انا كان ب رأيي ان الحداء هو الغناء المنفرد وليس محاوره ولكن ب صوت رخيم او لحن واحد تقريباالمشاركة الأصلية كتبت بواسطة الـبـقـمـي
اما الارجوزه ماعرف صراحه ..
شكرا لك اخويا على وجودك
انا كان ب رأيي ان الحداء هو الغناء المنفرد وليس محاوره ولكن ب صوت رخيم او لحن واحد تقريبا
اما الارجوزه ماعرف صراحه ..
شكرا لك اخويا على وجودك
نعم انا انظم الى استبرق في ان شعرهم هرجه لكن شعرهم هرجه جميله جدا بمعاني مبتكره تصل الى حد الابداع وبالرغم من انهم بدون تعلم للبحور الا انك تجد شعرهم مقفى صدر وعجز وبوزن احترافي
ومثل ترجمة القصيده للقصه قصيدة القهوه الطويله لشاعر عنيزه محمد القاضي اللي يقول فيها :
دقه بنجر يسمعه كل مشتاق ... راعي الهوى يطرب الى دق بخفوق
قصيده رااااائعه ولها قصه جميله جدا
قصيدة عبدالله الصبي السابقه وهي كامله اراها راااائعه جدا وهي وغيرها من القصائد اللي خلت الملك عبدالعزيز يتشبث بالصبي وين مايروح ياخذه معاه
وله قصيده عن الملك عبدالعزيز في احدى بطولاته :
نحمد اللي عز دينـه وصـدّق بالوعـد ..والبس التوحيد ثوب من البيضا جديـد
وادرج القاله على راس خـوان العهـد..ربنـا بالمخالـيـق يفـعـل مايـريـد
ولّ عَوْد ماتميـز محمـد عـن حمـد..تدّعي بالدين والدين عن مثلـك بعيـد
ياضعيف الجد والجند وضعيـف الجهـد..يامقلب مذهبه يـا العنيـد بـن العنيـد
غـادي قلبـك بعميـاه تـوّه مابـعـد..والف الدين الحنيفـي ولادين وكيـد
شيخنا اللي درسك في حديـث المعتقـد..وانت قبله ماتعرف الحديث من النشيـد
يوم اراد الله عليـك المضـره والنكـد..وهقك ...فـي لجـة الحـرب الشديـد
إنشد...عـن حالهـم يـاابـو فـهـد..جعلها حـال عليهـم إذا عـادو تعيـد
كنهم بيـن العثاميـر والحـزم الجلـد..في مداس الخيل يوم ادبروا حب الحصيد
فـي نهـار ذاهـل والـد عمـا ولـد..تشتعل نيرانها من حديـد فـي حديـد
يابيوت السرق ماعاد يبنى لـك عمـد..هودي عن دورة الحكم ياسـودا لبيـد
لاتغـرك شاشـة ...لـو كثـر العـدد..مثل بردان التهامي تليّـم ليـن صيـد
شفت يابو فارس البيت التاسع فيه صورة وصف وهم في مداس الخيل بسيطه ومن البيئه لكنها معبره بمعنى الكلمه
اعتذر للاطاله لكني مع الشعر ماانتبه لنفسي يسعدك ربي ابو فارس على فوائدك الكبيره منك نستفيد
اللي فاهمه يرتاح معاه ويعجبه بس الشعر قناعه ..
طيب قارني بينه وبين شعر محمد المري
رغم انه عامي بحت
،؛، .. ســـولفـــــوا .. ،؛،
سولفوا تكفون لا عاد تسكتون ..
.. قبل لا أهوجس وياتيني بلاي
السكات يزود طعوني طعون ..
.. وتنكسر لا جا على راسي عصاي
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
واضحكوا لو بالعماله تضحكون ..
.. وجاملوني لو يضايقكم حكاي
لي وليفٍ راح جعله ما يهون ..
.. هو دواي وداي .. أو داي ودواي
راح لكن طيف زوله في العيون ..
.. مرةٍ قدامي ومرة وراي
وإن سكتوا جا وهو طيفه يمون ..
.. رحت أهوجس له وأبين له ولاي
مكسب عيوني من الفرقا مزووون ..
.. تمطر لطاريه .. والبرق ؟ أصدقاي
كل ما طروه لو هم يمزحون ..
.. احرموني من غداي ومن عشاي
أدري إنه ما تناسى الود كون ..
.. تسمع إذنه في قفاي اللسن عداي
وكانهم قالوا نسيته يكذبون ..
.. وإلا أنا فيه أمتلك نظرة وراي
كان حبه لي على خبري مصون ..
.. والله ان كني بقدري .. وبغلاي
ذي بقايا الحب وأطلال الجنون ..
.. والله أعلم في ضميره وش بقاي
غير طيعوني ولا عاد تسكتون ..
.. ولا والله إن أسمعكم بكاااي
،؛، الحب مثل النوم ،؛،
الحب مثل النوم .. والوصل .. الاحلام..
.. والشيين من الاحلام..صـد المحبييـن
نوم ٍ طويل ٍ عمره اشهـوور واعـواام ..
.. وان قمت.. ففهمها فرااق وسهر عيـن
وانا رقدت وعمري اربع عشـر عـام ..
.. وصحيت في شهر اربعه عام الالفيـن
نـوم ٍ ثقيـل ٍ كلـه احـلام واوهـاام ..
.. ونصيبي من احلامـه الجانـب الشيـن
صحّى الفرااق اقلوب في عكسه..نيـام ..
.. وغاب الفرح وانا بعكسه الـى اللحيـن
ياحزن كبدي حزن من ضاق ثـم حـام ..
.. اخذت فروخه مـادرى ليـه ولويـن؟
بعد ما شاف العـش عيـدان وعظـام ..
.. خاالي..تفكر فووق ويسـاار.. ويميـن
خلا عشاها فيه ومـن الوطـى شـاام ..
.. زبن علـى روحـه وفـل الجناحيـن
وياوجد حالي وجد مـن نـام ثـم قـام ..
.. على صياح امـه وهـو دون رجليـن
عويـق وامـه تنعتـه والنعـت سـام ..
.. وهو خابر انه يقسـم الصـف صفيـن
حبا وصاح بصيحـة ٍ تاصـل الشـام ..
.. منهـا تقطّـع فـي خفوقـه شراييـن
على وليـف ٍ قسـم اظنونـي اقسـام ..
.. واقفى وانا ما اعـرف طـرد المقفيـن
راح وترك في صدري ووسووم واعلام ..
.. وصـى علـي طيفـه وقفـى بقلبيـن
ليتـه تعـذّر كـان مـاهـو بـمّـلام ..
.. بعد ماشـااف الـدرب بيسيـر دربيـن
اشوى عليه شوي..مـن عـظ الابهـام ..
.. واشوى علي شوي..من دمعـة البيـن
تمشـي بنـا الاقـدام والمـوت قـدام ..
.. وميعادنـا يمفـرق اثنـيـن بعـديـن
ياعيـن لا تبكـيـن وعيـونـه تـنـام ..
.. عادش الى ما خـاب ظنـي بترضيـن
لـو الدمـوع اتفيـد فـادن الايـتـام ..
.. ولـو الكـلام يفيـد عـادت فلسطيـن
ولـو النبـاات يطّلعـه دمعـة هيـام؟..
.. شفتوا علـى وجهـي ورود وبساتيـن
الحب سجن..وبعد الاحبـاب الاعـدام ..
.. وقلوبنـا السجّـان مـدري مساجـيـن
الحب نوم ٍ عمـره اشهـوور واعـوام ..
.. وان قمت ففهمها فرااق وسهـر عيـن
اووووووو تبارك الرحمن محمد المري وش خليتي وش بقيتي ياوخيتي ورائعته دكتور العيون خياااال
يسعدك ربي استبرق
العفو بس فعلا شعر غريب نوعا ما
للاخ ابن الصحراء ايش هو الفرق بين الحداء والارجوزه مفرد اراجيز ..
كلها مغناه ولا كيف ..
محد يعطينا وجه ماعليش
والله يام جوان انا ماعندي المام تام بالرجز ولكن الي اعرفه ان الرجز قديم اقدم من الشعر العامي وهو ينتمي للشعر العربي
واعتقد ان بعض القبايل صارويطبقونه بالشعر العامي وخاصه في المنطقه الغربيه والشرقيه
وهو باعتقادي ليس بعيد عن الحداء فالحداء تجي اشطره قصيره ولاتتعدا الحداه عدة ابيات واعتقد ان الرجز قريب من ذلك
- ياااااااااااااااااااااااا ااااااااااااااسلااااااااا اااااااااااااااااااااااام عليكم
تسلم يمينك ابو فاااااااارس
جميل ما اوردت
والخير فاااااااااااااااااااااالك
اهلافيك دمي اخضر اذا هو جميل فهو من مرورك زاد جماله
لك شكري وتقديري
شكرا ابو فيصل والله انا طرحت وجهة نظري وانا ماعندي المام بالرجز وحكمي عليه ماهو دليل قاطع
لانه لايوجد بوسط المملكة قد تكون انت اكثر المام مني فيه شمرا لك على المشاركه
تستاهل الجوهره الشكر ولعلها تزامل الاخت نورجنا
ولو انني اشوف نورجنا بعد عودتها من الغياب الطويل صارت مقله بالمشاركات
شكرا لك ابو فيصل
لالالا لاازعجتيني ولاشي وكلامك جميل وملاحظاتك في محلها
ولكن بالنسبه لقولك فيه كسور انتي اذا تقراينه تحسي ان فيه كسر والصحيح ان قصيدة الشاعر لايكون فيها كسر ولكنه يجيبها على لهجته
فهناك شعرا كبار يلقوا قصايدهم تسمعها جميله جدا ولكن اذا قريتها تحس ان فيها خلل وهذا عايد للهجه - وقد نورد امثله على ذلك فيما بعد -
اما موضوع الكتابه سبق ان دار فيه نقاش هل تكتب القصيده العاميه باللغه العربيه - كما ذكرتي - ام حسب النطق فالكثير منهم فضل انها
تكتب مثل ماينطقها الشاعر- وشعرا النبط الجيد كثيرين ومنهم ماذكرتي اسماهم وهؤلا الذي يدخلو عليه عبارات حديثه تجمله عند المتعلمين
بينما كبار السن يفضلوا شعراء اخرين - ارجو ان اكون وضحت لك بعض الشي لك تحياتي
انتي ماشا الله عندك مخزون جيد من الشعر القديم وهذه عرضه جميله
وماشالله عليك فاهمه معا نيها جيدا
طبعا اخترتي قصايد شاعر معترف فيه
وكثير الشعراء المرموقين وشكرا لك على طرح هذه القصايد الجميله
ترا السن له دور يابو فارس
انا فاهمه معانيها لاني مخضرمه لحقت على ذاك الزمن الجميل واعيش هذا الزمن الباذخ السريع
ويمكن اكون على وشك الانقراض كني ديناصور
لذلك انا بعطيك من الكشكول القديم وانت عطنا وامتعنا من الحاضر والقديم كلهم الله يمتعك بسعاده وبعفو وعافيه
ننتظر ابياتك وابداعك ياابافارس
ضوابط المشاركة
رد مع اقتباس
