..
* زمان كان بيتنا غرفة صغيرة وصالة يتجمع فيها القرايب والجيران ، واليوم بيتنا كبير وغرف كثيرة ما فيها غير الارض و الجدران . هذا مسافر و هذا مهاجر وهذا زعلان و هذا من الدنيا طفشان .
* زمان كان غدانا رز الرصيص والكشنه صلصه.
نفرش الأرض ونأكل من صحن واحد و ضحكتنا يسمعها الجيران ، واليوم السفرة مليانه لحوم و دواجن
وصحون أشكال والوان ، بس يا حسرة اﻷماكن فاضية بتتمنى يملاها أهل المكان .
* زمان بالحوش سهرتنا و أبوي يحكيلنا قصة كان يا ما كان ، نشرب الشاي ونأكل الحَب ومن ضحكتنا تبين اﻷسنان ، واليوم سهرتنا موبايل و نت وسناب شات حتى صرنا بخبر كان .
* زمان كنا نسأل عن بعض و نزور بعض ونتلاقا بالأحضان .؟ واليوم من العيد للعيد نتزاور غصب ..حتي السلام لله .. مانسلم والقعده على قلوبنا نيران .
* زمان لا مرض الواحد فينا تجمعت حواليه
القرايب و الجيران ، واليوم الأخ ما يقدر يقول لاخوه الحقني تراني تعبان .
* زمان كان اﻷخ يفدي أخوه واخته بكل ما عنده حتى لو كان طفران ، واليوم تلقى الواحد مو لاقي ياكل وأخوه في العسل غرقان .
ومسوي نفسه زعلان لأتفه الأسباب وقطيعه وهجران لأخر الزمان .
وينكم يا أهل الزمان تشوفوا القلوب تغيرت، ويش سوت بين اﻷخوات والإخوان !!! لا عاد الود يجمعهم و لا عادت
المحبة بقلوبهم ولا فيه احترام للكبير منهم زي زمان .
* زمان كانت المائة ريال تكفي العائلة ، والحين ألف ريال ما تكفي لواحد .
* زمان توجد سيارة وحدة في البيت تكفي البيت والجيران ، والآن في البيت عدة سيارات .
* زمان أول تعرف وش متعشي جارك ، والآن يسافر ويمرض ويروح ويرجع وأنت ما تعرف عنه شىء .
للأسف واقع نعيشه ، ويقولون ليش المجتمع تغير كيف تلومـون الزّمــــان وعقْـــــرب الســــاعه يدور نفْس الشّهر . نفْس السنه ..نفْــس الفصول الأربعه ، اللي تغيّــــر واختـــلف ..صــدْق المبادي والشعور
كانت بيوتنا صغيره بس .. صدورنا وسيعه ، واليوم نسْكن فـــي السـْعَه بصدور مافيها سَعه .
نَعِيبُ زَمَانَنَا وَالعَيْبُ فِينَا ..... وَمَا لِزَمَانِنَا عَيْبٌ سِوَانَا
وَنَهجُو ذَا الزَّمَانَ بِغيرِ ذَنْبٍ ..... وَلَوْ نَطَقَ الزَّمَانُ لَنَا هَجَانَا