احفظ لسانك لابلوك المعاثير
والكلمه اللي دون ميزان خفها
يجوز ترمي كلمةٍ دون تفكير
والصبح سودان القلوب تخطفها
احفظ لسانك لابلوك المعاثير
والكلمه اللي دون ميزان خفها
يجوز ترمي كلمةٍ دون تفكير
والصبح سودان القلوب تخطفها
اذا ابتـلاك الله بـأمـر و تأذيـت
اصبر وربي يغفر الجهل والعمْد
.
يا شينها لا قلت انا ويش سويت
ويا زينها لا قلت ربي لك الحمد
عبدالله الروضان
لاتحط العـباه سـتارة ٍدون شــوفــي
عنك اصد النظر دامك بخيل ٍ بشوفك
وامنع نظرة عيوني عنك لو في كفوفي
لو شقا القلب في وافي محاسن وصوفك
لكن قـدام عـيـني لاتـعـيد الـوقـوفـي
ولاتهصر تقل تاطالقزاز بـخـفـوفـك
لو سبب صدك القاسي صعيب الظروفي
كان اباصبر واحاول لين تسمح ظروفك
ولو انك معي تسلك سلوب مخفوفي
كان عنك ابتعد واقول جعله ذلوفـك
صحيح عند الضيق تحتاج للـ بوح
. بس الأصح تواجه الضيق بالصمت
كم كلمةٍ تنطـق بها وانـت مجـروح
. و اذا سلى الخـاطـر عليهـا تنـدمـت
ضايق و مستانس و راضي و زعلان
مدري وش آللي جمع الكل فييني
احيان اجر الصوت مغرم وطربان
و احيان اجر الصوت و تھل عيني
( استغفر الله العظيم واتوب اليه )
لابد من عقب المطاريش معواد
ولابد من عقب المواجع عوافي
ولابد من عقب السهر لذة ارقاد
ولابد من عقب الكدر جو صافي
كنا مع الوقت شيل وحط وجهادي = تاريخ قاسي لكن ذكراه تطربنا
حيثه يهون الشقا في خدمة بلادي = ارواحنا دون حده هي جلايبنا
مع خدمة الدين نحفظ ورث الاجدادي = من شان جيل ٍ ورانا لايعاتبنا
ومنها
نبي شباب ٍ على الشدات يعتادي = ناثق بهم والعدا تهاب جانبنا
يجون للطامعين خزام وقيادي = ناس ٍ هدفها تعكر في مشاربنا
كم للوطن ياشباب اعداء وحسادي = كل ٍ يبي فرصته من شان ينهبنا
احموا ديار الكرامه دار الامجادي = ماغيرها دار بالاقطار تعجبنا
هي مهبط الوحي منبع سيرة الهادي = فيها ربينا ومنها ساس منسبنا
كونو لها سور عن طماع ومعادي = سلم المسالم وحرب لمن يحاربنا
تحت ذرى من لهم بالنصر ميعادي = في ظلهم بالعدى تسطي مضاربنا
عاداتهم يكسرون خشوم الاضدادي = لين المعاند بعد طيشه يصاحبنا
اللي لهم صعبت القالات تنقادي = معهم وفا اجدادنا للدار يجذبنا
اللي لصقر الجزيره حبهم زادي = ماتختلف عن مذاهبهم مذاهبنا
في عهدهم مر قرن ووضعها هادي = ومن هيبة ابطالها شفنا مكاسبنا
مرت مئة عام وهي بافراح واعيادي = وعلى نموذج فعايلهم تخاطبنا
الى اخره