النتائج 1 إلى 8 من 8
  1. #1
    عضو متميز
    نقاط التقييم  :  125
    تم شكره        144 مره

    تاريخ التسجيل
    Oct 2010  
    المشاركات
    9,342  
    AL danah غير متواجد حالياً

    Lightbulb يِمكنِ انِّي ع العِشِق لِسَّى توِّي صغيرة ويِمكنِ ان الحُب غَلْطة في زمن كله ذئاب

    أصعَبْ أيَّام بحياتي واقْسى لحْظاتي المَرِيرَة
    يُومِكِ اتجيني وتِعْلِن في سَما عُمري الغياب


    والله ماشُفتِ بْحياتي .. مِثْلها لحظة عَسيرة
    ومااعْتقِد ممكن أجَرِّبْ .. أقسى من هذا عِقاب


    أقسم أن الوقت قاسي وهذي الدِّنيا حقِيرة
    مِن تِحِبَّه بْصدق تِزرع بينك وبينه حجاب


    في زمنَّا تعبت أدَوِّر .. للعشق موطِن ودِيرَة
    تعبت أدوِّر عن ملامِح حُبي في دنيا السَّراب


    صِدق لاقالوا: (قِصِيرة اليَدْ وعُيونِك بَصِيَرَة)
    صِرتَ اشوفِك أبْعَد وأبْعَد مِن آفاقِ السَّحابْ


    يِمكنِ انِّي ع العِشِق لِسَّى أنا توِّي صغيرة
    ويِمكنِ ان الحُب غَلْطة في زمن كله ذئَاب


    أدْري إني في حياتك (مشكلة جدَّاً كبيرة)
    وادري إنك من سبب حُبي جَنيت أكبر عذاب


    علِّم اللي عاش في الدنيا وهُو فاقِد ضميره
    علِّم اللي غَرَّقُونا داخل أكوام العتاب


    علِّم اللي ماكفى شرَّه ولاورَّانا خيره
    علِّم اللي في هَوَانا .. لامِنا .. وجَرَّحْ .. وعَابْ


    واللي من نبض الوفا عاشَت مشاعرهم فقيرة
    قل لهم : مِن حَبْ يخلص .. يِمْتِطي ظهر الصِّعاب


    قل لهم : اللي تِفَانَى في الهوى يِحفَظ مسيره
    قل لهم : لازِم يِضَحِّي ولازم إنَّه مايِهَاب


    قل لهم : ماتِحب غيري وقلبي مابِتْحِب غيرَه
    وافِيَة لو هُو عُمُرها من جِفا الأيام شاب


    مااقدر أنساها وعودك .. والأماني بي كثيرة
    قلت لي: ( وعْد ابْقَى جنبك دوم أنا وانتي قراب)


    كيف ابنسى وصوتك اللي بمسمعي زايد هديره
    كيف ابنْسى اللي فـ ضُلُوعي مِن غرامه القلب ذاب


    قل لي كيف انسى بربِّك .. حالتي والله خَطيرَة
    عَطْنِي للسَلْوَى طريقة ولِكْ مِن المولى ثواب


    شِف دموعي كيف تَذْرِف فُوق خدِّيني غَزيرة
    والأمل داخل كياني إنْطفَى ضوه وغاب


    قلبي اللي بِك تولَّع ياعسى ربي يجيره
    من هجر صوَّبْت سهمه في مَعَاليِقه وصَاب

    أَعْرِف ان الورد مايِهْدَى وهُو فاقِد عبيره
    وأعْرِف ان الجرح في بُعدك أبد مايوم طاب


    رَجِّعَه قلب(ن) ملَكْتَه وبين يَدِّيْنِك تِدِيرَه
    لو تشوف انه غرامي لك غدا ضدِّ الصوابْ


    أسألك بالله قِل لي .. بس ابي كلمة اخيرة
    باسالك واحتاج ردك .. لازم ترد الجواب


    قِدْرَت عُيونك في بُعْدي تْنام مرتاحة قريرة؟؟
    هل جِفِن عينك تِهَنَّى بْنُومته فبُعْدي وطاب؟؟


    أو عيونك مثل عيني .. مسامرة الطيف وسِهِيرة
    قل لي في بُعدي أمانة .. عادي يومك أو عذاب؟؟


    .



  2. 3 أعضاء قالوا شكراً لـ AL danah على المشاركة المفيدة:


  3. #2
    عضو متميز
    نقاط التقييم  :  219
    تم شكره        78 مره

    تاريخ التسجيل
    Oct 2004  
    المشاركات
    3,357  
    نسبتين وبس غير متواجد حالياً
    يِمكنِ انِّي ع العِشِق لِسَّى أنا توِّي صغيرة
    منتب صغيرة توكلي على الله وقولي تم

  4. #3
    أبو طلال
    قلم متميز
    نقاط التقييم  :  4937
    تم شكره        1,406 مره

    تاريخ التسجيل
    Jun 2009  
    المشاركات
    24,619  
    الصقرالحر غير متواجد حالياً
    يعطيك العافية أختي الدانة ،، وسلمت يداك وحفظك مولاك ،،،
    قصيدة رائعة وجميلة ،، دمتي بخير

  5. #4
    عضو متميز
    نقاط التقييم  :  70
    تم شكره        71 مره

    تاريخ التسجيل
    Apr 2009  
    المشاركات
    9,687  
    الفجرالبعيد غير متواجد حالياً
    قِدْرَت عُيونك في بُعْدي تْنام مرتاحة قريرة؟؟
    هل جِفِن عينك تِهَنَّى بْنُومته فبُعْدي وطاب؟؟



    قصيدة رائعه بكل معنى الكلمه
    ابياتها ومعانيها تحكي وتتطرب من يقرئها ......الله لايجيب بعد بين الاحباب





  6. #5
    عضو متميز
    نقاط التقييم  :  486
    تم شكره        70 مره

    تاريخ التسجيل
    Sep 2008  
    المشاركات
    6,823  
    غريب المكان غير متواجد حالياً
    الله يستر من هذا الحب ماخلى أحد يتهنى
    يقولون الحب عذاب وأنا أقول الحب نعيم
    حتى لوما كان فيه وصال يكفيني إنه هو حبيبي

  7. #6
    قلم متميز
    نقاط التقييم  :  2645
    تم شكره        493 مره

    مقالات المدونة
    1  

    تاريخ التسجيل
    Jan 2008  
    المشاركات
    10,978  
    وحـــــد1ني غير متواجد حالياً
    قصيدة جمييييييلة وصح لساانك..وكان ودي اعطيك شكر وتقيم لكن كلهم خلصو ...

    تعرفين اخر الليل خخخخخخخ

    الله يسعدك..

  8. #7
    قلم متميز
    نقاط التقييم  :  1438
    تم شكره        349 مره

    تاريخ التسجيل
    Apr 2008  
    المشاركات
    12,712  
    ساكن رصيف غير متواجد حالياً
    كيف ابنسى وصوتك اللي بمسمعي زايد هديره
    كيف ابنْسى اللي فـ ضُلُوعي مِن غرامه القلب ذاب


    قل لي كيف انسى بربِّك .. حالتي والله خَطيرَة
    عَطْنِي للسَلْوَى طريقة ولِكْ مِن المولى ثواب



    صح لسانك الدانه .. قمة الإبداع

  9. #8
    عضو متميز
    نقاط التقييم  :  125
    تم شكره        144 مره

    تاريخ التسجيل
    Oct 2010  
    المشاركات
    9,342  
    AL danah غير متواجد حالياً
    ربي يبارك فيكم

    سلمتوا ولاهنتوا...

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

SEO by vBSEO ©2011, Crawlability, Inc.