سلام الله يـا روح القصيـد ولهفـة الغاليـن ,,,,,,,,,,
سلام الله يـا روح القصيـد ولهفـة الغاليـن
لا منها مرت علي نسايـم.. شـوق مشحونـه
جعلتك يا لوفا دربي ورغم انف الزمان الشيـن
يموت الخوف.. وأسرار القلوب تموت مدفونـه
نسيم الصبح صحاني ..عليك آسأل عذاب البين
ناديتك في صدى حرفي ..لو آن النفس محزونه
أنا ماجيت لك قصدي ..كتابة بيـت أو بيتيـن
آنا جيت أكتب إحساسي لكل النـاس يقرونـه
رعاك الله .. ياراع الغرام الحايـر المسكيـن
رعاك الله .. ياتاج القصيـد الزيـن ولحونـه
رعاك الله ..لامني ذكرتـك والبشـر ناسيـن
رعاك الله .. لاحالت ظروف الوقت من دونـه
رعاك الله .. لافاح الخفوق وهيـض الغافيـن
رعاك الله .. لا هاض الضمير وبـاح مكنونـه
مع اني ما تعـودت اتبـع ركايـب المقفيـن
ولا بيع الوفاء والحـب مثـل اللـي يبيعونـه
رسمتك خط ما يمحى..لو انه ما قضى لي دين
حفظتك بالزمن ذكرى وقصـة حـب مصيونـه
حسبت الوقت ينسيني جروح ٍ حدهـا سكيـن
وأشوف الوقت قاضبني ويمشي لي على هونه
علـى الله ياالفـراق المرودمعـة العينـيـن
أمانه دمعتي رشـي عذابـي وغيـري لونـه
سلام الله يـا روح القصيـد ولهفـة الغاليـن
وسلام الله يـا حـال العنـا وعيـون يبكونـه
منقول
المشاركة الأصلية كتبت بواسطة الهاشميه4
