النتائج 1 إلى 4 من 4

ياقلبي الوقت أن كثرت عذاريبـــــــــة

  1. #1
    عضو متميز
    نقاط التقييم  :  5
    تم شكره        0 مره

    تاريخ التسجيل
    Jan 2006  
    المشاركات
    1,853  
    نكووووووتي غير متواجد حالياً

    ياقلبي الوقت أن كثرت عذاريبـــــــــة

    ياقلبي الوقت لا كثرت عذاريبه=
    وشلك بدنياك ما تقوى مناحاها

    تدري بطبع الزمن ياقلب وادريبه=
    ولابد الأيام تظهر لك خفاياها

    من عقب صافية فاولني حثاريبه=
    وقلّط همومه على نفسي وقهواها

    وما دام كلّن تخلاّ عن مواجيبه=
    وجنّب عن سلوم جدّانه وخلاّها

    أبعد وخل البشر مخطيه ومصيبه=
    الناس ماعاد ندري وش نواياها

    البنت باعت حياها اللي نناديبه=
    ماتدري ان الحياء أعظم مزاياها

    من زود قلّ الحياء صارت تماريبه=
    قامت تتبّع خطى الشيطان واغواها

    تمشي ورى الذيخ وتنفّذ مطاليبه=
    ياقلب شف تالي الدنيا سواياها

    والرجل ماعاد له قيمه ولاهيبه=
    وان قال له كلمةٍ ماعاد يحماها

    غيّر سلومه ومنطوقه واساليبه=
    وعوّد على هامته بالذل وارخاها

    قامت تقوده ( مرْه ) غصبٍ وتمشيبه=
    ياعنك مابه أرجالٍ تكرم لحاها

    يخضع على شانها ويبور بصحيبه=
    يخاف من هجرها القاسي وجفواها

    تلعب بقلبه وتقبل به وتقفيبه=
    وهو يدربي رويسه يتبع رضاها

    حتى لياجاك طيب وش ورى طيبه؟=
    لابد له حاجةٍ عندك ويبغاها

    يفز لا جيت ويكثّر تراحيبه=
    كل التراحيب لجل أرضاك بدّاها

    وإذا قضى لازمه بانت مخاليبه=
    وفعولك اللي معه بالطيب ينساها

    وآآشيب راسي من اللي شفت وآشيبه=
    وين الرجال العزيزة وين دنياها

    اللي جميع الكرم والطيب تحريبه=
    لا واحلالاه يادفنة ملحّاها

    وياقلبي الوقت لا دارت دواليبه=
    لابد الأيام تظهر لك خفاياها



    وسلامتكم جميعاً
    التعديل الأخير تم بواسطة نكووووووتي ; 02-25-2008 الساعة 08:59 PM

  2. #2
    عضو متميز
    نقاط التقييم  :  5
    تم شكره        0 مره

    تاريخ التسجيل
    Feb 2007  
    المشاركات
    9,081  
    نايف2007 غير متواجد حالياً
    صح لسانك يالغالي

  3. #3
    كاتب متميز
    نقاط التقييم  :  57
    تم شكره        8 مره

    تاريخ التسجيل
    Mar 2005  
    المشاركات
    2,476  
    ورد وسهم غير متواجد حالياً
    يعطيك العافيه قصيده روعه


    الف شكر لك

    عشت جو مع ابياتك الرائعه يامبدع
    لاصارات الشرهه اخر كلمة عتـــــاب ،، اجعل سكاتك اخر كلاماً تقـــوله

  4. #4
    عضو متميز
    نقاط التقييم  :  5
    تم شكره        0 مره

    تاريخ التسجيل
    Aug 2006  
    المشاركات
    13,291  
    بوسليمان غير متواجد حالياً
    صح لسانك و
    بارك الله فيك وجزاك الله خيرالجزاء

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.