قالو فيه رجل مشهور بالشجاعه يوم وقت المغازي ويوم الجزيره بين ناهب ومنهوب
انتهت ولله الحمد الامور القديمة وهداءت الامور وكبر الرجال في احد المرات اجتمعوا عنده شباب ورجال من الذين لم يلحقوا عصر الغزوات
يسألونه عن الماضي وكيف يتصرف اثنا المعركة - قال انا بعلمكم بسر انا كيف صرت شجيع
قال كنت شاب وقبل اجرب نفسي بخوض المعارك تعاشقت انا وزوجتي ام عيالي وحبينا بعضنا وتواعدنا على الزواج
فحصلت علينا غاره من احد القبايل فركبت فرسي وخذت سيفي ورمحي واغرت مع ربعي ويوم بداءت المعركه
وشفت لميع السيوف يوم تبارق بيدين الفريس والرماح يوم يتزارقون فيها وانا يصيبني شي غريب وتجيني رعده وانا احرف فرسي وانحاش
رجعوا ربعنا منتصرين انا الان ابغا اروح لعشيقتي لكن منفشل وعارف انها بتغير علي المهم انني رحت لها وهي مع غنم اهلها
ويوم سلمت قالت حي الله شردان وقبل مارد عليها اردفت وش تدور يوم انك جاي قلت جاي لك قالت انت ضان انني عشيقت شرود
روح روح الله يستر عليك دور وحده تقبلك غيري قال ودورني ماتلقاني رجعت منفشل وانا اغليها وهي كانت تغليني بس هالهربه خربت كل شي
قال اخذت لي ايام وانا مريض مادري وش اسوي قال اشتكيت على واحد من الجماعه ولد طيب وفارس طلبت منه انه يتدخل
فعلا قابلها وناقشها بالامر وقام يعتذر عني قالت انت وش تبي تبيني ارجع لواحد هارب من ربعه بالمعركه والله ماقدر - قال انا اوعدك انها اخر مره تصير
قالت اذا جاني خبره انه فعل مع ربعه فعلا يطلق وجهه هاك الحين احطه بعيوني قال بس توعديني انك تنتظرين لين يدخل اول كون -يعني معركه
قالت ابدا انا منتظره الى ان يهرب مره ثانيه والا يغسل الفشيله الاوله
قال علمني رفيقي بكلامها معنى هذا انها ماهي مستقبلتني الا بعد معركه - المشكله انها اذا ذكرت المعركه السابقه جتني نفاضه
المهم جلسنا ننتظر متى تجي معركه - قال رفيقي شف اذا جات معركه خلك قريب مني بس انتبه والله لو تهرب انك لتحول من ظهر الفرس ميت
المهم اغروعلينا قوم وركبت فرسي مع ربعي ويوم بداءت المعركه ويوم اشوف بعض السيوف يوم يهوي الى هو شايل راس رجال او شايل متنه
واشوف الرمح الى زرق الى هو جادع رجال او فرس - بغيت احرف فرسي قلت يلعن ابوها هذه تبيني اموت الى رفيقي ملبق ٍ لي يحذرن من الهروب
المهم الى هاك الخيال فرسه ماهي سبوق وانا اضربه مدري منين ضربته المهم انه طاح واقضب عنان فرسه والى هاك الرجال طايح ودنق عليه واخذ سيفه
واجي رافع راسي كاسب وتصير هذيك بداية شجاعتي وفراستي اللي تسمعن فيها واخذ عشيقتي الي هي ام عيالي وسلامتكم
المشاركة الأصلية كتبت بواسطة ابن الصحرا
