البل عطايا الله هـوات المناعيـر
محد(ن) يرخّص سعرها من غلاها |
يا ما حـلا درّ البكـار المصاغيـ
رلا جيـب للضيفـان حـزّة قراهـا |
شمخ الذرا فيهاعجيـب التصاويـر
الله خلقهـا اية(ن)هـو حمـاهـا |
ضرب بها الامثـال رب المقاديـ
رمن بين لحـم ودم اخـرج دراهـا |
ماتلتفت لو كان تمشـي مشاويـر
سفينة الصحـراء وزينـة ثراهـا |
لا شفتها تمشي تسطّـر طوابيـر
مثل السريه والفحـل مـن وراهـا |
ولا حدّه(ا الراعـي) تجنّـه مغاييـر
تحفظ طريق(ن) قد مشنّّه خطاهـا |
ولا دارها الحلاّب حنّـت مزاميـر
تملا له الماعون لـو هـو بغاهـا |
ولا جاء فحلها تنحني له مداويـر
يديرهـا وهـو بالهديـر ايدراهـا |
قامت تزاحم فوق حوض(ن)مساوير
وقامت تفاهق من روى جم ماهـا |
ولا جاتني تعدي تزرفـل مزافيـر
هزت ظهرهـا والحويّـر ذراهـا |
حمر(ن) وجهم(ن) والحلا بالمغاتير
وصفر(ن) وشعلا(ن)ما تميّز غشاها |
فجّ المناحر شامخـات المظاهيـر
ومن شافها سبّح لمن هو عطاهـا |
نرخص لها الغالي وكـل الدنانيـر
وماهي خساره بالذهب لو شراهـا |
ملقى لها لو جيت أببعـد معاذيـر
والروح معهـا والجـوارح تباهـا |
في جلسة(ن)فيها وجيه(ن)مسافير
بين الربوع وقمرة(ن)فـي سماهـا |
والذود في شبكه بارض(ن)مقافيـر
وشرحة صدر لا ما نـدوّر سواهـا |
فيها القلوب انظاف نطق وتفاكيـر
عن الردى والسوء ربـك عماهـا |
ناس(ن) كرام ماتحسب المخاسيـر
على الوفاء والطيب منبـع نماهـا |
والمعذره ان كان جتكـم تقاصيـر
تمت وفكري حسب شوفـي بناهـا |