النتائج 1 إلى 7 من 7

وسعوا الصدر هذي من أيام مايو 2004

  1. #1
    عضو فعال
    نقاط التقييم  :  5
    تم شكره        0 مره

    تاريخ التسجيل
    Apr 2005  
    المشاركات
    414  
    دحيم غير متواجد حالياً

    وسعوا الصدر هذي من أيام مايو 2004

    السلام عليكم ورحمة الله وبركاته

    هذي قصيده في انهيار مايو 2004 , تلقون كاتبها ما توقع أن يصير أرتداد وتدبل الأسعار مره ومرتين وثلاث , وشوفوها الأسهم رجعت ودبلت وأنشاء الله كاتبها أستفاد ودبل
    أتمنى أنها ترفع المعنويات شوي وأتمنى أن السوق يرجع والله يفك تعليقة كل متعامل في سوقنا
    ألفيه الأسهم (حلو الأسم ):

    ألف : أولف وأول السوق نسبــــه
    -------------- نسبة تحت ما عاد تحتاج حسبة
    سوق ضربنا فوق عشرين ضربــه
    ------------ والصبر زين إلا بسهم المواشي
    والباء : بدينا وأشترينا وبعنـــــــا
    -------------- وياليتنا فيما كسبنا قنعنـــــــــــا
    طرنا وتعلينا ولكن وقعنــــــــــــــا
    -------------- والصبر زين إلا بسهم المواشي
    والتاء : توقعنا تزيد المكاســـــــب
    -------------- وقلنا نبي نشرب لذيذ المشارب
    لكن ورطنا بين عارض وطالــــب
    -------------- والصبر زين إلا بسهم المواشي
    والثاء : ثبت عندي بعلم يقينــــي
    --------------- اني خسرت وراح ما في يميني
    الله على تسديد ديني يعينـــــــي
    ----------------- والصبر زين إلا بسهم المواشي
    والجيم : جمعنا سهوم كثيـــــرة
    ----------------- ولا درينا أن الدعاوي خطيرة
    حتى خسرنا والخسارة كبيــــرة
    ----------------- والصبر زين إلا بسهم المواشي
    والحاء : حسافة يا جماعة فلوسي
    -------------- حطيتها بأسهم وكسّرت قوسي
    صحيح هالدنيا عطتنا الدروسي
    ----------------- والصبر زين إلا بسهم المواشي
    والخاء خلاص اقول توبه ولا أعود
    ---------- لو كنت بالمكسب موصى وموعود
    وهذا قرار ما علي فيه منقــــود
    --------------- والصبر زين إلا بسهم المواشي
    والدال : دجينا بسهم المواشي
    ----------------- نشريه غالي ثم نبيعه بلاشي
    هذا جزات اللي شرا بالخشاشي
    ---------------- والصبر زين إلا بسهم المواشي
    والذال : ذاك اللي تسبب علينا
    ------------------ ويلاه لـو انـه يطيح بيدينــــــا
    من دون ذبحه كلنا ما رضينـا
    ------------------- والصبر زين إلا بسهم المواشي
    والراء : رمينا رمية دون رامي
    ---------------- وصابت وقلنا حرفنه ياسلامي
    السوق طيب لين جانا الصرامي
    ---------------- والصبر زين إلا بسهم المواشي
    والزاي : زدنا يوم شفنا المرابح
    --------------- وقمنا مع العالم نزيد المطابح
    ويمكن على بعض السهوم انتذابح
    ------------- والصبر زين إلا بسهم المواشي
    والسين : سوينا بها فاهمينــــــي
    -------------- نشري نقول السوق بكره يزيني
    نبغى المكاسب وأثرنا خاسريني
    --------------- والصبر زين إلا بسهم المواشي
    والشين : شاري يومه السوق غالي
    ----------- ما همني لو زاد فيها ريالـــــــي
    لا والله الا راح باقي حلالــــــــــي
    ------------- والصبر زين إلا بسهم المواشي
    والصاد : صدق اللي سهما منول
    -------------- حول ميه وسبعين واليوم حول
    ينزل الى ستين شي يهـــــــــــول
    -------------- والصبر زين إلا بسهم المواشي
    والضاد : ضاربنا بسهم الفنادق
    --------------- لكن رمونا مثل رمي البنــــــادق
    حتى زبنا بالحفر والخنـــــــادق
    --------------- والصبر زين إلا بسهم المواشي
    والطاء : طمرنا طمرة دون داعي
    ------------- نبغى النسب بالباحه أو بالجماعي
    واليوم يكفينا حليب المراعي
    ----------------- والصبر زين إلا بسهم المواشي
    والظاء : ظلمني من نصحني بتعمير
    ----------- ويقول لي هذا السهم مكسبه غير
    وانا مطبح فيه من دون تفكير
    ----------------- والصبر زين إلا بسهم المواشي
    والعين : عيوا يرفعون المؤشر
    ---------------- يمكن سياسة سوق لازم يخسر
    كم واحد من ذا المؤشر مدمر
    ------------------ والصبر زين إلا بسهم المواشي
    والغين : غيّر يالمحافظ وبدل
    ------------------ موضوعنا حله وبالسوق عدل
    نظامكم ما هو كتاب منزل
    ------------------ والصبر زين إلا بسهم المواشي
    والفاء : فتيحي مشترينه بطمعه
    ------------ لكن جانا منه عشرين قمعــــــــه
    ما اظن يستاهل حسابه وجمعه
    -------------- والصبر زين إلا بسهم المواشي
    القاف : قالوا بكره السوق يرتد
    --------------- والوضع اشوفه كل يوم يتعقد
    مقرود يامن طاع شور المقرد
    -------------- والصبر زين إلا بسهم المواشي
    الكاف : كافي يا وزير التجارة
    -------------- خمسين بالميه علينا خساره
    ان كان تفهم في فنون الاداره
    ------------- والصبر زين إلا بسهم المواشي
    واللام : لبنى يوم أغارت بلا خيل
    ----------- خذت بسطوتها سهوم الرجاجيل
    وخلت مدامعهم تبل المناديل
    --------------- والصبر زين إلا بسهم المواشي
    والميم : ما تنفع سهوم العوايد
    ------------- خسرانة وما عاد فيها فوايد
    الفايده بالكاش لا صار زايـــــد
    ------------ والصبر زين إلا بسهم المواشي
    والنون : نادوا من يعرف السلومي
    ---------- وقولوا توجه يم شيخ القرومي
    يحلها لا صار وقت اللزومـــــي
    ------------- والصبر زين إلا بسهم المواشي
    والهاء : هروج كل يوم تعادي
    ------------- كل يسوي فاهم ٍ واقتصــــــــادي
    ياطيبكم عند العشاء والمنادي
    --------------- والصبر زين إلا بسهم المواشي
    والواو : وهقنا المسمى ابراهيم
    -------------- يقول انا بقلب جميع المفاهيم
    ياعزتي له علقوه الشغاميــــــــم
    -------------- والصبر زين إلا بسهم المواشي
    والياء الاهي طالبك ترحم الناس
    ---------------- وان تنتقم من فعل الأنجاس
    ولا باس ياللي صابه الهم لا باس
    ------------- والصبر زين إلابسهم المواشي

    تحياتي للجميع وأتمنى تعجبكم

  2. #2
    عضو متميز
    نقاط التقييم  :  5
    تم شكره        0 مره

    تاريخ التسجيل
    Nov 2005  
    المشاركات
    902  
    الرأي الأول غير متواجد حالياً
    ألفيه الأسهم

    قصيدة تحاكي الواقع

    صح لسانك

    بس اخوي مايو فين واللي حن فيه اليوم وين فيه فرق كبير انا كنت في مايو بس ما صار معي زي ما يصير اليوم ابداااااااااااااا

    الله يسهلها وتزين

  3. #3
    عضو فعال
    نقاط التقييم  :  5
    تم شكره        0 مره

    تاريخ التسجيل
    Apr 2005  
    المشاركات
    414  
    دحيم غير متواجد حالياً
    أنشاء الله تتعدل الأمور أخوي ويرجع السوق أحسن من أول

    شكراً لمرورك أخوي

  4. #4
    عضو فعال
    نقاط التقييم  :  5
    تم شكره        0 مره

    تاريخ التسجيل
    Jan 2006  
    المشاركات
    295  
    الجبيري غير متواجد حالياً
    صح لسانك أخوي

  5. #5
    عضو متميز
    نقاط التقييم  :  69
    تم شكره        2 مره

    تاريخ التسجيل
    Nov 2005  
    المشاركات
    4,580  
    مسعود سعد غير متواجد حالياً
    صح لسانك أخوي

  6. #6
    عضو فعال
    نقاط التقييم  :  5
    تم شكره        0 مره

    تاريخ التسجيل
    Apr 2005  
    المشاركات
    414  
    دحيم غير متواجد حالياً
    شكراً على مروركم أخواني الجبيري &مسعود سعد


    وصح لسان قائلها


    سعيد أنها أعجبتكم

  7. #7
    عضو فعال
    نقاط التقييم  :  5
    تم شكره        0 مره

    تاريخ التسجيل
    Apr 2005  
    المشاركات
    414  
    دحيم غير متواجد حالياً
    واللام : لبنى يوم أغارت بلا خيل
    ----------- خذت بسطوتها سهوم الرجاجيل
    قصده لبنى العليان

    والواو : وهقنا المسمى ابراهيم
    -------------- يقول انا بقلب جميع المفاهيم
    قصده ابراهيم الراجحي

    ههههههههههههههههههههههههه

    والله ماشاء الله عليه شاعر

    توني أنتبه لها

    هههههههههههههه

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.