..
* زمان كان بيتنا غرفة صغيرة وصالة يتجمع فيها القرايب والجيران ، واليوم بيتنا كبير وغرف كثيرة ما فيها غير الارض و الجدران . هذا مسافر و هذا مهاجر وهذا زعلان و هذا من الدنيا طفشان .
* زمان كان غدانا رز الرصيص والكشنه صلصه.
نفرش الأرض ونأكل من صحن واحد و ضحكتنا يسمعها الجيران ، واليوم السفرة مليانه لحوم و دواجن
وصحون أشكال والوان ، بس يا حسرة اﻷماكن فاضية بتتمنى يملاها أهل المكان .
* زمان بالحوش سهرتنا و أبوي يحكيلنا قصة كان يا ما كان ، نشرب الشاي ونأكل الحَب ومن ضحكتنا تبين اﻷسنان ، واليوم سهرتنا موبايل و نت وسناب شات حتى صرنا بخبر كان .
* زمان كنا نسأل عن بعض و نزور بعض ونتلاقا بالأحضان .؟ واليوم من العيد للعيد نتزاور غصب ..حتي السلام لله .. مانسلم والقعده على قلوبنا نيران .
* زمان لا مرض الواحد فينا تجمعت حواليه
القرايب و الجيران ، واليوم الأخ ما يقدر يقول لاخوه الحقني تراني تعبان .
* زمان كان اﻷخ يفدي أخوه واخته بكل ما عنده حتى لو كان طفران ، واليوم تلقى الواحد مو لاقي ياكل وأخوه في العسل غرقان .
ومسوي نفسه زعلان لأتفه الأسباب وقطيعه وهجران لأخر الزمان .
وينكم يا أهل الزمان تشوفوا القلوب تغيرت، ويش سوت بين اﻷخوات والإخوان !!! لا عاد الود يجمعهم و لا عادت
المحبة بقلوبهم ولا فيه احترام للكبير منهم زي زمان .
* زمان كانت المائة ريال تكفي العائلة ، والحين ألف ريال ما تكفي لواحد .
* زمان توجد سيارة وحدة في البيت تكفي البيت والجيران ، والآن في البيت عدة سيارات .
* زمان أول تعرف وش متعشي جارك ، والآن يسافر ويمرض ويروح ويرجع وأنت ما تعرف عنه شىء .
للأسف واقع نعيشه ، ويقولون ليش المجتمع تغير كيف تلومـون الزّمــــان وعقْـــــرب الســــاعه يدور نفْس الشّهر . نفْس السنه ..نفْــس الفصول الأربعه ، اللي تغيّــــر واختـــلف ..صــدْق المبادي والشعور
كانت بيوتنا صغيره بس .. صدورنا وسيعه ، واليوم نسْكن فـــي السـْعَه بصدور مافيها سَعه .
نَعِيبُ زَمَانَنَا وَالعَيْبُ فِينَا ..... وَمَا لِزَمَانِنَا عَيْبٌ سِوَانَا
وَنَهجُو ذَا الزَّمَانَ بِغيرِ ذَنْبٍ ..... وَلَوْ نَطَقَ الزَّمَانُ لَنَا هَجَانَا
صندوق حاجيات العروس تتكفل «الربعية» بنقله إلى بيت الزوج
اشتغل ابن عيسى في تجارة الأقمشة وكان مثالاً في تحري الصدق والأمانة والوفاء بالعهد
لقطة في البادية منذ ثمانين عاماً لفتيات يرقصن في أحد الأفراح
المدي حوض مستطيل لسقيا الاغنام
