المشاركة الأصلية كتبت بواسطة ابن الصحرا
كنت اختصر بعض الابيات عند مانشرها بالمنتدى فواجهت مشكله من هذا الاختصار
حيث كانت تضيع علي الابيات التي لم انشرها فاتعب بالبحث عنها بالاوراق او بالجهاز لذلك
اضفت ماكان مختصر من هذه الابيات وسوف اقلل من الاختصارات
ياللي نقلت العلم بالهون بالهون *
- بعض العلوم المخطيه لاتجيبه
لودافعك غيره ماني منك ممنون *
- الفارغه مفروض ماتعتني به
ومن شان يبقى سر الاحقاد مدفون *
- اباعتبرها هرجة ٍ ماحكيبه
لو صرت انا فيها طرف وش يقولون *
- اهل العقول النيره واللبيبه
الى صار ماضينا عن الشين مصيون*
- من فضل ربي ماحصل ما يعيبه
حنا لنا سيره لها الناس يثنوو*
- ان عارض الجهال ماهي غريبه
واهل العقول الصاحيه مايطيعون*
- لو قال نقال العلوم وصحيبه
وان شفت لك جاهل من الغيظ مشحون *
- مثل مريض ٍ حايرن به طبيبه
تلعب به افكاره على غير قانون *
- خله يواصل سيرته وش تبي به
خله يلالي والخلايق يعرفون *
- كل ٍيعرف المخطيه والمصيبه
وانا ماجاري واحدا شبه مفتون*
- تحسب علي غلطه وغلطه رهيبه
والناس للميزات والعيب يدرون*
- وكل ٍعلى فعله يحصل نصيبه
ولابد ناس ٍبالمجالس يهرجون*
- كل ٍ يعدونه بعيبه وطيبه
رجلا يجيك اسمه مع النعم مقرون*
- ورجلا الى جا اسمه تقفاه خيبه
والوقت ماشي والعرب مايقيمون*
- جيل ٍ له الطوله وجيل يحكيبه
ونهاية الموضوع والعلم مضمون*
- راع الخطا لازم يحس بغليبه
لا اله الا الله
صح لسانك شاعرنا الكبير
ماشاء كل بيت عن قصيده
قصيدة معززه بالحكمه صعبت عليه الاختيار
لكن هذا البيت
انا ماجاري واحد شبه مفتون
تحسب علي غلطه وغلطه رهيبه
اصبت وزن الامور نصفها في حفظ اللسان
والبيت الاخر
رجلا يجيك اسمه مع النعم مقرون
ورجلا لجا اسمه تقفاه خيبه
وهذا ايضا يوضح ان هيبة الرجال في منطقها الجانح الى التميز والعقل
الحقيقة انها قصيده رائعه ومن روائع شعر شاعرنا
نتظر الجديد والقصايد الطويله افرد لها موضوع خالص لاهنت
بارك الله فيك وزادك من فضله
