احفظ لسانك لابلوك المعاثير
والكلمه اللي دون ميزان خفها
يجوز ترمي كلمةٍ دون تفكير
والصبح سودان القلوب تخطفها
احفظ لسانك لابلوك المعاثير
والكلمه اللي دون ميزان خفها
يجوز ترمي كلمةٍ دون تفكير
والصبح سودان القلوب تخطفها
المشاركة الأصلية كتبت بواسطة الزعيمه
الدموع ان روحت روحت
نعم--- كتمت سري والبشر ماهم دارين
لكن اخاف بدمعتك تفضحيني
نورتي ام عبدالله
يقضب عليك المخطيه من حججها
حلوا نباه وقلبه اسود من الصاج
تحياتي سما
اذا ابتـلاك الله بـأمـر و تأذيـت
اصبر وربي يغفر الجهل والعمْد
.
يا شينها لا قلت انا ويش سويت
ويا زينها لا قلت ربي لك الحمد
عبدالله الروضان
اهلا سماسم حياك الله ووشكرا لك على طرح هذه الحكمه الجميله
ولك تحياتي
لاتحط العـباه سـتارة ٍدون شــوفــي
عنك اصد النظر دامك بخيل ٍ بشوفك
وامنع نظرة عيوني عنك لو في كفوفي
لو شقا القلب في وافي محاسن وصوفك
لكن قـدام عـيـني لاتـعـيد الـوقـوفـي
ولاتهصر تقل تاطالقزاز بـخـفـوفـك
لو سبب صدك القاسي صعيب الظروفي
كان اباصبر واحاول لين تسمح ظروفك
ولو انك معي تسلك سلوب مخفوفي
كان عنك ابتعد واقول جعله ذلوفـك
صح لسانك شاعرنا وعلا شانك
ابيات رائعه جداجدا
واضحة المعني وسلسلة الكلمات
لكن تهصر تقل تاطاالقزاز )
عذرا ما وضح لي معناها
نتظر الجميل والجديد بارك الله فيك شاعرنا
حياك الله ايهاالاديبه
هناك بعض الناس لما يمشي كانه يهمز الارض بشويش او كانه يمشي على حاجه يخاف انها تنكسر
او كما يقول البعض فلان كانه يمشي على بيض
وسلامتك الهاشميه
صحيح عند الضيق تحتاج للـ بوح
. بس الأصح تواجه الضيق بالصمت
كم كلمةٍ تنطـق بها وانـت مجـروح
. و اذا سلى الخـاطـر عليهـا تنـدمـت
ياصرت ماترغب التوضيح
بالهرج عن سرك الخافي
ون كان عبرت بالتلميح
بعض العرب جاه خفخافي
الف شكر لك سما نجد على المرور
ضايق و مستانس و راضي و زعلان
مدري وش آللي جمع الكل فييني
احيان اجر الصوت مغرم وطربان
و احيان اجر الصوت و تھل عيني
( استغفر الله العظيم واتوب اليه )
اهلا ام عبدالله
هذا يقول
اناشاعر وانا تاجر وانا صاحي وانا مجنون
اكبسها والبسها واضحكها وبكيها
لابد من عقب المطاريش معواد
ولابد من عقب المواجع عوافي
ولابد من عقب السهر لذة ارقاد
ولابد من عقب الكدر جو صافي
طراش عاد وفيه طراش ماعاد
والله عليم بخاتمات الخوافي
واحيان من عقب السهر تاصل الماد
وعسى حمولك في مسيرك خفافي
والف شكر سماسم
كنا مع الوقت شيل وحط وجهادي = تاريخ قاسي لكن ذكراه تطربنا
حيثه يهون الشقا في خدمة بلادي = ارواحنا دون حده هي جلايبنا
مع خدمة الدين نحفظ ورث الاجدادي = من شان جيل ٍ ورانا لايعاتبنا
ومنها
نبي شباب ٍ على الشدات يعتادي = ناثق بهم والعدا تهاب جانبنا
يجون للطامعين خزام وقيادي = ناس ٍ هدفها تعكر في مشاربنا
كم للوطن ياشباب اعداء وحسادي = كل ٍ يبي فرصته من شان ينهبنا
احموا ديار الكرامه دار الامجادي = ماغيرها دار بالاقطار تعجبنا
هي مهبط الوحي منبع سيرة الهادي = فيها ربينا ومنها ساس منسبنا
كونو لها سور عن طماع ومعادي = سلم المسالم وحرب لمن يحاربنا
تحت ذرى من لهم بالنصر ميعادي = في ظلهم بالعدى تسطي مضاربنا
عاداتهم يكسرون خشوم الاضدادي = لين المعاند بعد طيشه يصاحبنا
اللي لهم صعبت القالات تنقادي = معهم وفا اجدادنا للدار يجذبنا
اللي لصقر الجزيره حبهم زادي = ماتختلف عن مذاهبهم مذاهبنا
في عهدهم مر قرن ووضعها هادي = ومن هيبة ابطالها شفنا مكاسبنا
مرت مئة عام وهي بافراح واعيادي = وعلى نموذج فعايلهم تخاطبنا
الى اخره
ضوابط المشاركة
