ستـل جناحـه ثــم حـــــــــام
يرقـا عـلـى مـتـن الـهـوا
يــزفـــة بــعــيــد وأنــــــــا
محـدود فـي حـد النـظــــــر
له بالهـوى شـف ومــــــرام
يلعـب مـع الغيمـة ســــــوا
ولا جـنـاح لـــي وأطـيــر
والارض صارت لـي مقــــر
طيري ضـرب جـو الهيـام
ولــو دعيـتـه مــا الـتـوى
عـزي لـمـن طـيـره غــدا
ولا لــه مــن امــره مـفـر
فكـري تغشـاه العـسـام
أمسيت وفكري ماضوى
الأرض قفـر مـن الونـس
والليل مـن فرحـي قفـر
شبيـت ضــوي بالـظـلام
في صحصح ذيبـه عـوى
مالـي أنيـس إلا النجـوم
أو نـــور وضـــاح الـقـمــر
خالي وكني فـي زحـام
قلبـي تلـهـب وانـشـوى
مـاعــاد أمـيــز بالـحـشـا
والا علـى الـضـو الجـمـر
وين أنت ياداعـي سـلام
ويـــن أنـــت يـابـايـع دوا
ردوا لــي النـومـه تــرى
بالعـيـن جـــلاد الـسـهـر
دورت بـالـشـده حــــزام
ولا لقـيـت الـــي قـــوى
يالله دخـيـلـك مـالـقـيـت
اللـي نـشـد بــه الظـهـر
المشاركة الأصلية كتبت بواسطة معاند
