صفحة 1 من 2 12 الأخيرةالأخيرة
النتائج 1 إلى 15 من 25
  1. #1
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً

    وليمة على شرف كومااار !!!!

    السلام عليكم .. شلونكم ؟
    إتصل بي خويي كوماار الهندي صاحب البقاله . أهلين كومار شلونك ؟ قال كويس .. وش هالرقم ياكوماار ليش مغير رقمك .. قال انا سوي حادث انا في موت .. كومار انت مهبوول؟ قال مافي موت بس شويه وفيه موت .. بلا بشكلك يالخبل تكلم زين .. المهم ياكومار وش صار فيك وش الإصابات .. قال لا أنا كويس مافيه أصابات .. بس إنته لازم يجي أنا مشتاق إنته .. كوماار إحترم نفسك لاتقوول كلام حلو ..
    المهم قلت بالمناسبة السعيده هذي أروح لصديقي كوماار وخصوصا إني طفشاان هاليومين ماأدري شفيني ..أتصلت بكوماار وقلت كوماار بجيك وجايب معاي وليمه بمناسبة سلامتك الله ياخذ خشتك .
    رحت اشتريت بطيخه وجيت كوماار أثاري الخبل مجمع نص الجاليات اللي مالها داعي صدق إني جايب وليمه ..واستقبلوني إستقبال الفاتحين .. نزلت البطيخه من السياره وشافوها عرفوا إني ماعندك أحد وانسحبوا بكل إستحياء الله يفشلهم فشلوني .
    جلست أنا وصديقي كوماار .. مابوه بلا عساه للبلا . قال ليش مايحضن أنا ويقول الحمد لله على السلامه ؟ كوماار من زين صابرك . أحضن كفر ددسن ولا أحضنك إنثبر بس ..أشوا ياكومار إنته مافيه موت كان إبتلشت فيك يبغالي حمل شاص حطب عشان أحرقك .. كومار ورى ماتصير مسلم ؟ قال مايبي مسلم مسلم مشاكل كثير .. لا كوماار بس عرب مشاكل كثير مسلم مافيه مشاكل انت صير مسلم وضف وجهك للهند . عشان إذا انته موت محد يحرقك نار بالدنيا ونار بالآخره يادافع البلا .. يعني أموت شهيد .. كوماار بالله خشتك خشة شهيد إنثبر بس إنثبر .. إنت من وراك أرسلك لصباح الشحروره تروح تنسدح بجنبها وتموت بدالها .. هاه كومار شرايك تصير مسلم ؟ قال لا هذا مسلم وعرب كله جنجان .ليش عرب كله جنجان..؟ والله ياكومار هذا إسمه الربيع . متى خلاص ربيع؟ والله ماأدري ياكوماار الظاهر بعد 150 سنه . كتير ليش ؟ عشان الإخوه السودانيين تو بدأ ربيعهم وتخبر الإخوه السودانيين على أقل من مهلهم .
    إيه أخبارك بعد ؟ كويس أنا كلام مدام أنا يجي ولد . كومار خبل أنت كيف يجي ولد وانت لك ثلاث سنوات مارحت للهند ؟ لا لا هذا مدام يشتري ولد .أهاا أشوا .. لا فيكم الخير كومار هذا وانتم تعبدون بقرر . إلا على طااري البقرر ياكومار بكم البقره عندكم ؟ هذا رخيص ممكن 300 ريال . والله زين ياكومار تعبدونها ورخيصه . إحنا الحمد لله مانعبدها وسعرها عندنا ماأدري كم . بقول لك سالفه ياكومار إنت معلوم جمل ناقه ؟ إيه معلوم تصدق ياكوماار بس ماتضحك على نفر سعودي ترى أدبغك . هذا نفر سعودي عنده جمل يجيب سعر 40 مليون ريال .هو مافيه بيع . يجي نفر ثاني ينضله < بعدين اشرحها لك . بعدين جمل مووت . هو روح محكمه يشتكي نفر محكمه . ولا تدري هذي السالفه تفشل كومار ماأقدر أكملها .. إنتم بالهند عندكم قنابل نوويه وأحنا سوالفنا أكثرها مالها داعي .كوماار شرايك بالفنانين العرب ؟
    أنا يحب نانسي .. كومار إنثبر ..والله ياكومار بعض الأغاني تضحك ..
    نانسي عجرم تقول سلمولي عليه .. ليه شغالين عندك إحنا.
    ولا الثاني حسين الجسمي .. له أغنيه تقول 6 الصبح .. ليه عندك مدرسه مثلا.
    ونانسي بعد تقول لمسة إيد .. يعني شلون نحسبها ضربة جزاء ؟
    ولا الثاني هذا تامر حسني .. صحيت على صوتها .. ليش الأخ مصاحب ديك ؟
    وصابر الرباعي يقول أتحدى العالم .. هتلر على غفله ؟
    ونجوى كرم .. لها أغنيه بالروح بالدم .. سلامات طالعه مظاهره الأخت ؟
    والأخ عمرو ذياب ( أنا مهما كبرت صغير ) ليش حبيبي عندك مشاكل بالنمو ؟
    وشوف أغنيته الثانيه .. أنا عايش ومش عايش . يعني شلون نجي نعزي ولا مانجي ؟
    إنته فيه أهبل لا والله ياكومار مو أهبل بس في أشياء تهبل . شووف .
    شوف mbc لها دعايه ( رمضااان يجمعنا ) ليه رمضان آله حاسبه ؟
    تذكرت ياكومار دعاية ستاير سيدار .. تذكرني بملابس المرحوم القذافي .
    واللي يقهرني ياكوماار الدعايه ( جرير ليست مجرد مكتبه ) ليش فاتحين ديسكو بالدور الثاني مثلا ؟
    والله ياكومار تعبت وانا أسولف واللي متعبني أكثر يجيك واحد خشته مطعوجه يالله لك الحمد وأشهب مصدي ويقول لك ذبحنا الحر .. ماشاء الله الأخ مولود بموسكو ؟
    وين صديق انته سعيدان .. إسكت ياكومار لاتذكرني . زمان ياكومار كنا صغار نلعب كوره سيم سيم ميسي .. نتجمع بالحاره .. البلنتي ينحسب إذا حلف الواحد .. المرمى زنوبتين.. ويحلف الواحد أنها بالعارضه .. وإذا زعل صاحب الكوره ياخذ كورته ويخلينا مفهين بالشارع .
    عزيزتي البنت اللي كاتبه (سأكون لمن يستحقني ..ويتعب في الوصول إلي ) ليه كأس العالم ولا وش السالفه ؟
    على طاري الذكريات ياكوماار بقول لك شي ..
    زمان كنت صغير وكنت .. أستغرب من اللي يصير ..
    كانت أمي وأم فلان .. وكانت جارتنا أم تيسير..
    مره تحكي ومره تبكي .. ومره تهلل . ومرات تكبر تكبير ..
    تحكي عن أطفال أبطال .. هذا أستشهد وهذا أعتقلوه الخنازير ..
    وهذا يرميهم بحجاره .. وأمه تتباهى بالحاره ..
    غني ياشاعرنا غني ... عالهواره الهواره ..
    مايرهبنا ماترهبنا ... لا مدفعهم لا طياره .
    مجنونه هذي جارتنا .. صارت حكاويها كثير..
    وين المدفع والطياره .. يعني شلون ؟ يعني وشهو التحرير ؟
    ولما كبرنا شفنا كثير .. قادة وجيوش وطوابير .
    هذا أسد وهذا خطير ... واحنا نهتف وش بيصير .
    صارت أشياء وأشياء .
    ماتت جارتنا أم تيسير .
    وماتوا قادتنا شهداء .
    والقدس هذي مازالت .. يحميها شوية خنازير ...
    ******
    وإنتي ياعيوني إنتي .. أجمل من صبح العصافير
    لملمت كل أشيائي .. قلم .. وألم .. وقطعة حصير .


    كومار وين البطيخه ؟ خلاص بطيخه إنته كلام أنا أكل . بلا بشكلك يالخبل .


    تحيه لكم .






  2. 2 أعضاء قالوا شكراً لـ ساكن رصيف على المشاركة المفيدة:


  3. #2
    XموقوفX
    نقاط التقييم  :  653
    تم شكره        198 مره

    تاريخ التسجيل
    Apr 2009  
    المشاركات
    10,320  
    Bejad M غير متواجد حالياً

    Cool

    الله لا يحرمنا من كومار ....

  4. #3
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً
    اقتباس المشاركة الأصلية كتبت بواسطة Bejad M مشاهدة المشاركة
    الله لا يحرمنا من كومار ....
    ولا يحرمنا منك يابجاد

  5. #4
    عضو متميز
    نقاط التقييم  :  782
    تم شكره        249 مره

    تاريخ التسجيل
    Nov 2008  
    المشاركات
    8,262  
    دمي اخضر غير متواجد حالياً
    ياااااااااااااااااااااااا ااااااااااااااسلااااااااا اااااااااااااااااااااااام عليك


    تسلم يمينك والله ساكن
    اضحك الله سنك
    الله يحفظك ويرعاااااك والتوفيق والخير فااالك
    طول العمر اللهم امين






  6. #5
    عضو فعال
    نقاط التقييم  :  200
    تم شكره        33 مره

    تاريخ التسجيل
    Jun 2012  
    المشاركات
    221  
    رسييس غير متواجد حالياً
    يسعد مساك
    حتى الطفش له فائدة عندنا
    يُخرج ابداعات الطفشانين
    فضفضة رائعة وصح لسانك تشوف العجب بهالقنوات
    تحياتي

  7. #6
    قلم متميز
    نقاط التقييم  :  7086
    تم شكره        1,915 مره

    تاريخ التسجيل
    Mar 2011  
    المشاركات
    11,588  
    senseye غير متواجد حالياً
    تسلم أخي على هذه الفضفضة المحبوكة .ماشاء الله عليك اكيد دارس مقومات القصة الهزلية.وبزيادة اكيد أن الكرسي من حق العمد القديم وكمان على جال البحر .تخرج ماشاء الله إبداعات سلسلة العبارات محبوكة التراكيب.ولا اقول ايش رايك تصلح مسلسل للسدحان والقصبي في رمضان . اسمه له هدف. لاحرمنا الله إبداعاتك.والله متميز بإسلوبك .دمت لأخيك بصحة وعافية.

  8. #7
    عضو متميز
    نقاط التقييم  :  644
    تم شكره        110 مره

    تاريخ التسجيل
    Mar 2010  
    المشاركات
    4,626  
    m2010 غير متواجد حالياً
    أي زانت علومك يراع الرصيف:آه:ياراسي وياعيوني من قراة سالفة كومار" كوماار مايستاهل الحبحبة وينهي الحبحبه هاتها بقطعها هنا على رصيفك أبرد بها كبدي من غميصة كومار حن نبي سالفة مثل سالفت جدتك ثريا والدكتورة الي عالجتها يوم سخنت عليك في السوق]

  9. #8
    أبو طلال
    قلم متميز
    نقاط التقييم  :  4937
    تم شكره        1,406 مره

    تاريخ التسجيل
    Jun 2009  
    المشاركات
    24,651  
    الصقرالحر غير متواجد حالياً
    رائع أخي ساكن قلوب ،، فضفضة رائعة وواقعية ومنطقية جداً
    والله يهدي كومار ويسلم ويدخل الجنة ،،، لك حبي وودي وتقديري يارائع .

  10. #9
    نائب المشرف العام
    نقاط التقييم  :  7571
    تم شكره        1,561 مره

    تاريخ التسجيل
    Aug 2006  
    المشاركات
    14,499  
    الـبـقـمـي غير متواجد حالياً
    أحسنت ،، موضوع جميل جداً يتكون من عدة نقاط هامة على المستوى المحيط العربي عامة وبعض النقاط الهامة لنا

    في بداية الأمر تكلمت عن الحوادث المرورية بطريقة غير مباشرة وتمنيت التوضيح والتوسع فيها قليلاً

    وطريقة إقامة الولائم لأي مناسبة تحدث كـ (إسراف)

    حتى وصلت لأهم نقطة (الإسلام ) وعظمة هذا الدين ،، اللي للأسف ما عرفنا ننقله بالصورة المطلوبة لغير المسلمين

    مروراً بـ الربيع العربي وختتمت الموضوع بـ القضية الأساسية لنا (القدس)

    كان الطرح أكثر من رااائع بـ أسلوب ممتع

    تمنيت وأنا أخوك يكون الطرح لـ موضوع واحد ،، دون التفرع لعدة مواضيع في موضوع


    حتى يتم إيصال الفكرة أكثر ويكون لديك مساحة تتنقل فيها

    الله يعطيك العافية ،،،
    " منتدى الأسهم السعودية "

  11. #10
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً
    اقتباس المشاركة الأصلية كتبت بواسطة دمي اخضر مشاهدة المشاركة
    ياااااااااااااااااااااااا ااااااااااااااسلااااااااا اااااااااااااااااااااااام عليك


    تسلم يمينك والله ساكن
    اضحك الله سنك
    الله يحفظك ويرعاااااك والتوفيق والخير فااالك
    طول العمر اللهم امين





    ويحفظك أخوي العزيز دمي أخضر ... دائما مرورك مميز وراقي ... الله يحفظك .. ويسعدك
    التعديل الأخير تم بواسطة ساكن رصيف ; 06-27-2012 الساعة 12:01 PM سبب آخر: حرف

  12. #11
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً
    اقتباس المشاركة الأصلية كتبت بواسطة رسييس مشاهدة المشاركة
    يسعد مساك
    حتى الطفش له فائدة عندنا
    يُخرج ابداعات الطفشانين
    فضفضة رائعة وصح لسانك تشوف العجب بهالقنوات
    تحياتي
    صح بدنك أختي رسيس ... الرائع مرورك الجميل .. تحيه له

  13. #12
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً
    اقتباس المشاركة الأصلية كتبت بواسطة senseye مشاهدة المشاركة
    تسلم أخي على هذه الفضفضة المحبوكة .ماشاء الله عليك اكيد دارس مقومات القصة الهزلية.وبزيادة اكيد أن الكرسي من حق العمد القديم وكمان على جال البحر .تخرج ماشاء الله إبداعات سلسلة العبارات محبوكة التراكيب.ولا اقول ايش رايك تصلح مسلسل للسدحان والقصبي في رمضان . اسمه له هدف. لاحرمنا الله إبداعاتك.والله متميز بإسلوبك .دمت لأخيك بصحة وعافية.
    والله ياأبو ريان مادرست القصة الهزلية .. لكن تعلمت من أساتذه وكتاب هنا بالمنتدى شرواك وأستفدت منهم .. ولاعندي كرسي على البحر أصلا ماعندنا بحر ههههه ...
    أشكرك اخوي أبو ريان على تشجيعك لي وكلامك تاج على راسي ووسام على صدري .. والتميز هو مرورك الراقي والجميل .. كل الود لك

  14. #13
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً
    اقتباس المشاركة الأصلية كتبت بواسطة m2010 مشاهدة المشاركة
    أي زانت علومك يراع الرصيف:آه:ياراسي وياعيوني من قراة سالفة كومار" كوماار مايستاهل الحبحبة وينهي الحبحبه هاتها بقطعها هنا على رصيفك أبرد بها كبدي من غميصة كومار حن نبي سالفة مثل سالفت جدتك ثريا والدكتورة الي عالجتها يوم سخنت عليك في السوق]

    هلا بصديقي الغالي ... ياخوي وش اسوي أبتلشت بكومار وصحبته اللي مالها داعي هههههه
    وجدتي الله يعافيها .. تاركتني لها فتره مسافره بجوله عائليه .. وتخبر من لقى أحبابه نسى أصحابه .. وشكلها تتغلى علي ومسويه ثقل هههه
    شرفت ياصاحبي شرفت ..

  15. #14
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً
    اقتباس المشاركة الأصلية كتبت بواسطة الصقرالحر مشاهدة المشاركة
    رائع أخي ساكن قلوب ،، فضفضة رائعة وواقعية ومنطقية جداً
    والله يهدي كومار ويسلم ويدخل الجنة ،،، لك حبي وودي وتقديري يارائع .
    الرائع دائما مرورك الجميل ياصاحبي ... نورت يالصقر نورت ... الله يحفظك

  16. #15
    عضو متميز
    نقاط التقييم  :  407
    تم شكره        82 مره

    تاريخ التسجيل
    Jan 2012  
    المشاركات
    2,096  
    ابو ابراهيم ص غير متواجد حالياً
    انت كاتب روائي خطير
    ولك مني كل التقدير

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.