شيله جنوبيه ... ترجمي يالهاشميه
نصف الكلمات مافهمتهم !!
اتسلى بالطرب غير والله العظيم
ان قلبي مع طواريك ياكله الندم
لو خلا قلبك من الحب واعدمه النديم
والله ان قلبي معك لا لاخلا ولا عدم
جعل قلب مايحبك يجاذب كل ضيم
لا تحن ولا تجيره وقول الأنعم
صرم حالي صرمت الزرع بحدود الشريم
كلما ذكرتك أصرم شعوري بالقلم
كل برق له ضيى كل رعد له هزيم
وأشهد ان شوفي ضوى وأشهد ان صدري هزم
صاحبك يهزه الشوق للعهد القديم
كلما زاد الوله كلما سج القدم
المشاركة الأصلية كتبت بواسطة شييمه
المشاركة الأصلية كتبت بواسطة الهاشميه4
كلك مفهوميه ياشييمه
بس التعقيد في فهم المعنى في بعض الشيلات طالع موضه
بالجنوبي هذا يعتبر كأنه يتكلم فصحه
لكن حسب فهمي المتواضع
يقول أتسلي بالطرب والدندنه هههه بس والله العظيم قلبي مانساك ومع كل طاري أتحسف علىبعدك
واحس بالندم ( ومادري كيف تجي دندنه وطرب وهو قلبه مأكله الندم حاله والله حاله )
بعدين يقول طويل العمر لو ماصار لي في قلبك مكانه وماعاد أنا لك بصاحب ( نديم ) أنا ما أنساك وقلبي
معك ولا خلا منك ولاعدم ( كثر منها بس )
بعدين قام يدعي ويقول جعل قلب ياصاحبي ما يحبك يجيه الضيم من كل مكان ( وشوله تدعي على خلق الله
هذا موحب هذا أعجاب عوذه ) يقول لاتحن ولاتجبره متفلسف مدري إيش يقصد
صرم حالي وحصدت الزرع وهو بعده صغار بحدود الشريم مكان ما يرتفع عن الأرض إلا مسافه بسيطه جدا
وكلما تذكرت أقطع هذا الشعور لنه يألمني واروح أكتب واشخبط .... (والله لوانها أمك ماتعسف نفسك بهالشكل )
كل برق له ضييء إي يسطع نوره بقوه والرعد مسموع له صوت ومعنى هزيم صوت الرعد
يقول أنا مثل البرق شوقي صار واضح ومبين على شكلي وضلوعي مثل الرعد تسمع خفوقها وولها عليك
( أشوه أحسبها تكسرت )
بعدين يقول انا ما أنسى الأيام الحلوه القديمه ودائما اتذكرها وكلما زاد الوله سجيت
( شييمه الشعراء يقولون مالايفعلون يعني في اليوم يخبط مائة خبطه مره حزين ومره ولهان ومره يتعزل
وعلى هالحال ليوم يبعثون )
المشاركة الأصلية كتبت بواسطة شييمه
الله يسلم ايديك ويعافيك
صرم حالي صرمت الزرع بحدود الشريم
هذي دورة معناها ماعرفته الا منك
كل الشكر عزيزتي