النتائج 1 إلى 6 من 6

نم قرير العين

  1. #1
    عضو متميز
    نقاط التقييم  :  5
    تم شكره        0 مره

    تاريخ التسجيل
    Sep 2005  
    المشاركات
    1,611  
    The Investor غير متواجد حالياً

    نم قرير العين

    أوجه رسالة للوالد القائد خادم الحرمين الشرفين (حفظة الله وأطال في عمره)
    من واجبات الأبووووه أن الأب يستمع لصرخات أبنه وضمه على صدره وإذابة كل آلامه
    والملك زي ابوي،، لأحد يتدخل بين أب وطفله
    @ @ @
    @ @ @
    ابشرك يا خادم الحرمين الأسعار مضبوطة والمواد الغذائية متوفرة
    ما نقصنا بس إلا الخبز يرفعون سعره
    وخذ عندك بعض الأسعار
    قشطة المراعي صارت 4 ريال
    حبة المظبي 22 ريال
    الكفرات ارتفعت 30 بالميه
    الأدوية 25 بالمية
    تخيل يا خادم الحرمين جبن كرافت والمراعي السايل ارتفع
    طيب وش نسوي لبزارينا المشكلةيقدرون الكرافت السايل مع الصامولي
    الببسي صار 20.5
    والأيجارات أرتفعت
    وقسايم المرور زادت
    الحمدلله على النعمه أمن وآمان
    الله لا يغير علينا
    حتى رز ابو كاس ارتفع
    لا وازيدك من الشعر بيت رزمة الكراث والبصل صارت بريالين
    شفت شلون حنا بنعمه

    @ @ @
    بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه
    ونعطي لبنان مليار ونص دولار
    ونرسل لمصر المعونه السنويه
    تعرف ماشاء الله حنا.. من كثر الفلل التمليك.. الناس صارو يأجرون ببلاش
    ممكن طلب طال عمرك.. ابي سلف 12000 ريال
    عندي دين اسدد فيه لي سنه ولا خلص.. كل شهر 500 ريال
    الله يرحم حالنا والله..
    @ @ @
    ابشرك طال عمرك
    قبل كم يوم حطم سعر برميل البترول الرقم القياسي وصار يباع بـ 99 دولار
    ورصيدي أيضا حطم الرقم القياسي في نفس اليوم وصار فيه 17 ريال
    الحمد لله شفت كيف أنا بخير

    @ @ @
    أحب اطمنك صرنا نسوي رجيم غصب عنا
    تعرف اللحم ما عاد نعرفه
    حتى الدجاج ما عاد نأكله
    صرنا رشيقين
    تسمع بالكرش ما عاد نشوفها
    تسمع بالبطن اللي لاصق في الظهر
    يوووووه في كل مكان نشوفه
    نم قرير العين الشعب بخير
    لاتتعب نفسيا ودور في النت توأم تفصلهم
    توائمنا ليش ينفصلووو
    صلة الرحم زينه خلهم يتشابكون طول العمر
    يمكن لو فصلناهم يتهاوشون ويفترقون
    خلهم متشابكين في جسد واحد
    الله لا يغير علينا
    @ @ @
    ابشرك طال عمرك شعبك تطور
    استبدل البكاء بطعم الملح ببكاء بطعم الدم
    آآآآآآآآآآآآآآه يا حلو مذاقه
    ودك تجربه؟؟
    انا أقولك وشلون
    نظف منزلك من حليب الأطفال
    نظف جيبك من الفلوس
    نم ومخباك فاضي
    خل زوجتك تصحيك من النوم قبل الفجر
    وتقولك أن طفلك ما عنده حليب
    دق الشماغ ولف على جيرانك
    دور سلف.. علشان تشتري حليب لطفلك
    الجميع بيطردك لأنهم طفارى
    انس انك ملك وأرجع للبيت
    بتدخل على أنغام بكاء طفلك
    عندها ستحتقر نفسك وانت عاجز عن اشباع طفلك
    عندها ستلعن اليوم اللي انولدت فيه
    عندها ستلعن اليوم اللي انولد طفلك وصرت مسؤول عنه
    عندها ستضمه وستبكي من القهر
    ستنزل دموعك وتحس بطعم الدم في حلقك
    @ @ @
    تذكر طال عمرك يوم حنا صغار وش كانو يقولون لنا
    كانو يقولون الرجال ما يبكي
    عيب تطلع دموعه
    صرنا نصيح عادي
    البكاء صار ملازم لنا
    والسبب كومة لحم (أطفال ونساء) في رقبة الواحد
    يبكي لأنه عاجز عن توفير الحياة الكريمة لهم
    @ @ @
    بس ودي أقولك شي قبل ما أروح أصيح
    تدري وش معنى الرجل يبكي قدام زوجته وأطفاله
    معناها تساقط كل قيم الرجولة اللي تعلمناها في طفولتنا
    معناها إحساس المرأة بالانكسار وعدم الأمان
    معناها خنوووووع ما بعده خنووووع للظروف القاسية اللي وضعنا فيها
    معناها أمور كثيرة ما راح تفهمها..

  2. #2
    عضو متميز
    نقاط التقييم  :  5
    تم شكره        0 مره

    تاريخ التسجيل
    Jun 2006  
    المشاركات
    2,927  
    نوفان غير متواجد حالياً
    !!!!!!!!!!!!!!!!!!!!!!!!!!!!!!!!!!!!!!!
    موضوع راح مضمون وقته ...

  3. #3
    عضو متميز
    نقاط التقييم  :  7
    تم شكره        7 مره

    تاريخ التسجيل
    Jun 2006  
    المشاركات
    1,982  
    g333 غير متواجد حالياً
    هداك الله اخي
    ضخمت الامور فوق حدها وقلت

    ((((تسمع بالبطن اللي لاصق في الظهر
    يوووووه في كل مكان نشوفه )))))


    وين تشوفه
    والله ما احد ينام بهالبلد جوعان
    وهذي مناسبتنا ( اللي عنده وما عنده))




    ما وصلنا لهذه المرحله
    واحمد ربك على نعمة الامان
    هل وصلت الى حد هذا


    او

    او


    افتح التلفزيون من محطه لمحطه
    وشف البلاوي اللى بالعالم
    مجاعه وحروب وفيضانات
    اكيد تبي تقول هذا من اذناب ال سعود
    والله اني موظف عادي وساكن حي شعبي
    بس حبيت اوضح النعمه اللي حنا فيها
    هدى الله الجميع

  4. #4
    عضو متميز
    نقاط التقييم  :  7
    تم شكره        7 مره

    تاريخ التسجيل
    Jun 2006  
    المشاركات
    1,982  
    g333 غير متواجد حالياً
    الله عز وجل يسوق لهم النعم وهم يقابلونها بالإستهزاء والسخريه ماذا تركنا لقوم إسرائيل حيث إشتهروا بكفر النعمه

    بالنهايه أقول لكل من إستهزأ أو سخر أو إعترض ( العبره ليست في 5% أو 50% أو 500%)
    ولكنها ببركة الله في النعم التي لاتأتي إلا بشكر الله على النعم والبعد عن المعاصي

  5. #5
    عضو متميز
    نقاط التقييم  :  5
    تم شكره        0 مره

    تاريخ التسجيل
    Jan 2008  
    المشاركات
    812  
    المسـتشـار غير متواجد حالياً
    نحمد الله سبحانه وتعالى على نعمه التي لا تعد ولاتحصى
    اللهم لك الحمد والشكر كما ينبغي لجلال وجهك وعظيم سلطانك
    سبحانك اللهم لانحصي ثناء عليك انت كما أثنيت على نفسك

  6. #6
    عضو متميز
    نقاط التقييم  :  5
    تم شكره        0 مره

    تاريخ التسجيل
    Aug 2006  
    المشاركات
    13,291  
    بوسليمان غير متواجد حالياً
    الله يعطيك العافية ويرزقك من واسع فضله ويسعدك في الداريين
    تقبل مروري وتحياتي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.