدمه المحللين لإخوانهم اللي محتاجين توجيهاتهم

    --------------

    الشاعر يقول

    الصبر ياهو يعذب والأماني موجعة


    سلاحك هنا الصبر والحزم

    تصبر على خسارتك إذا تبي تعوض ولو كلفك هذا سنوات

    حازم في قرارتك وقف الخسارة والأشياء اللي زي كذا


    --------------

    نجي للدراهم اللي معك وداخل فيها أسهم
    وتحملوني في العبارات

    إما إنك تدخل برأس مالك كله ------> فأنت أفدغ بين قوسين ( متخلف ) يعني مهبوووووول طماااااع مغااااامر

    وإما إنك تدخل بنصف رأس مالك ------ > فأنت يمكن نصف أفدغ

    وإما إنك تدخل بأقل من هذه فأنت رهيب


    ياخي مو لازم تدخل شركتين وثلاث وأربع وخمس

    شركة وحده وتتابعها شيء يخليك مركز وتعرف تتصرف يصير عندك ركود وصبر متزن وعدم تشتت

    ياخي مو لازم تتابع السوق كل يوم

    روح اذلف شوف لك أي صرفه تمش روح قشر بصل أي حاجه بالدنيا

    ولما تتأكد إن السوق استقر وصار وضعه ممتاز وصعود تعال

    السوق أكل مالنا وأكل وقتنا وصحتنا ونفسيتنا وكل شيء

    ياخي مو لازم تصير ثري
    ياخي مو لازم سوق أسهم

    فعلا أنا شفت ناس كاتبة مواضيع
    والله العظيم تفطر قلبي وجع وألم على ما حصل لهم من خسائر

    ياخي لازم تصير ذكي

    القناعة كنز لا يفنى

    الطمع ضيع ما جمع

    ------

    بالسنبة للسوق هذه الأيام

    << صدق إنه محلل

    على المدى البعيد إن شاء الله بتعين خير
    وعلى المدى القريب يمكن تروح مكروونة
    لأن الأغلب مو عارف يتصرف
    مو عارف كيف يبيع بوقف خسارة
    مو عارف هو تصحيح ولا انهيار
    وطاب في السوق
    وخسران ، هل يبيع ولا ينتظر
    ويفقد كل شيء
    ويمكن يرتد السوق
    وهو على الحديدة
    والكاش ملك

    أمور تخلي الراس يشيب

    الدراهم تشوفها قدام عينك تحترق

    << تذكر سهم عذيب
    لازم تتعلم

    نصف ساعه كل يوم خلها للتعلم بس

    والله العظيم إن شاء الله شهر وإلا أنت أقل شيء تفيد نفسك بنفسك

    ومع مشاركة أصدقائنا المحللين

    تعرف أنت وين دربك

    -----------

    نجي للهوامير
    الهوامير وما أدراك ما الهوامير
    هم يمكن تقدر تقول
    يلبسون شماغ وعقال ويركبون سياره ويقطفون وردة ويرسلون مسجات بالجوال ويمكن بعد يركبون ملاهي وياكلون آيسكريم

    لكن ياكلون دراهمك ويجبرونك بالتخويف والضغط عليك

    مثل الوحوش عند المال
    <<< يارب يارب أتعرف على هامور
    صحيح هم وين ساكنين ؟؟

    المهم

    الهامور دخل السوق ليه ؟


    يبي دراهم يبي فلوس

    والفلوس وينها اللي يبيها ؟؟

    عند الأفتش اللي ما يدري وين يشتري
    ولا يدري وين يبيع
    < مثلي طبعا

    فراح يبذل كل شيء عشان ياخذ منك بأقل سعر ويبيع عليك بأعلى سعر
    ما راح يرحمك ولو بقي فيك ريش بينتفه بعد

    إلا ما رحم الله

    وأخيرا

    إذا لم تتزود بالإمور التالية :
    العلم <-- وهذا الأهم
    المعلومة
    الصبر ثم الصبر ثم الصبر
    الحزم
    والاستشارة

    فاعلم أنك ستخرج كالمفقود

    وإذا لا
    فستخرج مكلوم ومألوم ومجروح

    في آمان الله الكريم








  2. #2
    عضو فعال
    نقاط التقييم  :  5
    تم شكره        0 مره

    تاريخ التسجيل
    Feb 2012  
    المشاركات
    95  
    blackink غير متواجد حالياً
    نعم الصبر هو كلمة السر في الاستفاده من سوق الاسهم وبقولك قصة واحد من اصحابي والله انه مايعرف يمسك الفاره ويتصفح النت والمنتديات بالكاد يقدر يدخل محفظته في السنه مرات معدوده لكن يملك قدره عجيبه في الصبر تعلق في 2006 في المراعي معدنيه القصيم ز اول شي معدنيه ارتدت في نفس العام 2006 وباعها بمكسب بسيط المراعي باقي عليه شي بسيط وتاركها استثمار واشتغل تعديل في القصيم ز الين فك التعليقه قبل شهرين باعها واشترى الانماء واعمار ولازال يملك السهمين بمكسب وقاعد يطق اصبع لنزول السوق
    يبغى يزود الكميه

  3. #3
    قلم متميز
    نقاط التقييم  :  4957
    تم شكره        1,287 مره

    تاريخ التسجيل
    Mar 2012  
    المشاركات
    13,667  
    $ أبـو وجـدان غير متواجد حالياً
    بارك الله فيك

  4. #4
    عضو فعال
    نقاط التقييم  :  9
    تم شكره        0 مره

    تاريخ التسجيل
    Mar 2012  
    المشاركات
    346  
    بوعزام غير متواجد حالياً
    الصبر طيب ,,

    وبعض المحللين أسميهم بـــ (المقتبسين) وكبيره عليه يكتب منقووووول

    المحللين الشطار صدقني مضغوطاً عليهم حد الدعسسسسسسسسسسسسه

    تسلم على الموضوع وتجربه عصيبه أتمنى أنها لا تتكرر لا لك ولا لغيرك

    تحياتي لك ,,,

  5. #5
    عضو متميز
    نقاط التقييم  :  139
    تم شكره        29 مره

    تاريخ التسجيل
    Mar 2012  
    المشاركات
    1,871  
    كلاش غير متواجد حالياً
    ماشاء الله عليك صامد

  6. #6
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2006  
    المشاركات
    567  
    السمراء غير متواجد حالياً
    بارك الله فيك

  7. #7
    عضو فعال
    نقاط التقييم  :  60
    تم شكره        0 مره

    تاريخ التسجيل
    Jun 2008  
    المشاركات
    239  
    العجوز غير متواجد حالياً
    تحفـــــــــــــــــــــــــــة في أسلوبك اأ ضحكك الله وبشرك في حسنة في الدنيا وحسنة في الاخرة .

    وأمطرك الله برزق من عنده حلالا طيبا أفتنـــــــــــــا .معلومات جدا رائعة .........................

  8. #8
    عضو
    نقاط التقييم  :  5
    تم شكره        0 مره

    تاريخ التسجيل
    Feb 2012  
    المشاركات
    17  
    حيسم بندقي غير متواجد حالياً
    كلام في الصميم

    اعتقلت مجمع الكلام السوقي

  9. #9
    عضو فعال
    نقاط التقييم  :  5
    تم شكره        0 مره

    تاريخ التسجيل
    Mar 2012  
    المشاركات
    83  
    مطـ النور ـفي غير متواجد حالياً
    شكرا لكم

    والله يسمع ممن دعا لنا
    وله بالمثل يارب

  10. #10
    عضو فعال
    نقاط التقييم  :  10
    تم شكره        مره واحدة

    تاريخ التسجيل
    Feb 2012  
    المشاركات
    293  
    علم دار غير متواجد حالياً
    والله انك فلتة انتا صح وهذا اللي ضيعنا الدلاخه اتلزايدة صراحة نصايح من ذهب وسلم على الفدغ كثيررررررررررررررررررر والذبابة ال*****ة اللي طيرة فلووووس العالم ( نطلب من الادارة الكريمة ) تثبت الموضوع وعلى قول طاهر كتالوج لاتطب علينا الدورية هههههههههههههههه

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.