بعض من كل
كنا مع الوقت شيل وحط وجهادي = تاريخ قاسي لكن ذكراه تطربنا
حيثه يهون الشقا في خدمة بلادي = ارواحنا دون حده هي جلايبنا
مع خدمة الدين نحفظ ورث الاجدادي = من شان جيل ٍ ورانا لايعاتبنا
ومنها
نبي شباب ٍ على الشدات يعتادي = ناثق بهم والعدا تهاب جانبنا
يجون للطامعين خزام وقيادي = ناس ٍ هدفها تعكر في مشاربنا
كم للوطن ياشباب اعداء وحسادي = كل ٍ يبي فرصته من شان ينهبنا
احموا ديار الكرامه دار الامجادي = ماغيرها دار بالاقطار تعجبنا
هي مهبط الوحي منبع سيرة الهادي = فيها ربينا ومنها ساس منسبنا
كونو لها سور عن طماع ومعادي = سلم المسالم وحرب لمن يحاربنا
تحت ذرى من لهم بالنصر ميعادي = في ظلهم بالعدى تسطي مضاربنا
عاداتهم يكسرون خشوم الاضدادي = لين المعاند بعد طيشه يصاحبنا
اللي لهم صعبت القالات تنقادي = معهم وفا اجدادنا للدار يجذبنا
اللي لصقر الجزيره حبهم زادي = ماتختلف عن مذاهبهم مذاهبنا
في عهدهم مر قرن ووضعها هادي = ومن هيبة ابطالها شفنا مكاسبنا
مرت مئة عام وهي بافراح واعيادي = وعلى نموذج فعايلهم تخاطبنا
الى اخره
كنا مع الوقت شيل وحط وجهادي = تاريخ قاسي لكن ذكراه تطربنا
حيثه يهون الشقا في خدمة بلادي = ارواحنا دون حده هي جلايبنا
ماشاءالله. عليك. ياابو فارس شاعر وطني باإمتياز .
الله يوفقك ويحرسك ويرعااك. ...@
(( واقول ابرك الساعات لاهبّت النسناس ،،، وجاني شعر من يَسعد البال بقدومه))
ماشاء الله جمييييله
وقمة الروعه جمع المتضاد في البيت الاول بين كونه شيل وحط وجهاد وقسوة ايام وبين كونه يُطرب
حيثه لهدف راااائع لاجل الوطن تبارك الرحمن الله يزيدك من فضله
الله يرد كيدهم في نحورهم ويقلب اهدافهم ضدهم وتتعكر مشاربهم هم
يسعدك ربي شاعرنا المبدع
والله هذا من ذوقك يابو فارس وبيت الشعر منقول ولست ناظمه ابدا ولا اعرف انظم ولا كلمتين على بعض
هذا جزء بسيط من ملحمه وطنيه للاديب الشاعر محمد العقيل (ابو عبدالرحمن الظاهري) يقول :
وابى اذكر بالفخر عبدالعزيز مجسر الذلان ،،، جمعهم لين خلى للشريعة جند واعوان
ظهر صقر الجزيرة والبلد في حالة الحرمان ،،، يحيط بها سياج للجهل مظلم وعكنان
اقول انه لنا رحمة عطية ربنا المنان ،،، وهو نقمة على اللي ضيعوا لحقوق الاوطان
ترى حق الوطن دين ودولة تعدل الميزان ،،، وعيشة راغدة يشبع بها العاجز مع العاني
وتامن بالرعي شاة المفالي هجمة السرحان ،،، وسمعه ترهب القاصي ويطرب رجعها الداني
وسلامتك ياشاعرنا ابو فارس
من الحاضر .... من روائع شاعري المبدع فهد عافت :
مريم وتضحك يرق الما ويصفالي زماني ،،،، والمكان يطيب والرمان يتكدّس هنيا
قلت رحلتنا تبي سكر وترنيمة أغاني ،،،، جاوبت هات الأغاني وأترك السكر عليا
من شفايفها صباح الخير شكل وطعم ثاني ،،،، آه لو تدري وش تسوي صباح الخير فيا
تاخذ الما من يديه توصله شط الأماني ،،،، واهنيي كل مامريم خذتني من يديا
أذكر أول ماتلاقينا تسمّرت بمكاني ،،،، حاولت عيني تشوف الدرب مير القلب عيا
الحلا فيها من أقصاها ولا للزين داني ،،،، كل مافيها خلقه الله من طلعة محيا
كل ماعز الطلب عندي وقالت لي عشاني ،،،، قلت من هذي قبل هذي وجابتني حميا
قبلها ماطاعت اقدامي طريق الا عصاني ،،،، بعدها ماظل حلم أخضر بصدري ماتهيا
ابو فارس ننتظر قلمك الجميل
بنتسلى ايضا برائعة فهد عافت في مدح الملك فهد الله يجعل مثواه الجنه ووالديك ووالدين الجميع
لحد مايوصلنا ابداعك :
سلامات تطول الغيم وعذوق النخل والطير ،،،، تزف ابه الشموس من النفوس لشيخها الغالي
هلا ياللي خلقت بيوم راد الله بخلقه خير ،،،، ابغني وابنطح بالهلا ياسيدي فالي
تمسكنا بحبل العروة الوثقى وهو تدبير ،،،، تكافخ به بيارق عزنا في المر والحالي
وسلمك الولي للشعب حب وللوطن تعمير ،،،، وللمحتاج تاج وللعدا ضيم وغربالي
اسمّيك الجبال الشم والقى بالحكي تقصير ،،،، خفافك لو نحملها الجبال تدوّر الوالي
واسميك القمر زلة لسان ومالقابه غير ،،،، شعاع ينطفي وانت اول انوارك بلاتالي
اسميك المطر حاشاك لامانت المطر يامير ،،،، وهو لاعطا نزل واما انت تعطي وانت في العالي
اسميك انت مااسميك غيرك باخر التفكير ،،،، بغيت القى شبيه لك سواك وماتهيالي
يعافي قلبك شاعرنا
ملاحظه جميله فعلا انا جايه الليله بدري لاني مقرره انوم بدري غصب
والله السهر دمر عظامي وظهري عندي دسك ويتأزم من السهر
خلاص نووووم
تصبحون على خير
وباذن الله نتصبح بابياتك الجميله