النتائج 1 إلى 4 من 4
  1. #1
    عضو متميز
    نقاط التقييم  :  745
    تم شكره        124 مره

    تاريخ التسجيل
    Apr 2008  
    المشاركات
    14,480  
    راعي الفهدة غير متواجد حالياً

    يبو تركي


    يبو تركي نبغى المقانيص والصيـد
    جهز لنـا جيـبً جديـداً موديلـه
    راعيه ماجابـه بدفعـات تقصيـد
    مشراه كاش بجمركة مـن وكيلـه
    في حفظ ربي عن عيون الحواسيد
    الجيـب والسـواق معـه ألدليلـه
    أليا مشى يطوي الصحاري الجراهيد
    ولو قابله درب الوعر يستوي لـه
    صمم على شان الوعر والمسانيـد
    مثل الصقر مبـدأه راس الطويلـة
    وجهزلنا العزبة وخمسة بوار يـد
    عشق البـدو للبـر مافيـه حيلـه
    نبغى نروح بجـو مافيـه تعقيـد
    حتى رسـالات الفضـاء ماتجيلـه
    خوت نشامـا ماتجيـب المناقيـد
    من هرجهم ماتسمـع ألا الجزيلـه
    خوت مثل شرواك ياعاشـق البيـد
    مكسب لنا يابن الرجـال الأصيلـه
    ياما حلا الجلسة بوسط الأجاويـد
    في مجلس مافيـه نفس ثقيلـه
    هذا مثل قالوه قبلـي وأنـا أعيـد
    لأنه مثل مشهـور مالـي بديلـه
    وياما حلا الدلـه بجـال المواقيـد
    أمبهرة من بـن صنعـاء وهيلـه
    لسويت تجلي عـن البـال تنكيـد
    في وسط وادي توماسـال سيلـه
    والصبح نطلع عالي الرجم والحيـد
    ونشوف جول الصيد لجـا جفيلـه
    ونركي عليه وكـلاً يـدور الفيـد
    وسط الجبال الشامخـات المهيلـة
    وننزل عليه نشوف ضرب العباريد
    بالقلـب وألا بالعـظـام الثليـلـه
    نبغى الو ناسه باليـال المشاهيـد
    ماينعرف طول العمـر مـن قليلـه
    العمر يفنى والليالـي مجـاديـد
    وكلاً عـن الدنيـا يقفـي رحيلـه
    نطلب من الله ورد زيـن المواريـد
    ربـاً خلقنـا مايخيـب دخيـلـه
    التعديل الأخير تم بواسطة راعي الفهدة ; 03-14-2012 الساعة 01:14 PM

  2. الأعضاء الذين قالوا شكراً لـ راعي الفهدة على المشاركة المفيدة:


  3. #2
    XموقوفX
    نقاط التقييم  :  280
    تم شكره        93 مره

    تاريخ التسجيل
    Apr 2011  
    المشاركات
    1,833  
    آخ...ياقلبي غير متواجد حالياً
    يعطيك العافيه وصح السانك ..ابيات ولا أروع ..
    تحاتي لك

  4. #3
    عضو متميز
    نقاط التقييم  :  644
    تم شكره        110 مره

    تاريخ التسجيل
    Mar 2010  
    المشاركات
    4,626  
    m2010 غير متواجد حالياً
    هديه طال عمرك للقصيدة وراعيها فيها طاري قنص

  5. #4
    أبو طلال
    قلم متميز
    نقاط التقييم  :  4937
    تم شكره        1,406 مره

    تاريخ التسجيل
    Jun 2009  
    المشاركات
    24,651  
    الصقرالحر غير متواجد حالياً
    يعطيك العافية أخي الغاليأبا عبدالإله ،،،،، وصح لسااانك وسلم بنانك
    على القصيدة الرائعة المعاني ،،،، وياحلو طاري المقناص وهبة الريح
    ويازين الجيب وراعيه إذا وثق دركسونه ،،،

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.